老馮茶居 (荃灣千色匯II)

4-5-2024(Sat)朝同老公去荃灣食早餐，唔知食邊間好，老馮？多唔多人呢？好似冇乜人等位，於是行嚟， 見到真係唔多人等位，於是我哋排隊，等咗大約八分鐘就有位。喺等位嘅時候已經揀定要咩嘢點心，所以一坐低就即刻可以畀張紙佢哋入單，等咗10分鐘左右，嘢食就到嚟:1. $33.00嘅沙爹金錢肚金錢肚口感啱啱好，唔會太腍有咬口，而沙爹味都啱啱好，以為墊底嘅係豆卜，但又唔係空氣感而有咬口，老公話似係麵筯。5分2. $33.00嘅沙爹豬大腸豬大腸夠腍，但我食到有嗰種腥味。2.5分3. $26.00嘅豉汁蒸鳳爪同樣夠腍，味道正常。3分4. $36.00嘅黑椒牛仔骨 好夠腍，味道亦唔錯。5分5. $26.00嘅古法牛肉球鬆軟，正常冇問題。4分6. $33.00嘅鮑汁柚皮鴨腳扎唔記得以前有冇食過柚皮，寫到呢喥，記得好似好耐之前，同爸爸，依家嘅嘅老公，即當時嘅男友，喺新蒲崗嘅得龍大飯店食過，於是check返，果然係食過，食評係2010年5月23日刊登嘅呢篇:https://www.openrice.com/zh/hongkong/review/%E7%B5%82%E5%84%9F%E6%89%80%

呢間點心店我encore左幾次，去過大埔同荃灣分店同食過外賣，每次食都覺得好高質😍 有幾款特別推介: 🌟金牌炸芋角 ($18/2粒)- 外層炸得好酥脆，入面嘅芋頭溶好有鹹香😋🌟鵪鶉蛋燒賣皇 ($30) - 唔係好多地方有得食呢款燒賣，鵪鶉蛋細細粒但係蛋黃香同燒賣好夾☺️🌟XO醬蘿蔔糕 ($28) - 蘿蔔糕切左正方體咁然後炸香左每一面，比起普通煎蘿蔔糕更加焦香，XO醬好夠味正啊🥰🌟鮮蝦餃 - ($33) 每一粒都超飽滿，而且蝦好鮮甜爽脆😚🌟懷舊砵仔蒸飯 ($36-52)- 飯粒粒分明有少少飯焦，有唔同料揀☺️呢間點心好高質，每樣都係細細份一次過可以試多幾款🥰📍老馮茶居荃灣千色匯II 地下G30-G33號舖大埔安慈路1號海寶花園地下14號舖元朗大棠路66號地舖🍽️8.2/10

我們平日下午2點半入座，其實周圍都有下午茶，我哋唔介意，抱住支持下嘅心態去幫襯。誰不知遇上態度惡劣、貌似老闆娘不可一世嘅女店員。我們5人只被分配坐4人檯，加凳坐都唔緊要，最嬲係遇上女店員態度惡劣。真係無下次。話說我哋加單，女店員說只可以坐1小時（入座無講，餐牌無講），所以唔俾我哋加單（真係匪夷所思）。我哋加單係因為有朋友遲到，所以需要再落單，及大家都想叫多啲嘢食支持下小店。點知惡女店員要遲到朋友另外坐一檯，話唔可以再加單，哈哈。我哋唔介意6人坐4人檯，都唔可以落單，一定要分開坐！哈哈，痴痴哋，想唔做生意咪直接出聲囉。結果，我哋一齊起身走人，去另一間餐廳消費囉。咁嘅服務態度，不知所謂！

昨天到荃灣老馮輪候飲荼，服務員叫飛4號，我持6號，我回應4號飛剛剛已經入去，那個短髮帶眼鏡的服務員兇兇的回答：你講嘢呀！你玩嘢呀！我之前沒有叫過4號，她之後望望登記牌，靜靜到在門口帶了5號飛的入座，之後她也不敢多望我一眼。天啊！這茶居是一次過，也不會推介給朋友，服務態度極極極之差。

平日夜晚8點，4～5成枱有客，樓面唔忙……落單後等左好耐，大約半粒鐘後，發覺唔對路，去問侍應啦，好快佢以毫無歉意的態度回答：唔洗追(問)勒，都無落單！下! 唔x等即走啦！都係怪自己咁遲先追囉……途中，聽到收銀仲同啲樓面吹水，話我哋坐左好耐啦喎，點解既……原來佢哋都知道“耐”既，係唔理啫走前提一提遲我地少少嚟枱客，毫無意外地都係漏單無落……最終前後腳去對面食車仔麵！哈，諗唔到自己第一次寫既食評係無食過野之下……漏晒2枱客既單兼毫無歉意果下勁，S級。

📍老馮茶居 (荃灣千色匯II) 荃灣荃灣街市街67-95號荃灣千色匯II 地下G30-G33號舖座位非常有限繁忙時間只可落一次單及進食1小時餐牌種類不算多…茶芥（每位）$6✨老馮鮮蝦餃 蝦餃皮必須夠薄先好食 呢度嘅蝦餃皮厚 蝦肉雖然爽口彈牙 但淡而無味✨老馮鮮蝦腸 粉漿太厚 唔夠滑 大蝦彈牙 但都係淡而無味✨蟹子燒賣皇 鮮黃色薄皮 上面加有蟹籽點綴豬肉足料飽滿 爽口彈牙 皮薄餡靚係五樣點心之中最好食✨豉汁蒸鳳爪 味道不錯 就係爭啲辣椒 ✨古法千層糕 普普通通 內有咸蛋黃 椰絲 甜甜哋咁… 整體用餐體驗✨味道(2/5)✨環境(2/5)✨服務(2/5)
✨抵食(2/5)

其實我唔係住喺荃灣呢一區，但係因為老鳳茶居啲點心真係好食，所以一有時間搭車都走過嚟呢度食，最大推就係腸粉軟滑口感依韌非常之好味必食之選，另外蝦餃燒賣粒粒蝦爽口彈牙，每次都一定叫最起碼其中一樣，金錢肚 排骨 牛肉球 鳳爪 芋角 叉燒包 臘腸卷 全部點心都高質高水準， 如果好肚餓就叫個蒸飯食唔算太大份，加埋點心一齊食啱啱好。以呢啲小型食點心嘅店，茶嘅質素算係唔錯，食物嘅質素比普通嘅茶樓甚至乎啲中高價嘅茶樓還要好，而且價錢實惠。

之前有食過一次 兩個人去 等位都算快10分鐘左右 但係員工態度真係麻麻 食物都算唔錯 今次四個人去體驗極差 等位等了60分鐘都未有位 不是說我不能等 而是他們都會把二人的先入座 我拿四個人的叫號 編號是90號 在前面大約還有5-6個叫號 當叫到92號 我還以為是把我的號跳過了 跟叫號的侍應問了一下 他就說還沒有四人台 只能一直等 等了60分鐘 叫號的編號都叫到16號（從叫號板上來看應該是到100號後從1號開始叫回） 就看到他們的叫號板上 一直只有90號沒有叫到 只好跟他們理論一下 正好看到有一張四人座是空著的 但他們都是會叫兩組二人的叫號入座 所以無奈之下只能轉場了 也不想跟侍應理論

服務: 一個字，差晚上去食, 等左一陣位(約20分鐘), 好喇, 等到有位時, 咁岩有張圓枱(2人坐岩岩好), 同一張四人枱咁我地3個人去食, 之後等位既係2個人, 好應該安排我地坐四人枱,點知個侍應安排我地坐張圓枱, 我問可唔可以坐四人枱, 後面係2人,坐張圓枱夠啦點知,帶位果個人話, "無得轉喎, 我地安排左你3個係坐圓枱"再理論一番, 先肯轉張四人枱比我地3個人坐圓枱， 2個人坐四人枱 ?!?!?!未開始食, 已一肚氣諗住食物補救番, 點知…1.蝦餃皮還皮, 蝦還蝦！爛patpat！2.煲仔飯, 暖, 唔叫熱3.蝦腸, 諗住最安全既,點知 蝦又唔熱既…前後係依間食過3次, 一次比一次差.食埋今次, 唔會再黎食！!

一直好想試依間，今日終於同屋企人嚟食！中午時間嚟到要等15張檯左右，好彩叫號都算快，唔係等好耐就入得。因為佢限時一個鍾，又寫即叫即蒸要15-20分鐘等候。所以我地未入座前已填好點心紙一坐低就比佢。點心都好快上檯，唔洗15-20分鐘咁耐。我估師傅都係一直整，唔會有單先去整。點咗10樣野，只能說係普通質素唔可以話好好食。佢料係足，樣樣都大大粒。但味道就真係普通正常野～椰汁糕唔太甜但無咩椰汁味。叉燒腸粉就唔錯嘅，叉燒唔柴，腸粉都滑。蝦餃個皮好唔靚但餡好大粒同彈牙。雞札見佢門跟個報道寫有蟹柳火腿，但實物係變咗豬肚。糯米雞係最差！佢啲餡爆晒出嚟，爆餡個邊就好濕，無餡個邊啲糯米好乾⋯鵪鶉蛋燒賣好乾無味。依個可以唔洗叫！佢唔算貴，所以可以接受嚟食一次試下咁

荃灣千色店嘅老馮茶居真係一間非常出色嘅地方！我今次叫咗外賣，佢哋嘅點心真係好精緻而且價錢都好合理。我最推薦嘅係佢哋嘅XO醬炒蘿蔔糕。呢個菜真係嚐到咗老馮茶居嘅獨特風味。蘿蔔糕炒得剛剛好，口感軟糯，而XO醬嘅香辣味道更加提升咗整體風味，令人回味無窮。另外，佢哋嘅鯪魚球同鮮蝦燒賣都非常出色。鯪魚球炸得金黃酥脆，每一口都有鮮美嘅鯪魚香味。鮮蝦燒賣則肉質鮮嫩多汁，皮薄包裹住豐富嘅鮮蝦內餡，真係令人垂涎欲滴。除咗以上兩款，我仲試咗薑汁撞奶、牛肉球同鮮竹卷等等。薑汁撞奶濃郁香滑，帶有微微辣味，一碗撞奶解渴又提神。牛肉球彈牙有嚼勁，肉質鮮嫩，入口即化。鮮竹卷則有清脆的口感，配上鮮美的內餡，非常美味。

見評論有好多人話呢間好食，入去試一試，點知中伏，唔會有下次。炸芋角：得兩粒，唔鬆化，餡是凍的，又有好重嘅鹼水味蝦餃：沒有味道的蝦，辣椒油又唔好食XO醬蘿蔔糕：外皮煎得好硬好燶， XO醬沒有味道金沙米皇腸粉：米皇炸得好硬，－啲都唔鬆化小籠包：皮好厚，啲肉汁唔係特別新鮮，同屋企自己雪櫃冷箱蒸嗰啲差唔多茶葉：叫咗鐵觀音，味道好淡星期六下晝四點幾嚟，唔使排隊直入，兩個人食咗$160，又唔係特別平。未食過咁唔好食嘅點心！嘥肚之選！

說他是點心專門店, 我覺得說他是舊式茶樓比較適合。餐廳有一點懷舊味道, 小碗, 匙羹和茶杯都有一個公雞圖案。另外, 有部分顧客是公公婆婆, 看得出他們是這裡的常客。很喜歡這種感覺, 因為我覺得在這氛圍飲茶是最合適不過。當天我們點了蝦餃, 鮮蝦腐皮卷, 豉汁蒸鳳爪和叉燒腸, 全部點心都是即叫即做, 所以上桌時都是熱辣辣, 非常美味🤤而且, 每樣點心份量都非常之充足, 好像蝦餃, 皮薄, 餡料十分飽滿, 真是平靚正👍🏻期待下次再來這裡試其他點心🤤

係千色匯地下 唔係好大6點半之後就要等位😵‍💫款式唔算好多 傳統嘅都有齊哂茶芥每位$6 唔使加一👍🏼叫左9樣點心 排名不分先後😂蜆介鯪魚球 (28)有5粒 配埋個蜆介汁本身都好夠味 幾香口 正常發揮XO醬蘿蔔糕 ($28)好惹味！不過偏咸 好想送飯😂金牌炸芋角 ($18)個芋頭冇咩味 不過炸得幾香脆但味道真係唔驚艷 可以唔試老馮金沙米皇腸 ($36)6大件炸兩 入面包住好大舊蝦超豐富口感 的確幾好食😋老馮流心芋泥包 ($20)流心就冇啦😂 不過芋泥味幾出 幾甜整體當甜品係幾好食👍🏼金牌叉燒包 ($18)普通叉燒包 完🤣鵪鶉蛋燒賣皇 ($30)唔記得影相🫣 上面有粒鵪鶉蛋燒賣都有幾隻蝦 正常 唔錯😌鳳爪排骨飯 ($36)都唔記得影相🫣 得一件鳳爪排骨偏肥 飯唔係特別香都係可以唔使特別嗌整體價錢唔係特別平 中等耐冇飲茶都可以試吓 好在唔使加一😎

每次經過老馮茶居，都見到到長長的人龍，話今次見到時間比較充裕，便試一試這一間老式的點心店，我們叫了鵪鶉蛋燒賣，蝦餃，鮮竹卷，XO醬炸蘿蔔糕，叉燒腸粉和黑椒牛仔骨飯。蝦餃皮薄餡靚，最令人驚喜的是牛黑椒牛仔骨飯，口感鬆軟，非常好味。