JOM

下晝一點半到左門外見到full house, 等左十多分鐘就有枱。午餐$98 唔太貴，餐廳望落好企理，座位坐得舒服又唔迫，冷氣好夠 👍 。今日點左滑蛋河要加$20, 四個人每人再加一個小食，一次過試哂佢哋出名既小食。滑蛋河有D似濕炒河+湯河，D蝦好新鮮同彈牙，嗰湯有D甜甜地好開胃，係量細左D，好彩叫左幾個小食。必試辣椒蟹饅頭，其他地方唔見有呢種饅頭，平時炸饅頭加煉奶已經好好食，今次加蟹肉，一啖有齊鮮蟹肉，辣，甜同脆既口感，應該得閒都會再幫趁。蝦棗同沙爹雞肉串正常發揮，咸蛋炒酥炸蓮藕片最啱餸啤酒，脆脆地又咸咸地，不過跟餐叫左薏米水。今次除開要$150, 有D貴，但坐得舒服又夠冷氣 👍 。