癡膠雞 (軒尼詩道)

營業中

休息中

天氣轉涼當然唔少得食返啲暖笠笠嘅嘢，灣仔呢間主打花膠雞湯米線，竟然有個爐仔熱住，可以慢慢食慢慢嘆。餐廳座位唔多，Lunch Hour排晒長龍，價格親民且份量足，最緊要健康無味精！私心推介椰子雞米線，椰香味出，雞肉嫩滑多汁，米線軟硬度適中，QQ哋，吸滿湯汁，值得一試。花膠濃湯米線同樣出色，花膠好大塊，容易嚼爛，帶微微黏嘴感，女士們啱曬。小食方面有時令田園蔬菜，大大份，鮮甜入味，性價比高。蜜糖雞都唔錯，沾滿醬汁，咬落酥脆可口、薯條唔算好脆，但勝在夠熱，點埋番茄醬都唔錯。