影片
更多
2022-08-22
36 瀏覽
都常食西餐, 但諗諗下之前食西餐都係意大利菜法國菜, 最多加埋英國fish n chips 或者美國burger. 又真係無食過荷蘭菜. 今次同朋友試左呢間好多好評嘅荷蘭餐廳, 老闆係荷蘭大廚, 用嘅材料好多都係荷蘭產夠哂正宗🇳🇱除左單點可以選Omakase, 由廚師發辦仲可以加埋wine pairing 配合菜式品嚐埋唔同美酒Chef's Menu $ 988 (6 Courses)🍷Wine Pairing +$200由於前菜都比較濃味, 配左The bols 2 years aged corenwyn gin 酒, 酒精濃度高, 係我比較少飲嘅烈酒不過都幾夾荷蘭香腸配洋蔥蛋黃咖喱蕃茄醬店員每次上菜會介紹番荷蘭菜式同paired wine. 原來荷蘭腸無腸衣, 中間係洋蔥蛋黃咖喱蕃茄醬幾惹味生醃希靈魚另一款荷蘭街頭小食生醃希靈魚, 肉質比較淋散都幾咸, 本身驚會腥, 但加埋酸瓜洋蔥食落都唔會嘅. 店員介紹當地人習慣手指抓起成條就放入口, 咁我試過用手指攞起發現係幾難嘅🤣 而且提起完手指會有味傳統青口鍋配蒜茸牛油焗拖鞋包幾鐘意食white wine mussels. 不過呢款用左荷蘭
除左單點可以選Omakase, 由廚師發辦仲可以加埋wine pairing 配合菜式品嚐埋唔同美酒
Chef's Menu $ 988 (6 Courses)
🍷Wine Pairing +$200
由於前菜都比較濃味, 配左The bols 2 years aged corenwyn gin 酒, 酒精濃度高, 係我比較少飲嘅烈酒不過都幾夾
荷蘭香腸配洋蔥蛋黃咖喱蕃茄醬
店員每次上菜會介紹番荷蘭菜式同paired wine. 原來荷蘭腸無腸衣, 中間係洋蔥蛋黃咖喱蕃茄醬幾惹味
生醃希靈魚
另一款荷蘭街頭小食生醃希靈魚, 肉質比較淋散都幾咸, 本身驚會腥, 但加埋酸瓜洋蔥食落都唔會嘅. 店員介紹當地人習慣手指抓起成條就放入口, 咁我試過用手指攞起發現係幾難嘅🤣 而且提起完手指會有味
傳統青口鍋配蒜茸牛油焗拖鞋包
幾鐘意食white wine mussels. 不過呢款用左荷蘭做法. 以當地傳統鐵鍋以蒸焗方式鎖住mussels 味道同保持嫩口感. 連mussels 都係由荷蘭連海水空運到港保持新鮮, 不過覺得佢個味反而比平時食mussels 淡口.
ciabatta bread 焗起外脆內軟, 點埋湯食👍🏼
配合番海鮮, 配左Double 8 Classic Sauvignon Blanc 2019 white wine, 易入口, 帶點酸而不澀, 更帶出mussels 鮮味
荷蘭豆湯配煙熏香腸
其實我頗討厭青豆, 但呢碗青豆湯幾驚喜, 完全無青好濃，完全無青豆嘅草青味.
佢除左青豆, 仲加有煙燻香腸、洋蔥、西芹同麵包粒等, 飲落有幾香煙燻肉味. 與其話係湯, 佢濃稠足料到似粥羹, 有飽肚感. 店員介紹話當地人鍾意冬天飲以暖胃
荷蘭戰斧豬扒
豬扒厚身但烹調時間剛好, 口感嫩而保留到肉汁, 上面加左兩款荷蘭芝士增添鹹香. 配菜亦有加分, 用左荷蘭薯仔做薯條, 食落比平時薯條更綿粉同香薯味, 加埋個荷蘭嘅curry mayonnaise 忍唔住KO 成兜.
呢款肉配番red wine, Trapiche Oak Cask Malbec 2021. 甜味出, 不澀頗易入口, 唔錯
Apple Crumble w/ icecream
即焗起香脆crumble, 中間酸甜蘋果蓉加埋vanilla icecream 係完嘅句號. 而dessert 亦有配酒, 係日本甜度較高既梅酒, 喜歡
成餐除左美食, 個dinning experience 亦係好chill 好舒服. service 好, 店員會按照番你食嘅進度逐碟上菜, 務求菜式係最佳condition 被享用, 亦會解釋荷蘭菜特色同酒. 餐廳有空間感, 窗邊望出去一片綠色.
張貼
