火赤

火赤位於尖沙咀寶勒巷樓上的高質燒鳥店，主打雞隻稀有部位，同時還提供豬、牛、海鮮及野菜等各式串燒。清酒選擇豐富，整體調味恰到好處，不會過於濃重。環境方面，若天氣涼爽，可選擇露天座位，邊享用美食邊與朋友暢談小酌！餐廳內設有一張長吧台及數張餐桌，另備有戶外座位。每桌均附一碟五種風味的調味粉，搭配串燒食用更好味。入座後，店員隨即送上溫熱的玄米茶。雞頸肉——口感爽嫩滑順，毫不油膩。雞上髀肉——肉質厚實，極致嫩滑且肉汁豐盈，外皮香脆可口。水牛芝士煙肉卷——濃郁芝士與焦香煙肉完美結合，大愛！燒鱈魚乾——鱈魚乾烤至酥脆甘香，令人忍不住一條接一條品嚐。雞下心——口感爽脆，搭配花椒粉更添層次，毫無腥味。提燈——日式燒鳥中的稀有部位，由母雞卵巢與未成熟卵黃組成，串於竹籤上，外形獨特且口感濃郁。福岡秋葵——鮮嫩清新，有效平衡肉類的豐腴感。糯米雞肉棒——外酥內軟，外層燒到卜卜脆，糯米與雞肉融合出豐富口感。醬油燒飯團——外層烤至焦香酥脆，內裡保持軟糯，醬油香氣十足。味噌翠玉瓜——味噌調味很好，翠玉瓜清新多汁。這家店以高品質食材與細緻烹調，展現日式燒鳥的精髓，絕對要再來吃串燒！…查看更多

今晚同朋友專登過嚟「火赤」試佢哋嘅雞料理！呢度真係鍾意食串燒同埋雞嘅天堂，由稀有部位到經典串燒應有盡有，全部串燒都係即叫即燒，雖然係等得耐少少，但係都好值得，因為真係好好味🥹🍢 串燒系列▪️ 雞頸肉口感爽彈有嚼勁，燒得香口又唔乾，表面灑咗少少七味粉，吊味一流～▪️ 雞皮必點！燒到超脆口，咬落「咔嚓」聲，油脂香爆棚但唔膩，好似食緊雞皮版天婦羅！▪️ 雞下心呢個我都係第一次試，軟嫩得嚟帶少少筋性，醬油燒汁入味，完全無內臟腥味～▪️ 雞髀肉厚肉多汁！燒得外微焦內軟嫩，簡單用鹽燒已經帶出雞肉原味，正！🍡 創意燒物▪️ 糯米雞肉棒超有驚喜！雞肉混入糯米搓成棒，外層燒到微脆，內裡軟糯有嚼勁，蘸埋蛋漿食更滑溜～▪️ 水牛芝士煙肉卷邪惡之選！煙肉捲住半溶水牛芝士，鹹香＋拉絲效果滿分，食一件已經好滿足～▪️ 燒鱈魚乾送酒一流！鱈魚乾燒到脆卜卜，點沙律醬食超夾，唔會過硬，食到停唔到口！😍🍙 主食 & 野菜▪️ 醬油燒飯團外層燒到焦香脆口，醬油味濃郁，飯粒壓得實淨，咬落有飯焦感，飽肚之選！▪️ 秋葵蘆筍清新平衡之選！秋葵黏滑＋蘆筍爽甜，簡單鹽燒已經好夠味，解膩必點～🍮 甜品▪️ 黑糖蕨餅完美結尾！蕨餅軟糯煙韌，黑糖漿香甜唔死甜，面頭黃豆粉加分，口感層次豐富😍…查看更多

全部超級好味，同出面啲味完全唔同日本水準重點係廚師真係好用心煮好欣賞雞心ーはつ食過the best雞心超級好味，少甜，口感似食棉花糖，非常嫩滑，口感豐富，肉質鮮美雞頸肉ーせせり/雞上髀肉ーもも呢兩串又係冇得輸必食燒到極致而家都回味雞肉軟骨棒一つくね/. 雞皮ーかわ都係必食，雞肉棒係脹卜卜，份量差唔多變圓柱體雞皮超級大塊脆嫩味噌翠玉瓜一 みそ翠玉瓜 又係好味到不得了加咗秘製醬汁，就算厚切都依然晶瑩禿透，保持水份法國水牛芝士煙肉卷　ベーコンチーズ巻き 煙肉又好食加Mozzarella冇得輸櫻花蝦明太子飯園ーさくらえび明太おにぎり普通都會覺得好食，紫菜脆，熱暖暖的飯團燒燶咗好味，但係我鍾意食醬油飯團多點焼鱈魚乾－たら焼き同出面たら焼き質感完全唔同，入邊好soft ，一塊一塊擺入口，加上啲沙律醬遇上辣粉，點一點更昇華。認為可以出口比超市買😂黑糖厥餅- 茶わらび餅唔使飯後甜品我已經食晒😂好好味白蔥 普通一串蔥都好好食，色澤又靚。裏面包到實一實，隔咗半個鐘頭食依然同樣味道，冇出油👍連張單都係日文字係香港都好耐冇見過:)…查看更多

火赤 📍：香港尖沙咀寶勒巷29號寶昌商業大廈5樓🚗：尖沙咀地鐵P3出口 步行6分鐘📞：+852 2885-1688💲：~HKD440/head for dinnerFood quality✔️：雞頸肉、雞上脾肉、提燈、雞腎、法國水牛芝士煙肉卷、糯米雞肉棒、福岡秋葵👌🏼：蘆筍、醬油燒飯團、燒鱈魚乾總結：😋一間樓上舖高質燒鳥店 主打食雞嘅稀有部位 仲有豬 牛 海鮮 野菜等各類串燒 食日式串燒當然唔少得清酒🍶款式都唔少 整體調味剛好唔會過份重口 食得好開心😋雞🐓類試咗比較常見嘅雞頸肉 雞上脾肉同雞腎 全部都燒到仲保留肉汁 肉質唔會過乾 另外稀有部位試咗提燈 即係雞的嘅卵巢同啲未孵化嘅蛋 呢個勁出色 爆漿嘅蛋黃一啲都唔腥 非常易入口😋水牛芝士🧀煙肉卷一睇真係勁吸引 煙肉包住一大舊水牛芝士 一口食唔會過膩 正😋糯米雞肉棒係整餐之最 糯米包住雞肉🍗幾乎融為一體 一啖食落去有軟糯同紮實嘅口感 好特別🤔野菜類🥗試咗蘆筍同福岡秋葵 食材新鮮嘅但燒得略有點過火 食到尾有輕微苦澀味 秋葵好食🤔醬油燒飯團🍙其實都唔錯 但糯米雞肉棒太出色 顯得佢有點單調🤔燒鱈魚乾就經典前菜 送酒一流 非常簡單嘅小食 但配埋蛋黃真係食唔停口🤣🤔一開波上咗嗰五色調味碟：鹽 咖哩粉 一味粉 花椒粉 七味粉 因為本身串燒都有調味落粉冇話額外出色 建議跟個人喜好落粉與否🤔環境有分室內外 室内主要都喺坐bar枱 其他位雖然較暗 但枱上有足夠光線 打卡不成問題🥺😨食物高質 環境有氣氛 服務上碟快手 仲要全熱辣辣 即叫即燒 兩位師父合作無間 另外收碟加茶都合時👏🏼…查看更多

✨Blingbling 美食推介📍尖沙咀火赤 Akai Honoo尖沙咀燒鳥專門店💠💠💠💠💠💠💠💠環境走日式居酒屋feel，座位唔多但有長長既吧枱，可以好近距離見到師傅燒串燒~ 熟客仲可以同老闆傾計添~ 另外仲有露台座位，建議秋冬好天既時候坐下~ 同朋友一齊 chill 住食串燒同飲清酒🍶同埋記得book定位啊~食串燒每枱都會跟一碟有五種味粉既調味料，如果店員唔記得比，記得問佢啊~ 串燒配埋味粉食更提升串燒風味架✨🍢 串燒🐔燒鳥1⃣雞頸肉 $38肉質嫩滑帶彈性，不油不膩，簡單調味已香口好味~2⃣雞胸軟骨 $38外脆內嫩，軟骨脆口，好少機會咁樣食~3⃣雞肉軟骨棒 $48會跟埋生蛋黃沾黎食~ 蛋黃既滑同雞軟骨既脆形成對比，口感好正~4⃣雞肝 $38個人一般雞肝口感，所以比左大個串男朋友食~ 呢度既雞肝好新鮮，無腥味~5⃣雞心 $38第一次食雞心串燒，口感好爽口彈牙~6⃣雞腎 $38口感彈牙有嚼勁，入味香嫩，搭配味粉更加 perfect！🐷燒豚1⃣水牛芝士煙肉卷 $48煙肉包住水牛芝士， 烤至芝士半溶，鹹香得黎好滿足！🌿野菜1⃣唐辛子 $38：微辛微苦，椒香十足，食辣必食！2⃣福岡秋葵 $38燒至外脆內黏嫩，配上木魚碎，清爽又醒胃～🥢佐酒小食&飯團1⃣燒鱈魚乾 $48好香口！煙燻香濃，配沙律醬更正！ 2⃣醬油燒飯團 $38飯團外皮香脆，內裡軟糯，醬油調味惹味，一口咬落好滿足！甜品1⃣抹茶蕨餅 $38煙韌彈牙，帶淡抺茶香，搭配串燒之後食一份非常清爽，甜度剛好不膩🌟項目評分環境氣氛 💎💎💎💎💎/5服務質素 🌸🌸🌸🌸🌸 /5串燒質素 😋😋😋😋😋 /5性價比 💰💰💰💰💰/5📍火赤 Akai Honoo@akaihonoo_hk尖沙咀寶勒巷29號寶昌商業大廈5樓…查看更多

燒鱈魚乾濃濃嘅魚香配埋微微炭燒嘅味道，香口又唔會太鹹，食到停唔到口！雞皮脆脆地又唔油膩，超正！雞頸肉同雞髀肉夠嫩滑又多汁，燒得啱啱好，咬落去啲肉汁即刻爆出嚟，超滿足！雞下心同雞肉軟骨棒就好有嚼勁，鍾意口感豐富嘅一定會鍾意！福岡安納芋超甜，口感綿密，完全無需多餘調味，福岡秋葵燒得嫩滑無渣，上面鋪滿柴魚絲更增風味。法國水牛芝士煙肉卷煙肉鹹香配埋濃滑嘅芝士，食落又唔會太膩。最後，一定要試醬油燒飯團，外層燒得脆脆地，帶住陣陣醬油香，飯粒煙韌！甜品方面，抹茶蕨餅清新又唔會太甜。環境舒服，氣氛輕鬆，服務又好貼心。無論燒物嘅火候定味道都好到位，完全食出職人級嘅水準！而且呢度連D稀有部位都有得食，基本上雞身上食得嘅野呢度都揾到！…查看更多

今次去過係Bar枱式嘅日式串燒店，可以望住師傅喺你面前即燒，氣氛好有居酒屋feel～木枱、炭香、望住師傅燒，成個感覺好正～佢哋會有一碟唔同嘅調味粉（有咖哩粉、柚子鹽、七味、一味粉等）•燒鱈魚乾：表面微微焦香，帶住淡淡嘅煙燻同海味，咬落有嚼勁又脆脆地～開胃小食•雞頸肉：口感彈牙、有嚼勁，唔會乾，邊位帶啲炭香。簡單落鹽已經好正•雞上腿肉：juicy、油脂適中，外層有焦香但入面仍然保持嫩滑，肉味濃，鹽燒或者輕刷醬汁都好食。•雞心：燒得啱啱熟，保留咗應有嘅彈性同肉味，唔會有腥味，做小口咬落好有爽度。•雞肉軟骨棒：肉嘅調味出色，雞肉嫩滑，撈埋蛋黃一齊食係好好食•水牛芝士煙肉卷：煙肉烤到微脆，入口有煙肉嘅鹹香同水牛芝士嘅奶香，係整餐嘅驚喜位•秋葵：燒過之後少咗生嘅粘滑感，反而保留爽脆•蘆筍：外層有炭燒痕，啲纖維仍然有輕微脆感，甜味被烤香帶出，沾柚子鹽會更突出鮮味•提燈：第一次食，估唔到有驚喜，外皮帶少少焦香，入面嫩滑（有啲似小丸子/燒物嘅口感），係一款容易一口KO嘅輕食，配啲調味粉試唔同口味感覺幾好。•醬油燒飯團：外層烤到微脆，醬油香濃但唔死鹹，入面米心鬆軟，咬落有焦香同米飯嘅甜味•抹茶厥餅：做甜品收口好清爽，抹茶味香而不苦，口感煙韌，甜度偏低Overall 火喉掌握得好，唔會燒過頭亦唔會太生，每串都能食到食材本身嘅味道同師傅調味嘅平衡。師傅即場燒、睇住佢掌火同翻串，食感同視覺都有加分…查看更多

今次同朋友嚟到尖沙咀嘅居酒屋，🇯🇵日系木裝修，除咗室內嘅吧枱同普通枱，仲設有室外枱，燈光偏暗有氣氛，我哋坐吧枱，可以睇住師傅燒串燒，幾過癮!我哋叫咗燒鱈魚乾做開胃小菜，鱈魚乾燒得脆卜卜，蘸埋沙律醬味道香口濃厚，好好味!跟住即刻入正題叫咗好多串燒，串燒可以配搭調味盤上嘅咖喱粉、山椒粉、七味粉、一味粉或柚子鹽嚟食🤤蔬菜串燒叫咗唐辛子同秋葵，每一條都細嫩冇渣，面頭加咗木魚碎增加鹹香風味。肉類方面雞頸肉爽脆彈牙，油脂分布平均；雞髀肉厚身多汁，外皮香脆內裡嫩滑；雞腎爽脆有嚼勁；雞心外層微脆，內裡軟嫩，一啲都唔韌，冇內臟腥味，連唔鐘意食內臟嘅朋友試咗一嚿都話好味，真係串串都好高質!私心推薦法國水牛芝士煙肉卷，聽個名就知邪惡，煙肉卷住濃滑芝士勁鹹香，芝士控必試最驚喜係🍙醬油燒飯團，用日本新潟米製成，飯團表面焦脆，口感軟糯，醬油嘅味道都調得好好，鹹香入味。最後叫咗抹茶厥餅😌我會俾香港人對甜品嘅最高評價：唔係好甜，🍵抹茶味濃郁，清新冰涼，作為收尾甜品一流✨總括嚟講呢間不論係環境定食物都好高質，有機會會再嚟食🤭店內BGM都係ACG名曲，如果係老二次元一定唔會覺得陌生，同朋友一齊估下歌名都幾開心#akaihonoo #香港美食 #尖沙咀 #串燒 #日式串燒 #焼き鳥 #Yakitori #yakitori #yakitoritorisho #chicken #japanesefood #hkjapaneserestaurant #sake #japanesesake #japanesebbq…查看更多

琴晚同朋友去尖沙咀搵食，撞正呢間日式居酒屋，真係食到停唔到口！每樣都好有驚喜～有特別燒鳥串👍啖啖肉🍗 雞上髀肉：肉質嫩滑，燒得啱啱好😋🦴 雞頸肉：肉味濃，啖啖肉超滿足😋🥢 雞肉軟骨棒：外脆內爽，咬落去好有層次😋🥒 味噌翠玉瓜：味噌鹹香同翠玉瓜清甜完美融合😋多汁🧅 白蔥：燒得啱啱好，甜味突出，簡單但唔平凡👍多汁🍙 櫻花蝦明太子飯園：外脆內香，明太子鹹香啱啱好，櫻花蝦加分！👍🧀 法國水牛芝士煙肉卷：芝士拉絲＋煙肉香氣，邪惡得嚟好幸福😋🐟 燒鱈魚乾：微焦香口，配清酒一流😋🐔 雞皮：脆卜卜，微油香滿分😋❤️ 雞心：口感彈牙，冇腥味，好驚喜🖤黑糖厥餅：入口即化，甜而不膩😋食物水準高，價錢親民，食得飽，絕對值得再訪！🍶✨📍火赤尖沙咀寶勒巷29號寶昌商業大廈5樓…查看更多

今日同朋友喺尖沙咀行咗一日街，行到去厚福街附近見到好多美食感覺幾吸引，於是搵咗一間較出色既燒烤店食飯🥰🫶🏻燒鱈魚乾燒鱈魚乾外酥內嫩，鹹香適中，係一道頗佳下酒菜😋🫶🏻水牛芝士煙肉卷水牛芝士濃郁與煙肉鹹香相互交融，口感滑順，搭配脆皮外層，令人停唔到口🤤🫶🏻雞頸肉雞頸肉肉質細膩，香氣四溢，口感彈牙😉🫶🏻 雞上髀肉雞上髀肉鮮嫩多汁，保留肉質鮮美🥰🫶🏻雞下身雞下身肉質較為結實，釋放出濃郁肉香，搭配香料之後十分美味😍🫶🏻秋葵秋葵清脆可口，富含纖維，經過燒烤之後既秋葵口感更佳，健康又美味🤪🫶🏻提燈（限定）提燈作為限定菜品，外觀獨特，味道新穎，能吸引食客眼球，口感相當唔錯😝🫶🏻糯米雞肉棒糯米雞肉棒口感Q彈，米香與雞肉鮮味交織，頗有驚喜🤩🫶🏻唐辛子唐辛子為菜品增添左辛辣感，可以提升整體風味🤓🫶🏻醬油飯團醬油飯團口感鬆軟，味道香濃😌🫶🏻黑糖厥餅黑糖厥餅香甜可口，外皮酥脆，內餡柔軟，當作甜點，讓人回味無窮。各個燒烤可自行配山椒粉、七味粉、一味粉、咖喱粉、柚子粉等，讓每道菜品都能根據個人口味調整，增添左更多風味層次👍🏻…查看更多

食材新鮮，手藝精湛，帶來多層次味覺享受。1. 雞頸肉：肉質彈牙有嚼勁，鹽燒佐料完美突出雞肉鮮甜；每啖都帶微微炭香。2. 雞下心：口感爽脆，燒得恰到好處，微鹹香中透出雞心特有的鮮味。3. 雞上腿肉：嫩滑多汁，表面香脆，調味平衡，滋味濃郁但不油膩。4. 水牛芝士煙肉卷：煙肉鹹香與水牛芝士的濃郁奶香交織，入口即化，層次豐富。5. 福岡秋葵：清新帶黏滑感，輕輕燒過保留爽口鮮味，配調味料更添鮮香。6. 味噌翠玉瓜：翠玉瓜爽甜，配合濃郁味噌醬，甜鹹相輔相成，十分開胃。7. 提燈：外型獨特，橙色部分是雞蛋黃，非常吸引眼球。味道濃厚，帶有炭火煙燻香氣，口感豐富，令人印象深刻。 8. 糯米雞肉棒：外皮微脆，內裡糯米軟糯鹹香，雞肉細嫩，香氣四溢。9. 醬油燒飯團：外層醬油香濃微焦，飯粒粒粒分明，鹹甜適中，吃得過癮。…查看更多

最近係尖沙咀發現咗間好正既串燒店。成間鋪黑色主調，好型，好岩同幾個朋友放工後傾下計食串燒。店員話啲串燒用日本直送香草雞肉同本地新鮮食材。必試一定係雞上脾肉，燒到皮脆肉嫩，啲肉汁勁香，食完忍唔住想encore。雞下心都好正，煙韌得嚟又唔腥，配埋啲粗米雞肉棒，真係夠晒滋味蘆荀就清新爽口，燒得岩岩好，幫你解膩。醬油燒飯團都唔錯，外層微焦，咬落有啲脆，啲醬油香味好突出。甜品推介抹茶厥餅，啲抹茶味夠濃，口感煙韌。…查看更多

走進堂前燒的串燒小店，炭火香氣撲鼻而來。串燒現點現烤，簡單卻有功夫。雞上脾肉肉質嫩滑，炭火鎖住肉汁，撒上少許鹽就夠味。雞頸肉爽脆有嚼勁，燒得微焦，配啤酒一流。法國水牛芝士煙肉卷煙肉鹹香，芝士半融，拉絲口感很過癮。燒鱈魚乾薄脆鮮香，脆口惹味。福岡秋葵烤得剛好，外皮微焦，內裡爽口。雞心彈牙多汁，簡單調味已經夠香。招牌提燈一口咬下，蛋汁爆發，濃郁鮮甜。糯米雞肉棒外脆內軟，口感一流。味噌翠玉瓜 清甜多汁，味噌醬鹹香帶甜。醬油燒飯團外層焦脆，醬油香氣十足，飽足又滿足。這裡的串燒不花巧，但火候掌握得好，食材新鮮，吃得出師傅的用心。最適合三五知己，一邊喝酒一邊慢慢享受。但店面好爆滿，必須提早預訂位置。…查看更多

的確有d比較偏門嘅部位我地叫左10款左右所有食物味道非常一般, 完全無特別無任何一款令人深刻非常大油煙我眼睛非常澀，我朋友係咁咳唯一一讚係，環境有少少格調唔會推介，自己亦唔會再去…查看更多

餐廳環境佈置似足日本居酒屋🙂‍↕️另外仲會貼心提供紙巾+濕紙巾～今次就嚟試吓師傅在面前即場燒的雞串燒！仲要有埋特別的身體部位添👅調料盤更是打卡able🥰🥰有生椒粉、七味粉、胡椒粉、咖哩粉等乾碟配搭！⚜️燒鱈魚乾 $48絕對係下酒菜！食落酥脆～有啲似薯片質地🙈醬汁以帶有七味粉的沙律醬為主😍沒有油膩感 令人停唔到口🤩⚜️雞頸肉 $38鹽燒焦香逼出雞油！食落焦香、有肉感又有咬口👍🏻⚜️雞上髀肉 $38食落油脂感豐富～肉質嫩滑又juicy！雞皮仍然好脆🙂‍↕️⚜️雞下心 $38好罕見的心臟下方部位‼️ 醬燒鎖住肉汁 有醬汁之餘食到食材本身的味道💖⚜️雞食道 $38又一款罕見部位🐓 食落帶有爽脆感 口感🈶配以甜醬油😙好推薦👅⠀⠀⠀⠀⠀🍢 創意串燒⚜️水牛芝士煙肉卷 $48水牛芝士絕對真材實料！每一塊醃肉都包裹著微化的芝士🧀一口大滿足🤤🤤⚜️糯米雞肉棒 $48脆糯米+雞軟骨雙重口感我十分推薦💯食落熱辣辣🔥內裏軟熟🤤包裹著雞肉襯托得剛剛好！🤩⚜️醬油燒飯糰 $38⠀⠀⠀⠀呢款賣相好睇！😍食落係甜口～仲會有飯素 師傅燒得好香口！配搭紫菜又再加分🥰⠀⠀⠀⠀⠀⠀⠀⠀⠀🌿 蔬菜精選⚜️福岡秋葵 $38 秋葵面頭撒滿木魚～處理得幾好👍🏻食落黏液感減少左😍好味！相信不吃秋葵的也會接受👍🏻👍🏻⚜️唐辛子🫑 $38呢款入口微苦回甘！解膩之選呀❤️⠀⠀⠀⠀⠀⠀⠀⠀⠀🍵 甜品⚜️抹茶蕨餅 $38抹茶控至愛😝😝入口軟糯又Q彈 推薦❤️⠀⠀⠀⠀⠀⠀⠀⠀⠀📍 火赤 尖沙咀寶勒巷29號寶昌商業大廈5樓 …查看更多