餃掂手工餃子雲吞專門店

營業中

休息中

今日做到八點幾收工，趕頭趕命求其去食間餃子舖，點知遇上驚喜。首先佢餃子嘅款式非常之多，有分煎餃同湯餃，另外仲有好多小食，除咗食餃子之餘，真係好多款式。首先我嗌咗一隻糖心蛋，佢仲有黑白松露，真係唔簡單，一邊黑松露一邊白松露，一口一口咁試，松露味配埋糖心蛋真係不得之了。之後嗌咗個涼拌粉皮，粉皮非常之滑溜，加埋個酸酸辣辣嘅汁，零舍開胃。到主角餃子啦，隻隻都咁大隻，真係眼闊肚窄，我哋嗌咗三個口味去試試。首先嗌咗個壽喜燒牛肉餃，呢個肉質非常之Juicy，仲有好香燒牛肉味，煎餃皮就唔使講外脆內軟。另外芫荽豬肉餃，更勝一籌，因為芫荽嘅香氣配埋豬肉，係餃子中嘅LV。粟米豬肉呢又係另一個感覺，粟米嘅清甜配埋滿滿嘅豬肉，無論大人同小朋友都會好鍾意。