集眾菜館

營業中

休息中

我估客人係唔會盲目支持嘅，呢度長期爆滿就知道大廚嘅真功夫，試過幾次無Book位想Walk-in都係唔成功嘅，所以衣家學精咗黎親都會預先訂位。今次叫咗3樣野，分別係蒜蓉粉絲蒸扇貝、鐵板啫啫生腸同埋鐵板啫啫魚春加魚標。先講蒜蓉粉絲蒸扇貝，師傅蒸得個火喉啱啱好，剛剛熟，於是入面仲係好Juicy，真係好鮮味，我夠膽講好多名店大酒樓都做唔到呢個水準。至於粉絲唔洗我講都知佢地吸收晒扇貝嘅精華，所以千其唔可以放過啦。鐵板啫啫魚春加魚標煮得好惹味，雖然魚春加魚標真係有D邪惡，不過值得為呢碟餸放肆一下，餸啤酒一流。魚春同魚標一D都唔鯹，好食。鐵板啫啫生腸係老闆娘介紹嘅，佢話係用新鮮豬生腸做，所以食落特別鮮味，於是咪試下，真係好食，直頭要將膽固醇暫時忘記先。啤酒就飲呢隻德國麥啤，麥味好香，又易入口，炎炎夏日真係Fit晒，一邊飲一邊食鐵板啫啫生腸同鐵板啫啫魚春加魚標堅正，結果我地3個人一共飲了12支。