鬼金棒

營業中

休息中

放工約朋友飯聚，近近地揀咗公司附近食拉麵。早有聽聞呢間日本過江龍出名麻同辣湯底，麻同辣可以分開揀，各有5種程度選擇，滿足唔同人口味。店內裝修簡潔得嚟都好有特色，到處都有鬼面具再配上太鼓音樂，非常配合餐廳“鬼”嘅主題。今次同朋友叫咗一碗芫荽辣麻味噌拉麵同一碗增量叉燒x2辣麻味噌拉麵仲加咗隻蛋。🔸芫荽辣麻味噌拉麵🔸身為芫荽控嘅我一見到menu上有呢款拉麵就即刻落單，碗麵鋪滿芫荽，綠油油一遍，差啲連湯都見唔到。由於本人唔係好食得辣，所以只係叫咗小麻小辣，味噌湯食落甜甜地好濃，中和咗啲辣，但就feel到少少麻嘅感覺，下次可以挑戰中辣，除咗成座山嘅芫荽，仲有好多芽菜，兩舊大叉燒同玉米荀，叉燒好淋好入味，完全唔韌，拉麵質地亦好有咬口。😋🔸增量叉燒x2辣麻味噌拉麵🔸呢碗面一上枱，我就比嗰兩舊超巨大叉燒吸引住，根本可以叫做叉燒扒🤩 一定可以滿足鐘意食肉嘅朋友，糖心蛋一切開就見到橙紅色嘅蛋黃，令人食慾大增！ 🤤 朋友完全食唔到辣， 所以呢個湯底只係叫咗小麻，冇叫到辣，但就更能食到原本味噌湯嗰種甜同香濃嘅味道。兩碗面都好大碗，份量好足料，尤其舊叉燒，啖啖肉，真係食過返尋味😋😋下次要再嚟挑戰其他麻辣度！