火赤

雞頸肉到提燈，每串都有驚喜走進火赤，彷彿置身東京街頭的小酒館，充滿日式居酒屋氛圍。店內以黑色為主調，燈光昏黃，除了 bar 枱，亦設有室外坐位，靜中帶旺，適合三五知己慢慢嘆串燒、飲清酒，談天說地。這晚點了幾款串燒和小食，每款都見心思，味道與火候俱佳：• 糯米雞肉棒：外脆內糯，米香與雞肉融合得宜，配上少少醬汁更惹味，令人一試難忘。• 雞頸肉：少見部位，肉質嫩滑又帶嚼勁，燒得香口，食完即想 encore。• 雞上髀肉：肉質嫩滑，炭香四溢，簡單鹽燒已經好出色，完全唔需要多餘調味。• 雞心：爽口不腥，調味恰到好處，入口有彈性，令人驚喜。• 提燈（雞子）：外層微脆，內裡爆漿，口感層次豐富，令人驚艷。• 法國水牛芝士煙肉卷：芝士濃郁邪惡，煙肉鹹香，咬落一刻超滿足，中間夾住紫蘇葉更添清新層次，邪惡中見優雅。• 燒鱈魚乾：外脆內香，微微焦香中帶點甘甜，是送酒一流的小食，愈食愈開胃。• 福岡秋葵：清爽解膩，保留蔬菜原味，配上木魚絲味道更突出，簡單但不平凡。• 蘆筍：燒得剛好，保持脆度，淡淡鹽味提鮮，清新怡人。• 醤油燒飯團：外層焦香，內裡軟糯，醬油味濃郁，有日式街頭風味，簡單卻令人回味。• 抹茶厥餅：作為收尾甜品，煙韌不膩，抹茶香濃而不苦，清新解膩，完美句號。火赤的串燒用料新鮮、火候掌握得好，部分罕見部位如雞頸肉、提燈等更添驚喜。整體體驗令人滿足，無論係味道、氣氛定服務，都令人想再訪。…查看更多

喺尖沙咀食串燒真係唔可以錯過呢一間！裝潢型格，主要係 bar 枱位，睇住師傅即場炭燒好有 feel，仲有戶外位啱晒一班朋友包場開 party 或者慶祝活動。主打由日本農場直送嘅香草雞肉，唔止新鮮，仲有好多稀有部位可以揀，師傅炭燒功力一流，每串都燒得啱啱好，外香內嫩，啖啖肉汁，真係好食到停唔到口！首先每枱都會有一碟五味調味盤：生椒粉、七味粉、一味粉、柚子鹽、咖喱鹽。個人最鍾意柚子鹽，口感清新，配雞肉一流，食完唔會膩。必食推介 🍢🍢😋 提燈 ~ 雞卵燒完之後色澤金黃微焦，賣相已經夠吸引，咬落去果下，外層薄脆，入面嘅雞卵一爆開係超級 juicy，成個口腔都係濃郁嘅蛋香，係我心目中 No.1 ❤️😋 糯米雞肉棒 ~ 外層糯米經炭火燒到微焦，帶住陣陣米香同焦香味，煙韌有口感。入面包住嘅雞軟骨肉，肉質嫩滑又有脆口，好豐富嘅層次感！ 😋 雞白子 ~ 燒白子真係好少見，而且呢度做得好出色！外層微微焦脆，入面仲保持到白子嘅軟綿綿口感，帶少少甘香，完全無腥味。連平時唔食白子嘅朋友都話有驚喜，值得一試！😋 新潟白舞茸 ~ 喺日本被譽為僅次於松茸嘅極品菇類，香氣十足，燒完仲保留到菇菌嘅鮮味，而且味道特別濃郁！仲有雞上髀肉、雞頸肉、雞心、雞肝等等都滋味十足！ 而家逢星期一至三同星期六都有酒水 promotion，同朋友一齊飲酒嘆串燒，爽 🍻🍻最後要讚下師傅同職員，好有禮貌又親切，令整個用餐體驗加分 ❤️…查看更多

尖沙咀樓上食店選擇多，但想搵一間有特色又舒服坐低嘆串燒🍢，其實唔係咁易。今次同朋友上到寶勒呢間叫「火赤」嘅日式居酒屋，環境係靜中帶旺，唔會嘈到傾唔到計，啱晒放工想慢慢嘆。 我哋叫咗幾款串燒同小食，每款都有啲驚喜： 🍢 雞頸肉- 好少地方有，口感又嫩又帶啲嚼勁，燒完有陣陣焦香。 🍢 雞上牌肉- 肉質特別嫩滑，炭香四溢，簡單鹽燒已經好出色。 🍢 提燈- 即雞膘連蛋，外層脆口，入面爆漿，好有驚喜感。 🍢 雞心- 微微爽口，冇腥味，調味啱啱好。 🍢 糯米雞肉棒- 外層微脆，入面黏糯有米香，配返少少醬汁幾過癮，口感好特別。 🥒 福岡秋葵- 清清地解膩，唔齋燒，仲保持到蔬菜爽感。 🥬 籚筍- 燒得啱啱好，保持清甜。 🧀法國水牛芝士煙肉卷- 芝士同煙肉一齊咬落去超邪惡，鹹香夾埋濃郁奶味，好邪惡但好食。 🍙 醬油燒飯團- 外脆內軟，飯香加醬油焦香，好有日本街頭風味。 🐟 燒鱈魚乾- 香口小食，送酒一流。 🍵 抹茶厥餅- 最尾有個甜品清清口，抹茶香唔會太重，煙韌感啱晒。 整體感覺，呢度嘅串燒用心又有特色，好多款平時喺出面好難食到，例如雞頸肉同提燈，糯米雞肉棒夠晒新鮮感。食物同環境都帶到日本居酒屋 vibe，幾啱同朋友聚會飲兩杯🍻🧊。…查看更多

今次同朋友嚟到尖沙咀嘅居酒屋，🇯🇵日系木裝修，除咗室內嘅吧枱同普通枱，仲設有室外枱，燈光偏暗有氣氛，我哋坐吧枱，可以睇住師傅燒串燒，幾過癮!我哋叫咗燒鱈魚乾做開胃小菜，鱈魚乾燒得脆卜卜，蘸埋沙律醬味道香口濃厚，好好味!跟住即刻入正題叫咗好多串燒，串燒可以配搭調味盤上嘅咖喱粉、山椒粉、七味粉、一味粉或柚子鹽嚟食🤤蔬菜串燒叫咗唐辛子同秋葵，每一條都細嫩冇渣，面頭加咗木魚碎增加鹹香風味。肉類方面雞頸肉爽脆彈牙，油脂分布平均；雞髀肉厚身多汁，外皮香脆內裡嫩滑；雞腎爽脆有嚼勁；雞心外層微脆，內裡軟嫩，一啲都唔韌，冇內臟腥味，連唔鐘意食內臟嘅朋友試咗一嚿都話好味，真係串串都好高質!私心推薦法國水牛芝士煙肉卷，聽個名就知邪惡，煙肉卷住濃滑芝士勁鹹香，芝士控必試最驚喜係🍙醬油燒飯團，用日本新潟米製成，飯團表面焦脆，口感軟糯，醬油嘅味道都調得好好，鹹香入味。最後叫咗抹茶厥餅😌我會俾香港人對甜品嘅最高評價：唔係好甜，🍵抹茶味濃郁，清新冰涼，作為收尾甜品一流✨總括嚟講呢間不論係環境定食物都好高質，有機會會再嚟食🤭店內BGM都係ACG名曲，如果係老二次元一定唔會覺得陌生，同朋友一齊估下歌名都幾開心#akaihonoo #香港美食 #尖沙咀 #串燒 #日式串燒 #焼き鳥 #Yakitori #yakitori #yakitoritorisho #chicken #japanesefood #hkjapaneserestaurant #sake #japanesesake #japanesebbq…查看更多

火赤位於尖沙咀寶勒巷樓上的高質燒鳥店，主打雞隻稀有部位，同時還提供豬、牛、海鮮及野菜等各式串燒。清酒選擇豐富，整體調味恰到好處，不會過於濃重。環境方面，若天氣涼爽，可選擇露天座位，邊享用美食邊與朋友暢談小酌！餐廳內設有一張長吧台及數張餐桌，另備有戶外座位。每桌均附一碟五種風味的調味粉，搭配串燒食用更好味。入座後，店員隨即送上溫熱的玄米茶。雞頸肉——口感爽嫩滑順，毫不油膩。雞上髀肉——肉質厚實，極致嫩滑且肉汁豐盈，外皮香脆可口。水牛芝士煙肉卷——濃郁芝士與焦香煙肉完美結合，大愛！燒鱈魚乾——鱈魚乾烤至酥脆甘香，令人忍不住一條接一條品嚐。雞下心——口感爽脆，搭配花椒粉更添層次，毫無腥味。提燈——日式燒鳥中的稀有部位，由母雞卵巢與未成熟卵黃組成，串於竹籤上，外形獨特且口感濃郁。福岡秋葵——鮮嫩清新，有效平衡肉類的豐腴感。糯米雞肉棒——外酥內軟，外層燒到卜卜脆，糯米與雞肉融合出豐富口感。醬油燒飯團——外層烤至焦香酥脆，內裡保持軟糯，醬油香氣十足。味噌翠玉瓜——味噌調味很好，翠玉瓜清新多汁。這家店以高品質食材與細緻烹調，展現日式燒鳥的精髓，絕對要再來吃串燒！…查看更多