喫茶ちょうぼ

營業中

休息中

星期一的午餐當然要去食好D，踢走blue Monday!今次去了這間日本昭和風的餐廳，餐廳望出去仲可以見到維港景色添!餐牌上除左有餐廳招牌的蛋包飯，亦有意粉、小食、甜品、飲品等可以選擇!日式紅酒燉牛面肉蛋包飯，蛋包飯裡面的飯係有味飯，拌入了青豆等材料，有淡淡的酸味，蛋都幾嫩滑，淋上醬汁食更美味!而牛面肉燉得好軟腍而且入味，有入口即溶的感覺!炸軟殼蟹扁意粉，第一次在餐廳食軟殼蟹是可以見到一隻咁完整而且炸得好靚的蟹，軟殼蟹脆身而且中間仲有蟹膏，非常正!扁意粉用上蕃茄醬拌勻，而且仲有蕃茄肉，酸酸味味，特別開胃!炸七味雞軟骨，這款小食非常邪惡，雞軟骨炸到脆卜卜，上面灑滿七味粉，食落帶有少少辣味!而且點上附有的沙律醬食落酸酸的，不會覺得好膩!白龍布甸牛奶大福盛，焦糖布甸軟滑，而且味道不會好甜，上面有牛奶大福，大福口感煙煙韌韌，成個甜品食完令人好滿足呢!幸福綻放花環拿鐵，這杯拿鐵上面有綠色加有七彩糖粉的Cream，飲落咖啡味都好突出，味道不會好甜，唔錯!焙茶牛乳，點了杯熱的焙茶牛乳，飲落有淡淡的焙茶甘香味，口感幾滑!