翠林辣蟹舫

今日同朋友一行二人，心思思想食蟹，就來左依間。樓面清潔簡單，差唔多滿座，見到個個都有嗌橋底辣蟹。另外我地發現，竟然有個半價餐牌，超正，有成60-70款食物，連避風塘辣蟹都有半價！我哋叫咗四樣嘅菜式。花膠雞肉炒芽菜，避風塘辣蟹，老闆推介黃金炸蟹球配沙律，酸菜石斑。1. 花膠雞肉炒芽菜，夠鑊氣，清清地都ok2. 避風塘辣蟹，蟹係中size, 好新鮮，外面脆，入面多汁啲炸蒜粒都揸得好好味，唯獨如果可以鹹少少會更好，半價後三百幾蚊我覺得好抵。下次想試吓胡椒蟹😍3. 酸菜魚-啲石斑好新鮮，冇骨，酸菜魚嘅味道好濃，夠酸同辣，開胃好味！如果可以加多啲四川風味就更好啦。4. 流沙黃金炸蟹球-聽個名好似好普通咁，但係一上到黎嘅時候，我哋都好驚訝佢個蝦球好大粒，超大粒，外邊係炸蛋黃醬，入邊係好彈牙有新鮮嘅大大蝦球！鍾意佢配埋沙律，食到油膩嘅時候食一啖沙律中和下味道，推介！仲有阿姨推介$48燒乳鴿，但係真係太飽啦食唔晒。