影片
更多
2024-06-17
12 瀏覽
係香港專食Yakitori既餐廳唔多，要做到出色又好食就更加難，今次發掘到尖沙咀一間隱世燒鳥店🐓 各種刁鑽雞部位都有～由雞冠﹑雞頸﹑掌心﹑橫膈膜﹑白子﹑提燈都有，令人大開眼界😎 除左雞串燒外，仲有其他肉類﹑海鮮﹑清酒選擇，同朋友黎嘆下就啱哂.ᐟ 入座後餐廳先送上一個調味盤🎨 有5款調味粉：山葵鹽﹑抹茶鹽﹑山椒粉、七味粉、一味粉，可以按個人喜好添加，令串燒味道多D變化😋❝ 雞頸 $38 ❞心思之菜👍🏻師傅要將雞頸起肉後串埋一齊，好花功夫~ 雞頸口感好彈牙，加幾滴青檸汁提鮮更加正.ᐟ ❝ 雞心 $38 ❞雞心搽上秘製醬汁後燒到好juicy，口感煙韌，唔會有腥味，連內臟都處理得好好，抵讚👍🏻❝ 雞尾 $38 ❞雞尾擁有豐富既脂肪，夠哂肥美🤤 油香十足，燒至外脆內軟，超邪惡.ᐟ ❝ 提燈(限定) $48 ❞提燈非常罕見，推介必試🌟 提燈係母雞既卵巢同未孵化的蛋，肉質部位食落幾脆口，而黃色部分食落係半熟雞蛋既口感，入口爆汁，鮮味十足.ᐟ ❝ 糯米雞肉棒 $48 ❞推介必點🌟 第一次呢個搭配，好食又有驚喜😍 平時免治雞肉棒就見得多，今次係用左糯米包住免治雞肉😆 外層燒至焦香脆口，充滿米香，而內裡係
入座後餐廳先送上一個調味盤🎨 有5款調味粉：山葵鹽﹑抹茶鹽﹑山椒粉、七味粉、一味粉，可以按個人喜好添加，令串燒味道多D變化😋
❝ 雞頸 $38 ❞
心思之菜👍🏻師傅要將雞頸起肉後串埋一齊，好花功夫~ 雞頸口感好彈牙，加幾滴青檸汁提鮮更加正.ᐟ
❝ 雞心 $38 ❞
雞心搽上秘製醬汁後燒到好juicy，口感煙韌，唔會有腥味，連內臟都處理得好好，抵讚👍🏻
❝ 雞尾 $38 ❞
雞尾擁有豐富既脂肪，夠哂肥美🤤 油香十足，燒至外脆內軟，超邪惡.ᐟ
❝ 提燈(限定) $48 ❞
提燈非常罕見，推介必試🌟 提燈係母雞既卵巢同未孵化的蛋，肉質部位食落幾脆口，而黃色部分食落係半熟雞蛋既口感，入口爆汁，鮮味十足.ᐟ
❝ 糯米雞肉棒 $48 ❞
推介必點🌟 第一次呢個搭配，好食又有驚喜😍 平時免治雞肉棒就見得多，今次係用左糯米包住免治雞肉😆 外層燒至焦香脆口，充滿米香，而內裡係口感柔軟既雞肉，口感好豐富👍🏻
❝ 豆苗三元豚肉卷 $48 ❞
呢個同樣好特別，推介必點🌟 三元豚肉質爽嫩，唔會過於肥膩，捲住豆苗增添爽脆口感，整體幾有層次感👍🏻
❝ 唐辛子 $38 ❞
唐辛子係日本青椒仔，外皮比一般青椒薄，入口微辣，配上木魚碎幾有特色，呢個搭配都唔錯🤭
❝ 味噌翠肉瓜 $38 ❞
師傅將味噌汁搽上翠肉瓜，以火槍高溫炙燒後加入香葉碎🔥 食落好香口.ᐟ 連翠肉瓜就整得咁好食，真係要比個讚👍🏻
❝ 醬油燒飯團 $38 ❞
推介必點🌟 唔好睇小呢個飯團，佢一啲都唔簡單😆 飯團外層搽上醬油，燒至焦脆香口🍙 成個飯團都加左飯素，口感十分豐富，配上紫菜更加開胃.ᐟ
❝ 燒鱈魚乾 $48 ❞
前菜叫左一份鱈魚乾，燒過後帶有微微焦香，沾上沙律醬別有風味，佐酒一流🍻
❝ 抹茶蕨餅 $38 ❞
最後試左個甜品，抹茶味道超香濃，而蕨餅入口好煙韌，非常唔錯💚
張貼
