契爺鮮入圍煮 (已改名) 查看

首先強調，唔推薦呢間餐廳。今次係第二次幫襯，因之前食物質素都覺唔錯，未想到會發生咁樣嘅事情。我地叫左杯嘢飲，飲左一半，發現杯中有隻好大嘅烏蠅。同佢地侍應反映左之後，第一位侍應反應非常之快，即刻收走杯嘢，我地仲未來得及影相。此做法非常機智，不由得令我地讚嘆。隨後佢比左我地一杯新嘢，但就話唔會有其他處理，亦都無道歉。我地叫佢搵店長過黎，結果佢搵左另外一位侍應，年紀大少少，咁態度就更加差了，不僅冇道歉，同埋另有暗示我地自己將烏蠅擺入去，或者話烏蠅飛入去都好正常唔係佢地責任。總之非常之離譜。我地已經向食環署留言投訴左，並會繼續跟進呢個情況，但佢哋收走左證物並即刻處理掉，令我地唔確定會唔會有結果。真誠建議所有人，如果你對衛生有要求，或者最少希望發生左不愉快之後可以得到禮貌嘅處理，唔好黎呢間餐廳。食物質素或許尚可，但整個作法非常無格局。我本人對上述所有言論負一切之責任，歡迎求證。