影片
更多
2020-06-09
134 瀏覽
今日同愛好中菜嘅親戚去康怡購物，隨意入左一間望落乾淨企理嘅中菜廳，估唔到食物同埋服務質素幾唔錯。欣賞餐廳因為疫情嘅緣故係卡位旁邊添置左透明膠膜，加強衛生嘅同時唔會令環境變得侷促。青城山杏汁白肺湯 (一位) $62杏仁味突出，飲得出好足料，香濃滋潤。豬肺湯工序繁複，貴少少都抵，如果大碗啲就更滿足！胡麻鮮淮山 $52新鮮淮山係近年新興嘅食材，屋企通常用來煲湯，聽聞好養生。冰鎮過嘅淮山粒粒爽脆，係解膩嘅冷盤，配搭芝麻醬感覺似日式前菜。蒜片牛仔粒 $88份量唔算少，肉粒有肉汁唔會過熟。椒鹽九肚魚 $72炸得唔錯，件件大小均稱，粉漿唔會過厚而且唔算太油，外面脆卜卜內裡保持軟嫩。微微嘅辣特別惹味，向來比較抗拒炸物嘅我都食左好多件！如果下面墊底嘅米粉都係即炸就更好。烤北京填鴨 (半隻) $238留意到廚師片走左部分脂肪層，唔知係咪因為咁嘅緣故烤鴨本身出奇地肥而不膩，加上桂花糖漿整體更加fresh。隨鴨附送嘅餅皮薄身得黎唔會穿，正！桂花冰粉 $28口感似之係台灣食嘅愛玉，滑身爽口。冰冰涼涼，配搭甜度得宜嘅桂花蜜，絕對係夏天嘅消暑恩物！有選擇困難症嘅朋友可以叫套餐，價錢仲實惠啲之餘仲一樣有得食北京填鴨添
青城山杏汁白肺湯 (一位) $62
杏仁味突出，飲得出好足料，香濃滋潤。豬肺湯工序繁複，貴少少都抵，如果大碗啲就更滿足！
胡麻鮮淮山 $52
新鮮淮山係近年新興嘅食材，屋企通常用來煲湯，聽聞好養生。冰鎮過嘅淮山粒粒爽脆，係解膩嘅冷盤，配搭芝麻醬感覺似日式前菜。
蒜片牛仔粒 $88
份量唔算少，肉粒有肉汁唔會過熟。
椒鹽九肚魚 $72
炸得唔錯，件件大小均稱，粉漿唔會過厚而且唔算太油，外面脆卜卜內裡保持軟嫩。微微嘅辣特別惹味，向來比較抗拒炸物嘅我都食左好多件！如果下面墊底嘅米粉都係即炸就更好。
烤北京填鴨 (半隻) $238
留意到廚師片走左部分脂肪層，唔知係咪因為咁嘅緣故烤鴨本身出奇地肥而不膩，加上桂花糖漿整體更加fresh。隨鴨附送嘅餅皮薄身得黎唔會穿，正！
桂花冰粉 $28
口感似之係台灣食嘅愛玉，滑身爽口。冰冰涼涼，配搭甜度得宜嘅桂花蜜，絕對係夏天嘅消暑恩物！
有選擇困難症嘅朋友可以叫套餐，價錢仲實惠啲之餘仲一樣有得食北京填鴨添！
張貼
