影片
更多
2023-03-12
243 瀏覽
宴．鐡板燒 (天后)📍天后電氣道54號亨環天后24樓🔅宴貫徹佢地集團嘅特色，靚景靚料🔅🌌鐵板燒加頂樓維港夜景，仲有個精緻露台可以清楚飽覽整個景色。呢個配搭絕對令體驗加分❣️🍽️由於book咗7:30，到步時有幾枱客都已經食緊，所以錯失咗坐爐邊嘅靚位，冇得睇鐵板燒師傅表演。不過坐另一邊嘅好處就係可以嘆到個靚靚維港夜景，又可以欣賞師傅嘅刀工仲有佢一批珍藏😍🎌我地揀咗個宴 Special Menu $1280/pp, 種類豐富，大概有14品！🎌🔹季節前菜：▫️鮟鱇魚肝配多士平時去居酒屋食到嘅鮟鱇魚肝多數都係圓片形乾身狀態，味道偏淡。師傅巧妙地將鮟鱇魚肝打成慕絲狀，再配上香脆多士。慕絲狀嘅鮟鱇魚肝非常絲滑，而且能夠迫出鮟鱇魚肝嘅油脂香，心機小品，欣賞！👍🏻▫️螢光魷魚配蛋黃醬螢光魷魚重點在於佢地爆膏嘅頭部🤭原味食已經有強烈類似大閘蟹膏味嘅after taste，餘韻濃郁！加埋師傅特製嘅蛋黃醬，帶微酸，小清新之餘又附加層次感！🔹先付：北海道昆布森生蠔蠔肉豐滿肥美，入口creamy，蠔味濃。配埋師傅自製橘子啫喱同埋自家醃製三文魚籽就更甜更開胃！🔹季節刺身：有三款刺身，分別有清爽回甘嘅鰤魚、甘香細膩嘅深海大
📍天后電氣道54號亨環天后24樓
🔅宴貫徹佢地集團嘅特色，靚景靚料🔅
🌌鐵板燒加頂樓維港夜景，仲有個精緻露台可以清楚飽覽整個景色。呢個配搭絕對令體驗加分❣️
🍽️由於book咗7:30，到步時有幾枱客都已經食緊，所以錯失咗坐爐邊嘅靚位，冇得睇鐵板燒師傅表演。不過坐另一邊嘅好處就係可以嘆到個靚靚維港夜景，又可以欣賞師傅嘅刀工仲有佢一批珍藏😍
🎌我地揀咗個宴 Special Menu $1280/pp, 種類豐富，大概有14品！🎌🔹季節前菜：
▫️鮟鱇魚肝配多士
平時去居酒屋食到嘅鮟鱇魚肝多數都係圓片形乾身狀態，味道偏淡。
師傅巧妙地將鮟鱇魚肝打成慕絲狀，再配上香脆多士。慕絲狀嘅鮟鱇魚肝非常絲滑，而且能夠迫出鮟鱇魚肝嘅油脂香，心機小品，欣賞！👍🏻
▫️螢光魷魚配蛋黃醬螢光魷魚重點在於佢地爆膏嘅頭部🤭
原味食已經有強烈類似大閘蟹膏味嘅after taste，餘韻濃郁！加埋師傅特製嘅蛋黃醬，帶微酸，小清新之餘又附加層次感！
🔹先付：北海道昆布森生蠔
蠔肉豐滿肥美，入口creamy，蠔味濃。配埋師傅自製
橘子啫喱同埋自家醃製三文魚籽就更甜更開胃！
🔹季節刺身：有三款刺身，分別有清爽回甘嘅鰤魚、甘香細膩嘅深海大池魚、同埋口感紮實魚味亦濃嘅赤身。
▫️刺身過後有金䱽魚腩手卷師傅特意運用鱈魚乾取代紫菜，傳統用紫菜做手卷時間掌握好重要，因為紫菜好容易變較變稔。反而用烤脆過嘅鱈魚乾，自冇微咸，又香又脆，好夾！
▫️中間嘅鮫鰈魚裙邊用火槍燒過迫出豐富嘅魚脂，平時鐘意食開左口魚，所以呢個組合極之合我心意！
進入鐵板燒環節之前，師傅特意送上自家製漬物俾我地清清味蕾。一般平時只會送上一小碟兩款嘅漬物做前菜或間場，但今次有一整盤4-5 款嘅漬物！重點係全部都自家製，而唔係入貨就咁買番黎，又一心機之作！🔹漬物：
沖繩苦瓜：食咁多次鐵板燒/廚師發辦都未見過嘅醃製沖繩苦瓜！平時唔食苦瓜嘅我都覺得佢好甘甜，非常開胃！
柚子蘿蔔：酸酸甜甜又爽口嘅醃蘿蔔
沙角：口感黏黏爽爽，清新！
糖醋漬蕎頭：酸脆可口！
🔹鐵板燒：
▫️香草牛油紐西蘭海螯蝦未煮嘅海螯蝦超巨形耀眼，蝦身呈粉粉橙橙顏色鮮艷
蝦膏比想像中多，味道亦非常香濃！蝦身肉質就較似龍蝦般緊緻有彈性亦帶有陣陣牛油香，愈近蝦尾位嘅肉就愈嫩愈甜！
▫️北海道帆立貝配魚籽帆立貝厚身鮮嫩，配埋自家調製嘅三文魚籽同高湯一齊食，鮮甜爽口！
▫️法國鵝肝多士香煎過嘅鵝肝入口細膩絲滑，上面加咗自家製藍莓醬汁帶微酸，可平衡油膩感，底下配埋片香脆多士，吸收晒鵝肝嘅精華仲能保持到乾脆口感，犀利！
最後可以食埋兩粒甜甜糯糯嘅日本黑豆，少少煙韌，用作解油膩。
▫️美國特選牛肉我地分別揀咗厚切同薄切，各有特色！
厚切肉味較濃有咀嚼感，配埋炸蒜片同海鹽一齊食又有另一番風味。
薄切配埋蔥蒜就味道更多元化，灑上少少海鹽更可提升其牛味。
▫️原粒黑松露松葉蟹肉炒飯師傅先加入松葉蟹肉炒好過飯底，然後放進木桶再混入已壓碎嘅原粒黑松露堆內攪拌，一上枱已經聞到黑松露嘅陣陣香味，食落味道更突出，更有鮮味！
▫️鐵板燒炒雜菜 平時鐵板燒炒雜菜都離不開加鹽加醬油。但今次佢地加咗特製醬汁，有非常香濃嘅芝麻，油，蔥蒜嘅香味，極之惹味！
🔹吸物：日本鮮淮山濃魚湯
估唔到連最後嘅湯都咁重視！
奶白色嘅魚湯味道非常強烈，出色！
🔹甜品：綠茶布甸，綠茶糯米糍
又一師傅出品嘅綠茶布甸，非常奶滑，而且綠茶味濃！
而糯米糍就好軟糯，加埋黑糖好懷念係日本食到嘅呢種味道。
💗鐵板燒師傅好有心機，無論漬物、醬汁、甜品都自己一手包辦。當晚仲見到佢親自整緊日式蘿蔔糕！目擊到個過程就知道平時精美嘅前菜背後嘅汗水！呢種用心製作非常值得表揚同尊敬！
張貼
