彩福皇宴 (已結業)

得閒飲下早茶真係人都開心啲精神啲。呢間係彩福皇宴，佢嘅點心係同類茶樓入面相對新鮮的。馬拉糕、壽桃包、奶皇包、菜苗餃、燒賣、腸粉都好好味好新鮮。不過黑松露小籠包就乾左啲，無咩汁。而蒸蘿蔔糕就太多粉，唔夠美味。整體來講，呢間嘅早茶價錢偏高，不過物超所值。

朋友話返通宵無啖好食，咁就約佢收工去銅鑼灣嘆個早茶，去到皇室堡有3間酒樓，景逸軒我就多數食晚飯，稻香都試過，見到彩福皇宴未試過喎，就揀呢間啦，我哋閒日11點左右到，無乜人等位，5分鐘就入得，即刻點幾個點心先，一睇到呢款勁想試，裡面有蝦米、蔥粒，嚟到果陣已經加晒醬，一啖攪掂，方便又好味唔食辣醬記得叫果陣叫走辣醬呀，蝦餃王菜乾咸瘦肉粥 $16 抵食仲叫咗梅菜干蒸牛肉同埋棉花雞，兩個人計埋茶位埋單 $147，係全單$147，勁抵食呀👍

放假緊係同屋企人飲茶啦，彩福酒樓嘅樓底高，又無柱遮擋，果然係婚禮專門店。彩福酒樓嘅點心選擇多鯪魚球唔會太硬身，又有魚味👍🏻棉花雞嘅雞都夠入味，好食好食👍🏻👍🏻👍🏻

假日人齊，一家人都會選擇到酒樓食返一盅兩件，因為可以慢慢食慢慢傾，始終覺得酒樓是很適合一家人食野的地方。是日選擇了皇室堡彩福做我們的聚餐點。今次主要由家人畫點心。酒樓上菜時間算快，感覺食物新鮮，味道不錯，論食物、環境、服務等整體尚算不錯，家人對酒樓都感到頗滿意。值得推介的點心有幾樣：首先是芝士春卷（不太記得點心名）。春卷咬落鬆脆香口，而且滿滿芝士及春卷餡；第二是紅棗糕，serve時熱騰騰，糕又不會太林身；另外的熱推就是叉燒，除了是好味的半肥瘦，還是肉質鮮嫩且暖身，有入口即溶的感覺，真係忍不住食多幾件。服務方面，工作人員回應快，不會見客人舉手但採仍視而不見的態度🙈。希望酒樓可以一直保持質素啦～

朋友從外地回來，晚飯聚舊，當然想吃中菜，就選了皇室堡彩福，一來選擇夠多，二來地點都方便我和朋友，再者，我實在太喜歡這裡的甜品😝今次點菜全由朋友選擇，她選了食家孖寶A餐 $178 包括明爐燒味雙拼 - 有招牌蜜汁叉燒及脆皮燒腩仔，叉燒醬汁惹味，燒腩仔皮脆卜卜👍香蒜惹味煎海蝦 - 爽口入味👍伴水芹香中水花 $85 - 好味又健康有益的一道菜，有蜜豆丶蓮藕丶芹菜丶馬蹄丶百合丶紅蘿蔔👍原個椰皇燉燕窩 $45 - 非常香滑，甜度剛好😋滋養桃膠燉紅蓮 $23 - 有紅棗丶蓮子及很多桃膠，桃膠處理得很多，口感軟腍👍

今晚同女朋友去銅鑼湾行街，忽然諗起好耐冇食中菜，知道皇室堡有幾層食中菜酒樓，就去睇下，最後我哋決定上9樓彩福皇宴。出lift見到酒樓門口很光猛，裝飾佈置好有心思，好配合婚宴場地既氣氛。酒家很寬大，冇柱，擺酒的確好適合。我哋叫咗海皇醬花生苗玉瓜炒牛柳絲，杏姑燘豆卜豆腐煲同瑤柱蛋白炒飯。首先來花生苗牛柳絲，花生苗第一次食，估唔到幾爽口，牛柳絲唔靭😋杏菇豆卜豆腐煲材料好豐富，杏菇爽甜，豆腐炸得唔燶，豆卜同豆腐吸收咗D燒汁，食落非常配合😋瑤柱蛋白炒飯瑤柱絲都唔少，飯粒粒粒分明，又唔多油，好食😋甜品係代表完美一餐嘅句號，我哋叫咗楊枝甘露同鮮果慕絲😋。雖然第一次到呢間酒樓食晚飯，意想唔到係佢嘅食物水準好好，侍應生招呼週到，加水，執枱都好快手，又有禮貌，價錢又合理，今晚太遲，佢哋嘅招牌叉燒，燒鵝，仲有冬瓜盅都沽清😅，下次早D帶埋媽咪再來食過😂

家姐姐夫時時請我食飯，係時候回報下，我出咗糧，約去銅鑼灣彩福皇宴，因為酒樓飲茶先至最有家庭味。我哋都係叫基本點心咁囉，越係傳統越鍾意，難得呢度有，蝦餃、燒賣、叉燒包、陳皮牛肉、鯪魚球、叉燒腸粉、雞扎，現在好多酒樓只賣貴點心，難得尋回本土味。彩福嘅燒味都好出名，聽講得獎，店員推銷燒鵝，今日新鮮優惠，但係晏晝食燒鵝太過分了，我哋揀脆皮燒腩仔，燒肉皮真係除咗好似薯片，五層肉夠肥美，真好食。彩芒沙律蝦卷勁香脆，味道開胃。現在好少地方有雞扎食，彩福的海螺片滑雞扎尋到舊日味。最後叫咗個菜遠乾炒牛河，唔記得影相添，炒得都幾有鑊氣。

今晚約咗朋友去铜鑼湾食飯，之前去過彩福皇宴飲茶，覺得幾好食，座得又舒服，就建議去呢度。酒樓裝修過，格局清新明亮，Happy wedding係酒樓嘅裝修主題，影相位都幾多，大堂又濶又大，冇柱位，的確係好適合擺酒😄酒樓雖然好多位，但係枱同枱嘅空間佈局都唔覺好擠迫，我哋叫咗幾款小菜同甜品。侍應姐姐好有禮貌，又有笑容，好快就開咗茶俾我哋👍🏻松子蜜桃青瓜蝦球，賣相好吸引，蝦球大大粒，金金黃黃，面層有沙律醬同松子仁，食落脆脆地，蝦肉彈牙👍🏻脆皮南乳雞，雞皮燒得香脆，但雞肉依然好嫩滑，點埋南乳醬一齊食，Good👍🏻煎焗陳皮豚肉粒，食得出肉質夾雜咗陳皮嘅香味，炸得唔乾，有肉汁😋我哋仲叫咗個燒汁杏菇豆卜豆腐煲，豆卜吸收哂醬汁的味道，好入味，杏菇好多，鮮甜爽口😋叫埋甜品啱啱好，我哋都鍾意食甜品，所以叫咗幾款楊枝甘露有好多柚子肉同芒果粒，西米唔多，夠清甜😋金箔芝麻卷食落好爽，有好香濃嘅芝麻味😋竹燕椰汁糕椰汁味配合得剛剛好，唔會太濃，好香滑😋大壽包就當然唔少得蓮蓉同整個嘅蛋黃啦，包皮又唔黐口😋

身邊朋友係彩福狂迷，大大話話食過不下十次各區分店，既然扶老攜幼都可以稱心滿意，今晚就跟佢黎試下係咪咁得。上湯開邊焗龍蝦 ($88 + 芝士$20)識我既人都知我好鐘意食龍蝦，單係呢個月已經食左不下三次，見龍蝦節咁抵必須要叫一隻試下啦。 優惠之下絕對冇將貨就貨，龍蝦足秤大隻結實彈牙，啖啖肉厚實鮮嫩，同樣價錢自己煮都冇咁靚料，性價比一流。 另外加左芝士，但似忌廉汁/白汁多d，略嫌唔夠邪惡，下次叫返清湯伊麵比較好。薑蔥炒肉蟹 ($260) 1斤2強烈推介薑蔥炒呢個煮法，肉蟹先走油至酥脆，薑蔥極香又有鑊氣，連殼都食埋。 肉蟹足1斤2好厚肉，講真最鮮甜個種，不過肉質扎實，調味又香口惹味。 最欣賞原個蟹蓋炸起之後，蟹膏香到極點，回味無窮。蒜茸粉絲蒸大元貝 ($118)大元貝冇改錯名，難得有帶子鮮味，放左一陣先食依然嫩滑。 蒜茸粉絲盡吸精華，如果少油就更佳。不得不讚作為婚宴場地，環境真係幾靚，一到埗已經見到大量客人係門口既花花牆影相打卡，內部裝潢同座位都幾體面，難怪平日夜晚都坐無虛席。總括而言各款海鮮都物有所值，龍蝦尤其表現超班，可以考慮同屋企人黎all in叫幾隻再加麵底，黎個全龍蝦宴。

銅鑼灣人多車多，想搵個地方靜靜地飲茶都唔係咁容易，繁忙時間更加唔使講，只不過舊同事聚會，大家又鍾意銅鑼灣夠方便，想起早排嚟過食龍蝦，打個電話試吓原來真係有得訂位兼且唔駛限時一個鐘，於是乎就決定了。放工食晏繁忙時段，特點、大中小點各為$30、$26、$22、$17，茗茶每位$13，合理價錢。五個人點心隨便點，可能女仔胃口細，埋單每人$100有找。當中我最鍾意食蝦餃皇，大蝦非常爽，有味道的，坊間有唔少做得太淡。叉燒包要做得好，查實技術好重要，傳統的做法，包身軟，叉燒饀沒有漏。見到有個親情宴套餐優惠幾抵，爸爸生日快到，等我考慮。

外籍舞友壽辰，參加特別慶生舞會前話想食中式龍蝦，仲勁有心得咁話舞場附近嘅「彩福皇宴」包保平、靚、正！聽到佢地叫「彩福」、「彩福」，細佬好自然地估係間普通嘅中式酒樓啦，點知一出升降機門即見到四周圍都係粉彩嘅花花裝飾。。。睇真啲先發現餐店原來人家係做婚宴為主。好在三口子早已訂座，因為都幾旺場。中菜館黎講，每行散座都算幾多位，難得客人與服務生都可行動自如。餐桌白色嘅枱布上有齊備嘅中、西式、自用及公用餐具，明顯預咗貴客黎食招牌龍蝦。移居香港多年嘅R兄真係識食，埋位開咗茶即每人點咗隻「蒜蓉開邊蒸龍蝦」；冇錯，係一人一隻，落單時仲講明話要「分開上」！因舞前唔可以食得太飽，其餘就只係點咗兩款小菜。脆皮燒腩仔（$65）：如相所示，燒腩仔肥瘦均勻，且層次分明，皮層十分香脆，豬腩肉鬆爽軟潤，價位絕對有良心。巧手煎焗新會陳皮豚肉粒（$92）：都幾大粒嘅豚肉粒外表看似油膩，但意外地咬落炸皮熱辣鬆脆，入面嘅豬肉爽厚多汁，都好香口，不過如果可以再少啲油就更理想。蒜蓉開邊蒸龍蝦（$88/斤）：每人一隻龍蝦喺面前，真係幾震撼架，小肥唯一遺憾未有三隻拍埋一齊影幅大合照。。。小弟少食海鮮，要由靚女教路，方才知悉龍蝦肉只需

同朋友來飲下午茶，星期日呢個時間來飲茶，人流好多，好彩餐廳好大，枱與枱有足夠位置，而且有2人枱唔使同人搭台。見到佢個menu ，有幾樣得獎作品，例如旋風黃金流沙包/原隻鮑魚燒賣王，所以就叫左D得獎點心試下。龍王野菌腸$32- 其中一樣得像作品，腸粉皮好薄，腸粉包住新鮮炸的野菌春卷，不過略微唔夠熱。蜜汁叉燒包$31 - 個叉燒包好多料，好多叉燒，味道啱啱好唔會太甜唔會太鹹。燒賣$36 - 燒賣好新鮮同熱辣辣好彈牙。彩福蝦餃王$36 - 鮮蝦好新鮮啦，皮薄蝦靚，好爽口。燒腩仔飯 $51 - 燒腩仔外表交足分，食落個皮好脆，而且肥瘦適中。煎上素腐皮卷$26 - 每一件都炸到卜卜脆，而且好足料。

今日係銅鑼灣行到夜晚，食飯想食中菜，諗起彩福皇宴，就同朋友去左食。去到都到左食飯時間，所以都幾多人，但我地都算好彩，唔洗等位就坐底左。呢間裝修都好靚，以藍色為主，望落感覺好清新乾凈。我地2個人叫左一個炒四季豆，一份叉燒，每人一個飯。個四季豆係炒得超野味，超香，蝦乾都好入味，送飯一流。平時食四季豆都會驚好油，但呢個真係唔油，食哂成碟都無罪惡感！而個叉燒又係好岀色，叉燒個汁好夠，入哂味，叉燒肥瘦剛剛好，唔會流。個叉燒汁用嚟撈飯真係食十碗都得呀！彩福皇宴唔係第一次食，都幾肯定佢食物嘅質素有翻咁上下，想食中菜小炒嘅又想坐得舒服，真係可以考慮呢間！

今日Team lunch，指定動作梗係book枱飲茶啦。10次有8次都係去彩福，因為大老闆話呢間酒樓坐得舒服樓底夠高夠光猛，水滾茶靚，員工手腳快唔似其他餐廳明明見到你遞手都扮睇唔到！飲茶食蝦蛟燒賣是常識吧，喺呢間彩福總之逢有蝦嘅點心都點就包冇蝕底，每件餡料都放大大隻原隻蝦，份量仲比出面多好多，啖啖肉爽口彈牙，明乎其實皮薄餡靚，仲要熱辣辣即叫即蒸，同時亦顧及賣相，so far 食咁多次暫時都未見過甩皮甩骨倒胃口嘅蒸籠， 呢樣係要讚下！！！

約齊啲為食兄弟喺銅鑼灣彩福晚飯，為的是食龍蝦！ 同家人喺分店食過真係好唔錯！好抵食！冇將貨就價，係加拿大活龍蝦，有質素！有好嘢一定要同兄弟分享！分享喇！除左龍蝦仲有吊燒雞，片皮鴨同樣出色！主攻龍蝦！四隻，每隻約斤二両，上湯焗+伊麵底，一上枱好夠 霸氣！睇見都興奮！味道更係一流！爽甜彈牙！多汁！口感一流！本來想叫片皮鴨嘅，見到隔離喺度片緊，啲鴨皮脹卜卜閃 閃令！真係流曬口水！點知……賣曬！ 原來想食最好預訂！唯有點隻燒雞喇！勝在一樣咁好食，試過幾間分店嘅燒雞都係水準保持到咁正！真係冇得輸！皮脆肉嫩！點埋個南乳醬汁真係錦上添花！咁正！唔少得啤一啤喇！美酒佳餚 人人飲得痛快！食得暢快！炒通菜都一樣咁夠 鑊氣！飲飽食醉仲食埋個 壽桃包！完美！