601
86
59
開飯介紹
新派泰菜餐廳，在曼谷連續10年被當地雜誌 Thailand Tatlet 票選為泰國最佳食府。摩登木系裝潢，環境寬敞。
繼續閱讀
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
*星期一至四最後落單時間: 21:00 星期五至日最後落單時間: 21:30
以上資料只供參考, 請與餐廳確認詳情
有關獎賞計劃
食家推介
相關文章
同朋友喺新城市廣場行街，行到咁上下，想搵餐廳醫肚，睇呢間餐牌都頗多選擇，又多人幫襯，就揀咗呢間，一坐低就有蝦片食，大大塊，好脆，芒果軟殼蟹米紙卷 - $118份量比想像中多，煙韌嘅米紙卷包着香甜嘅芒果、炸得香脆嘅軟殼蟹同新鮮翠綠嘅菜，再蘸上泰式香辣汁，味道豐富，多重口感，正！泰式炒金邊粉 - $128泰式炒金邊粉外面包裹著一塊煎得金黃色的蛋皮，旁邊伴有不同的配料，可以自行選擇混合多少配料，有四隻大蝦，蝦肉爽脆彈牙，金邊粉炒得惹味，又不會過於濃味，又夠大碟，泰式鴛鴦豬手（滷水&脆炸） - $198$198好大碟，仲可以食齊兩款味道，滷水同脆炸，性價比超高，個人認為呢道菜係必點，滷水豬皮爽彈，肥而不膩，脆炸的外皮，口感酥脆，內裡的肉仍然很嫰滑，滷水和脆炸同樣惹味，這道菜做得非常出色！總結：餐廳生意頗好，可見質素真的很不錯，座位寬敞舒適，招呼亦親切有禮，好適合情侶拍拖食飯，或朋友聚會聊天。
繼續閱讀
NARA係沙田泰國菜既首選😋 今期想飲湯 - 泰式湯！環境夠大夠泰風 - 有泰國resorts既風扇設計！Snack $15服務爽快！今次蝦片夠脆夠蝦香味，食住睇menu~泰式椰子雞湯 $108Coconut chicken soup可以走辣or少辣，我地要左少辣！椰子🥥勁香濃，有陣奶既口感。飲多兩碗有啲飽，哈哈！大蘑菇配大雞件，好椰！好野！少左辣味既椰香感覺重多啲，其實估唔到雞件又多又有肉又嫩！有少少覺得好飲過冬陰功🤣，想椰奶香多就揀佢，開胃就冬陰功！黃咖喱軟殼蟹 $198Soft shell crab yellow curry西芹、香蔥、洋蔥、紅辣椒為點綴。黃咖喱好多，趁熱食！軟殼蟹多肉多件，脆得香脆。佢做得好好嘅一個地方係將啲黃咖喱汁係底，咁樣可以減少上枱時就變林左！蟹肉都唔會比黃咖喱蓋過咗，鮮甜再帶黃咖喱嘅甜！佢嘅配搭係印度薄餅 $35Roti prata一定無錯既配搭！泰式豬肉炒河粉 $98Fried rice noodles with pork喺碟邊有青檸、白糖同埋辣椒片粉，可以自己調校濃淡度。炒河粉寬同帶點q，雖然用豉油生抽抄，但唔太咸，岩岩好又上到色👍🏻雖然有芥蘭同埋雞蛋，但豬肉多啲就更加好！整體都有鑊氣！
繼續閱讀
📍Nara Thai Cuisine呢間人氣泰國菜Nara,相信好多朋友仔都試過😆舖頭長期多人排隊，不論晏晝放飯時間定放工，6:30左右到已經大排長龍；餐廳裝潢設計好金碧輝煌，門外亦都放有鮮花，好吸引眼球🤩可以邊排隊邊欣賞唔同既花束💐另外餐廳亦有梳化位置，仲有咕臣可以挨住，好舒服！🥠炸蝦片 $15坐低冇耐staff會攞份炸蝦片作為餐前小食，蝦片脆卜卜，炸得幾厚身但保留到脆身既口感，蝦味濃亦食得出淡淡胡椒既香味🤩 🍛紅咖喱牛肋肉 $158牛肋肉超腍，肉質鮮嫩，食落一啲都唔鞋😌份量都好多，足足有8-9大嚿牛肋肉！🥳另外重口味既朋友仔應該會好中意呢碟紅咖哩，咖喱少辣但好惹味，用黎餸飯或者薄餅一齊食就好夾！🫓印度薄餅 $35叫左薄餅配紅咖哩食，果然係絕配！薄餅吸晒啲咖喱汁，薄餅又勁酥脆，食到停唔到口🤤一共有2片，同朋友一人一塊就岩岩好啦😽🦐大蝦冬陰功 $148天氣熱辣辣，想飲湯消暑😎於是點左餐廳出名既冬陰功飲，超開胃！仲有2隻開邊既大蝦，所以飲落有海鮮嘅鮮味～亦有一啲茹類同香料，升華咗成碗冬陰功既香味🤩🍤香脆蝦餅(3件）$58蝦餅即叫即炸，上枱時係熱辣辣嘅；食落香脆可口，裏面仲有啲蝦粒～蝦餅既size都算大件👍🏻🥥椰青 $48叫飲野飲消下暑先，椰青好巨型！飲落幾甜又多，真係要share先飲得曬🤩⭐️好味指數：8.5/10📍Nara Thai Cuisine (新城市廣場) (沙田)沙田沙田正街18號新城市廣場一期5樓507號舖
繼續閱讀
經常排晒隊的泰國菜，上次堂食試完感覺良好，除左裝潢幾靚之外，野食都幾好味😋，今次過嚟買外賣返屋企同屋企人一齊食。外賣自取依家有八五折😚。🍤香脆蝦餅（6件）$98口感勁彈牙，蝦膠足料厚實，每塊都大大舊。抵食之選。炸到外脆內彈😚🍥泰式魚餅（3件）$58香茅味不重，外面煙靭內裹軟口。🥘椰子雞湯 $108諗住點比呀媽滋補下，原來辣🌶️既🫣，個湯勁濃香滑椰子🥥味，帶少少似冬蔭公湯的辣，媽媽表示，甜甜地又辣辣地，好開胃🤤。另外，雞肉份量都幾足。🍍菠蘿肉鬆海鮮炒飯 $128金黃色的炒飯夠晒乾身，面頭仲有開邊蝦🍤，入面配料豐富有菠蘿粒、帶子粒、青口、雞肉、提子乾。🍝泰式炒金邊粉 $128金黄色嘅蛋網下有四隻新鮮爽脆大蝦，金邊粉炒得吾油、吾會太咸👍，淡味的酸酸甜甜，再配上豆乾、爽口的芽菜，好味😋。另外，可以按個人喜好加入花生、砂糖、辣椒粉和青檸去調味。📝整體而言：估吾到堂食服務質素好之外，外賣質素都不遜色。外賣員工都服務態度好好👍，由選菜、落單到雙手遞上外賣，都令顧客感覺開心😃，值得一讚👍👍👍，食物方面就依然保持水準啦！另外，晚市6pm開始，人流都幾多。建議大家過黎前先book位。✏️堂食有加一服務費✏️外賣自取八五折
繼續閱讀
呢一間位於沙田嘅泰國過江龍餐廳, 喺泰國當地深受居民、外籍人士及亞洲旅客喜愛, 食材就肯定夠地道同正宗🏖餐廳主打傳統雅緻泰國菜, 以灰色高雅裝潢為主, 梳化位置亦寬敞舒適🧸🦐蝦片HK$15一坐低就會有一碟餐前小食, 蝦片有微微黑椒辛辣味, 而且新鮮香脆🪄..🍴泰式豬肉炒河粉HK$98大大片嘅河粉🇹🇭旁邊有辣椒粉同糖俾你自己撈入去, 撈埋後味道更昇華, 豬肉嘅份量都足夠😋..🍴泰式肉碎煎蛋飯HK$98🍳最正係燶邊流心蛋, 個飯撈埋蛋黃一齊食真係好好食🍳🌿簡單天然嘅材料例如蒜頭、香茅、辣椒, 令人胃口大增🎉..🧉泰式奶茶HK$38食泰菜必點🤩..總結, 食物好味, 環境舒適, 帶住BB揀餐廳最重要就係搵間闊落啲嘅餐廳, 呢間就啱晒🥰°°°°°°°°°°°°°°°°°°°°°°°°°°°°°°Nara Thai Cuisine @narathai.hk 📍 沙田沙田正街18號新城市廣場一期5樓507號舖 #MrsLong #hk #hkmami #hkbloggermama #Longs #hkbaby #influencer #hkmom #mamablogger #香港美食 #餐廳推介 #hkeat #hkfoodie #親子好去處 #假日好去處 #hkfoodie #香港探店 #thaistreetfood #narahk #foodieshk #hkigfood #沙田 #沙田美食 #沙田好去處 #tasteofhongkong #tasteofhk #hkfoodlovers #hkfoodpics #泰式料理 #泰式美食 #泰式餐廳
繼續閱讀