彩福皇宴 (已結業)

一打開𨋢門就見到個走廊用大海的藍色作主色， 門口亦都有好多同花有關的佈置，係女生的大愛。場地冇柱位，甚開揚。我叫咗幾款得獎點心，雖然逢星期六日公眾假期每款要加$2，但都值得試。原隻鮑魚燒賣皇鮑魚仔彈牙，燒賣有好大隻蝦。芝士海皇千絲春卷炸得幾脆又唔會好多油。旋風黃金流沙包做到流沙的效果，入面係蛋黃餡。另外又叫左春夏大廚滋味。魚香茄子炆稻庭麵煲烏冬幾煙韌，口感唔錯，而且個汁係辣辣地，好入味， 不過茄子的份量太少。XO醬花姿煎藕餅XO醬配藕餅真係一流， 蓮藕有略略咁煎過。仲叫左其他點心甜品，款色甚多。潮式涼瓜燒骨腩煲涼瓜好脆口唔會太苦， 燒骨好容易咬開入味。珍珠糯米雞原來係珍珠雞，有三小隻，不過好足料，入面有蛋黃。瑤柱灌湯餃大大隻，湯唔會太鹹。懷舊芝麻卷分開咗六小件，有香濃的芝麻味。楊枝甘露甜甜地透心涼。星期六都有下午茶飲真好。