一生懸麵

營業中

休息中

之前去過九龍灣店幾次，最近知道旺角原來都有分店。一生懸麵真係好出名，九龍灣分店要排隊之外，旺角店都排左長長人龍，不過好彩15分鐘就入得。雞白湯拉麵($95)一生懸麵嘅拉麵係用幼身嘅麵，麵身可以揀唔同硬度。我就比較喜歡標準，麵食落煙煙韌韌有咬口。拉麵湯底味道濃郁有洋蔥味，配慢煮豚叉燒、慢煮雞叉燒同流心蛋，唔錯！広島県の牡蠣沾汁麵 - 旺角店期間限定 ($138)配料非常豐富，有主角炙燒廣島蠔、炙燒叉燒、慢煮豚叉燒、慢煮雞叉燒，燒洋蔥同半熟蛋。廣島蠔漲卜卜，兩邊都煎香左，完全無腥味。沾麵汁好重蠔味同洋蔥香味，味道好鮮甜。唐揚炸雞($35)炸雞有五件，肉非常嫩滑，但外皮又炸到十分香脆。啖啖肉嘅感覺，真係好正。雞軟骨棒 ($29) 呢個棒之前係九龍灣分店已經食過，實在太出色，所以今次要翻兜！咁高質素嘅拉麵同小食，每人百幾蚊就食到，性價比真係極高。