港畔餐廳

營業中

休息中

2月頭，期待已久嘅麗晶酒店自助餐，第一次食過千玩嘅自助晚餐，非常期待。朋友兩個多月前預定先食到，好感恩佢嘅安排。當日我哋4人，我大約7點到，佢哋就6點半就到開始享受餐食。海鮮有海膽，大大粒三文魚籽，長腳蟹，龍蝦，麵包蟹，吞拿魚等。龍蝦每次可以扲半隻，係即刻用水整熱給客人，新鮮彈牙。其他海鮮就係凍盤上。佢啲剌身都係即時切，夠新鮮。唔多人排隊拎，可能大家都被其他食物吸引多啲。熱盤當然有鮑魚，炒海鮮，墩海，牛扒等等。朋友話牛扒普通，所以我都冇拎啦。甜品區選擇豐富，切蛋糕大大件，朋友話食一件蛋糕都飽了^_^。平日食比星期五，六日平，但都要一千，真係一試就算了。