影片
更多
2024-04-11
165 瀏覽
一喜車仔麵係土瓜灣好出名，最近喺尖沙咀都開左一間分店，地點好方便，就係尖沙咀重慶大廈隔離，heath慶方地庫。今日就帶仔仔去試下！估唔到喺舖頭門口有個車仔麵木頭車，真係勾起我嘅童年回憶，又可以俾仔仔Cosplay玩一下🤣尖沙咀一喜車仔麵不設加一服務費，喺尖沙咀來講，真係價錢平民，適合做每日飯堂。❤️❤️❤️紫菜4寳淨餸（黃金雞湯）另加米線紫菜4寳係：有魷魚的魷魚丸、汕尾馬鮫豬肉丸、爆汁瀨尿牛筋丸、汕尾手工小米粿。食得出啲丸都係人工手打而成，而且用料好足，真係感受到舖頭好有心做！個湯底係一喜秘製黃金雞湯，一啖就食得出唔係味精調製，我成碗雞湯飲晒，都唔會話口渴，香港人絕對明白咩叫雞湯有雞味！❤️❤️❤️咖喱汁車仔麵 用QR code可以自己揀麵底揀餸，仲又得訂自選面淋啲 / 麵爽啲 / 多湯 / 走蔥等等選項。個咖喱汁係舖頭每日自家製，由朝早就炒10幾種香料準備定，真係同出面用咖喱粉溝出嚟嗰啲味道完全唔一樣！絕對推薦！❤️❤️❤️汕尾小米粿8粒(豬肉粉粿）$30小米粿係潮汕小食，好有特色，喺其他車仔麵店都好少見！外皮應該係用木薯粉整成，口感超級軟糯，煙韌！仔仔好鍾意，爭住嚟食！😆❤️❤️❤️❤️特級瀨尿牛筋丸6粒
今日就帶仔仔去試下！估唔到喺舖頭門口有個車仔麵木頭車，真係勾起我嘅童年回憶，又可以俾仔仔Cosplay玩一下🤣
尖沙咀一喜車仔麵不設加一服務費，喺尖沙咀來講，真係價錢平民，適合做每日飯堂。
❤️❤️❤️紫菜4寳淨餸（黃金雞湯）另加米線
紫菜4寳係：有魷魚的魷魚丸、汕尾馬鮫豬肉丸、爆汁瀨尿牛筋丸、汕尾手工小米粿。食得出啲丸都係人工手打而成，而且用料好足，真係感受到舖頭好有心做！
個湯底係一喜秘製黃金雞湯，一啖就食得出唔係味精調製，我成碗雞湯飲晒，都唔會話口渴，香港人絕對明白咩叫雞湯有雞味！
❤️❤️❤️咖喱汁車仔麵
用QR code可以自己揀麵底揀餸，仲又得訂自選面淋啲 / 麵爽啲 / 多湯 / 走蔥等等選項。
個咖喱汁係舖頭每日自家製，由朝早就炒10幾種香料準備定，真係同出面用咖喱粉溝出嚟嗰啲味道完全唔一樣！絕對推薦！
❤️❤️❤️汕尾小米粿8粒(豬肉粉粿）$30
小米粿係潮汕小食，好有特色，喺其他車仔麵店都好少見！外皮應該係用木薯粉整成，口感超級軟糯，煙韌！仔仔好鍾意，爭住嚟食！😆❤️
❤️❤️❤️特級瀨尿牛筋丸6粒 $36
真係會瀨尿的瀨尿牛筋丸🤣我嘅食法就係成個牛丸擺落口，慢慢一啖咬開，感受牛丸的肉汁喺口腔中爆開嘅滋味！
❤️❤️❤️香辣單骨雞中翼 $28
雞翼加咗香茅，更加香口！
❤️❤️❤️12粒咖哩魚蛋（堂食$28/外賣$18）
秘製咖喱汁真係冇得輸！
外賣價係18蚊 12粒，平過好多小食店！！
下次路過尖沙咀會特登過買！！
張貼
