老馮茶居 (荃灣千色匯II)

老馮茶居第一次食是在大埔，食完咁懷舊風既茶樓，先知荃灣間咖啡灣執左轉手開左老馮茶居既第三間分店。鍾意飲茶既我就梗係唔放過啦，結果等左成個鐘先入到去，可能系放lunch，我見好多OL姐姐都排隊等位⋯開系尼度都幾好，鄰近千色店，等得耐可以入去千色店行下。揀左幾款食完會翻食既點心俾大家⋯ ⦁老馮金沙米皇腸 $32用滑嘟嘟既腸粉皮包裹住炸左既米網春卷。內脆外軟既口感好豐富，仲要包系最入既鮮蝦好彈牙爽口。 ⦁ 老馮流沙芋泥包 $20一籠先得兩個，仲要新鮮熱辣，輕輕一搣濃濃既芋泥流沙慢慢流出來，除左流沙，入面仲會有好細粒既芋頭粒。比起平時既流沙奶黃包口感仲豐富。 ⦁ 鵪鶉蛋燒賣皇 $28其實尼個同有d酒樓既鵪鶉蛋燒賣差唔多，不過食加好少酒樓仲會有，見到尼間有就一定會嗌。回憶感滿滿⋯ ⦁咖喱蒸魷魚 $26魷魚配上濃濃的咖喱香，入味之餘又唔辣，加上大大件得黎又彈牙。 ⦁豉汁蒸鳳爪 $23果豉汁好香好濃，鳳爪完全入晒味，肉質爽得黎唔難咬。 總結一下，每枱有90分鐘時間，出餐都快既，15分鐘內基本上到齊晒。食物質素尚算唔錯，大大份之餘又好味，價錢又唔算太貴。除左排隊等位，基本上冇野可以挑剔。