影片
更多
2024-08-23
510 瀏覽
最近屋企人生日，因為長輩都比較鍾意食中菜，但係自己又唔多食開，經朋友介紹就話呢間喜記好好食，而且價錢又唔貴，咁就一於嚟試吓啦。我個人最鍾意食嘅就係蒜蓉粉絲蒸扇貝，呢度嘅扇貝夠晒大隻，而且蒜蓉好香口。蒜蓉嘅份量又啱啱好，蒜蓉絕對唔會搶咗扇貝嘅鮮味，反而提升咗唔少層次，我媽咪唔鍾意食扇貝都話好食呀。另外呢個蒸蟶子都好出色，不過佢唔係特別大隻，聽老闆講呢期嘅聖子唔係特別大隻，咁我哋就叫咗4隻試吓算啦。不過雖然唔大隻，但係食落都好新鮮同埋好香。呢個薑蔥炒蟹真係好香，一上枱已經忍唔住係咁影相啦。因為佢非常大隻，而且入面好多肉，仲有唔少膏添，屋企人都大讚呀。呢個豉油王炒麵竟然都好出色，好夠鑊氣，食落唔會好鹹，越食越開胃啊。今次因為我哋唔算多人，所以只係可以叫多幾個菜式。但係呢度咁好食，已經同屋企人約好下次親戚食飯都嚟食呢間，咁就可以再試多啲啦。
我個人最鍾意食嘅就係蒜蓉粉絲蒸扇貝，呢度嘅扇貝夠晒大隻，而且蒜蓉好香口。蒜蓉嘅份量又啱啱好，蒜蓉絕對唔會搶咗扇貝嘅鮮味，反而提升咗唔少層次，我媽咪唔鍾意食扇貝都話好食呀。
另外呢個蒸蟶子都好出色，不過佢唔係特別大隻，聽老闆講呢期嘅聖子唔係特別大隻，咁我哋就叫咗4隻試吓算啦。不過雖然唔大隻，但係食落都好新鮮同埋好香。
呢個薑蔥炒蟹真係好香，一上枱已經忍唔住係咁影相啦。因為佢非常大隻，而且入面好多肉，仲有唔少膏添，屋企人都大讚呀。
呢個豉油王炒麵竟然都好出色，好夠鑊氣，食落唔會好鹹，越食越開胃啊。
今次因為我哋唔算多人，所以只係可以叫多幾個菜式。但係呢度咁好食，已經同屋企人約好下次親戚食飯都嚟食呢間，咁就可以再試多啲啦。
張貼
