Nara Thai Cuisine (新城市廣場一期)

營業中

休息中

約咗朋友去新城市食飯，我揀咗上次去過食Lunch個間泰國菜Nara，方便又容易搵，6:30去到餐廳已經好多人，好彩都仲有張卡位，餐廳裝潢很有氣派，門外內有好多花束，打卡一流，我好喜歡梳化位有大咕臣可以墊住背脊，好舒服！入座後有蝦片小食，蝦片香脆，作餐前小食不錯！我地點咗泰式椰子雞湯、泰式鴛鴦豬手、Nara特式炒飯、香蒜炒西蘭花和鮮椰子沙冰。椰子雞湯超濃的椰子味，叫咗少辣辣味唔會蓋過椰子味，泰式香料酸酸甜甜，啖啖椰香，雞肉亦很嫩口。泰式鴛鴦豬手我見每枱都係必點，一半滷水一半脆炸，可以試晒兩款不同口味，豬手肉質嫩滑，夾著豬手皮同食，再蘸點泰式酸汁更醒胃。Nara特式炒飯有一隻開邊炸蝦，半隻咸蛋和腰果，炸蝦炸得很香脆，可惜味道略淡沒蝦味，炒飯很乾身，材料也很充足。香蒜炒西蘭花香蒜味十足，西蘭花軟硬度適中，食點青菜可中和豬手膩感。鮮椰子沙冰超讚必點，新鮮椰子超清爽，天氣熱解渴消暑必飲。Nara果然係人氣餐廳，味道一流，服務員亦很快手，自動幫忙加水！疫情完了，下次再call多啲朋友齊齊飯聚。