影片
更多
2023-07-17
209 瀏覽
個人一向鐘情於飲茶食點心，呢間新式點心餐廳係自家製品牌，主打手作點心，所有點心喺現場即叫即製，種類選擇超多而且十分高質足料，點心嘅名仲好有心思添～至於喺背後主理嘅師傅原來大有來頭，曾經喺日本東京富麗華專為高官達人同明星服務多年；返香港後更曾經擔任多間米芝蓮酒店同大型連鎖酒樓集團嘅主管，師傅以其實力同豐富經驗確保每款手作點心嘅質量～月半彎晶瑩鮮蝦餃⭐️⭐️⭐️⭐️大大粒蝦餃皮薄餡靚，比一般蝦餃大隻，話佢係加大碼冇誇張，裡面起碼有兩隻大蝦，蝦肉鮮爽彈牙，果然係皇牌點心之一，必嗌！黑松露北菇燒賣皇⭐️⭐️⭐️⭐️燒賣同樣大大粒，表面舖滿黑松露，放喺枱面已經聞到濃郁黑松露香，蝦仁豬肉餡料嫩滑有咬口，而且同黑松露夾得很好～鮮蝦菜苗餃⭐️⭐️⭐️⭐️漲卜卜嘅菜苗餃外表晶瑩剔透，包住滿滿嘅菜苗，仲有一粒大蝦仁，菜苗夠晒鮮嫩～齒頰留香脆蘿蔔腸⭐️⭐️⭐️⭐️第一次食香脆蘿蔔腸，喺其他地方少有嘅一款特色點心，腸粉厚薄適中，包住新鮮蘿蔔絲同蜂巢脆脆，鮮甜味同脆卜卜口感交集，餡料豐富之餘層次感十足🫶🏻，真係做到齒頰留香嘅效果～半肥不瘦叉燒腸⭐️⭐️⭐️⭐️用料一啲都唔吝嗇，叉燒塞滿腸粉而且真係半肥不瘦，一啲都唔鞋，啖啖滿足～香噴噴招牌流沙包⭐️⭐️⭐️
至於喺背後主理嘅師傅原來大有來頭，曾經喺日本東京富麗華專為高官達人同明星服務多年；返香港後更曾經擔任多間米芝蓮酒店同大型連鎖酒樓集團嘅主管，師傅以其實力同豐富經驗確保每款手作點心嘅質量～
月半彎晶瑩鮮蝦餃⭐️⭐️⭐️⭐️
大大粒蝦餃皮薄餡靚，比一般蝦餃大隻，話佢係加大碼冇誇張，裡面起碼有兩隻大蝦，蝦肉鮮爽彈牙，果然係皇牌點心之一，必嗌！
黑松露北菇燒賣皇⭐️⭐️⭐️⭐️
燒賣同樣大大粒，表面舖滿黑松露，放喺枱面已經聞到濃郁黑松露香，蝦仁豬肉餡料嫩滑有咬口，而且同黑松露夾得很好～
鮮蝦菜苗餃⭐️⭐️⭐️⭐️
漲卜卜嘅菜苗餃外表晶瑩剔透，包住滿滿嘅菜苗，仲有一粒大蝦仁，菜苗夠晒鮮嫩～
齒頰留香脆蘿蔔腸⭐️⭐️⭐️⭐️
第一次食香脆蘿蔔腸，喺其他地方少有嘅一款特色點心，腸粉厚薄適中，包住新鮮蘿蔔絲同蜂巢脆脆，鮮甜味同脆卜卜口感交集，餡料豐富之餘層次感十足🫶🏻，真係做到齒頰留香嘅效果～
半肥不瘦叉燒腸⭐️⭐️⭐️⭐️
用料一啲都唔吝嗇，叉燒塞滿腸粉而且真係半肥不瘦，一啲都唔鞋，啖啖滿足～
香噴噴招牌流沙包⭐️⭐️⭐️
雖然流沙包表面唔算係好平滑，但佢入面嘅流心餡料超級正，一打開個包啲流沙餡已經衝出嚟，熱辣辣加上甜度剛剛好，味道滿分～
張貼
