JOM

今日搵灣仔嘢食，Search到呢間！太多廢話唔講啦，直接講感覺同食物！1分最低 - 10分最高食物水平：6分 = 味道可以，但唔算好食食物份量：4分 = 是否以價格去評論，都算細份食物價格：5分 = 以這種格局餐廳屬於貴而精緻嘅出品，但實際並不精緻，所以屬於貴，但尚可接受上餐速度：3分 = 非常慢，出一個加央多都接近20分鐘，嘢飲都好慢服務態度：8分 = 服務態度幾好嘅，俾返個Like場地感覺：6分 = 乾淨，骨子，但係場地偏細是否會回頭再食 = No…查看更多

新加玻菜，一食個喇沙就知間野龍定蟲！$98，賣相已經普通，連靈魂所在既新加玻魚蛋都冇，湯底超hea, 飲左一啖即刻唔想食。球其係超市買個喇沙湯底應該好味過佢！最“勁”既係將幾隻蝦一劏為二“扮多”！感覺很差！！唔知以為去左茶記食！$98一碗粉仲未加一華裔收銀又扮nice, 出去埋單明明見到都扮見唔到，叫佢d 非華裔員工執左張檯先，但明明出面冇人等位！最後呆居居係cashier等左5分鐘先有人來埋單！…查看更多

想試下呢間野好耐，今日happy Friday 就想話試吓。知道Lunch hour 應該都忙，打定book 位，第一次cut 線都算，打多次想make sure 有位，點知聽電話既同事態度冷淡過茶記。都唔緊要，好食就得啦，話晒成100蚊一個餐。落到餐廳，帶位帶坐底後輕描淡寫咁講左句用餐時間得45分鐘。係我哋傻，抱住唔嚟都嚟咗個心態，照坐低食。我哋三個人叫咗三個餐再加小食，由點餐到上菜大概10分鐘，換句話講我哋得返半個鐘左右食飯。主食味道唔錯，小食好一般，其中一杯薏米水d薏米係一餅嘢。我打咁大篇嘢，只係講咗一句味道唔錯，冇相亦都唔能夠仔細話俾你聽有幾好食，因為半個鐘你唔使諗住可以打到卡影咩相，我連小食最後都未食完，收銀已經行過嚟講下一台客到咗45分鐘已經夠鐘。然後再同下一批客講’就係等緊呢張枱’跟住指住我哋。45分鐘收500幾蚊，好生意丫…查看更多

重椰漿的喇沙，配料份量剛剛好，不過不失。$38沙嗲串燒小食份量好足夠，建議加購，但係醬料比較油，味道唔夠。間鋪都聞到好香香料味，但係食落就比較淡。The rich coconut milk in the laksa has just the right amount of ingredients, though it’s nothing extraordinary. The satay skewers for $38 are quite substantial, so I recommend getting them, but the sauce is a bit oily and lacks flavor. The restaurant has a pleasant aroma of spices, but the food itself is rather bland.…查看更多

鋪頭面積好細，睇下餐牌，有d 新鮮感嘅菜式，走新派星馬菜路線，就入去試下。點左個二人套餐：前菜拼盤咸蛋炒酥炸蓮藕片 :  蓮藕片炸得幾香脆，加埋鹹蛋黃醬，鹹香又脆口。好味。👌🏼咖哩雞小金杯：正正常常冇咩特別。👌🏼蟹肉烏達：荷葉片包住一啲香料味嘅蟹肉，口感係滑滑嘅糕點的質感。第一次食呢種口感，味道係東南亞香料味。🤔海鮮滑蛋河 ： 一般嘅濕炒河嘅味道。正正常常冇咩特別。👌🏼辣味軟殼蟹包 ： 軟軟甜甜嘅中式包，夾住脆脆嘅軟殼蟹。味道正常。 烤牛肋骨 ： 呢個最好味。牛肋骨好嫩滑。配以兩種唔同酸酸辣辣嘅醬料，味道唔錯。👌🏼 叁巴炒通菜 ：唔算太油太Heavy，都唔錯。🤔脆皮香蕉炸餅配美祿呢個頗失望。就係普通嘅炸香蕉叫左d 美祿粉，但食唔到美祿味。正常炸香蕉嘅味道。👌🏼咖椰多士佢嘅咖椰醬唔係預期中好滑嘅質感，而係加咗啲椰絲喺入邊。導致到個口感唔係好幼滑。唔係預期中想食到嘅口感。…查看更多