影片
更多
2021-06-28
148 瀏覽
生日月當然要去食餐好，朋友話見到呢間omakase喺尖沙咀開咗新分店，近近哋就book咗嚟試吓🥳我哋揀咗個中間價位嘅set，前菜有：-胡麻豆腐+山葵漬帶刺激嘅山葵漬同清淡嘅豆腐好match，令普通嘅胡麻豆腐不平凡-小松菜+油揚小松菜清甜，油揚吸咗煮菜嘅高湯，加強咗清甜嘅味道-慢煮玫瑰貝慢煮兩日嘅玫瑰貝好軟，醬油香甜，肝位一啲苦味都冇，好好食————————————6款刺身有：-鮫鰈魚薄切魚刺身包住咗炙燒裙邊，刺身有咬口，裙邊入口即溶，一咬開就好香魚油味，配搭紫蘇花一齊食，中和油脂嘅膩感-獨眼龍生蠔配酸汁啫喱生蠔好大隻，味道鮮甜，aftertaste有齒頰留香嘅礦物味，酸汁啫喱可以突出生蠔嘅鮮甜-池魚拌薑蔥芝麻配紫菜薑蔥味好濃，薑味可以帶出池魚嘅鮮味，係咁多款刺身入面較濃味嘅一款-鱆紅魚配柚子胡椒鱆紅魚係比較有咬口嘅魚類，魚味非常突出-bb銀鱈魚配醋麵豉汁BB銀鱈魚非常嫩滑，油脂滿分，配搭帶少少酸味嘅麵豉汁中和一下，兩舊好似有啲唔夠喉🤪-鰹魚配特製酸汁鰹魚嘅表面有輕輕燒過，燒過嘅魚肉魚味更突出，特製酸汁食得出有少少柚子味-中拖羅中拖非常厚切，冇筋，魚味非常濃郁-吞拿魚腦天表面燒過嘅吞拿魚
我哋揀咗個中間價位嘅set，前菜有：
-胡麻豆腐+山葵漬
帶刺激嘅山葵漬同清淡嘅豆腐好match，令普通嘅胡麻豆腐不平凡
-小松菜+油揚
小松菜清甜，油揚吸咗煮菜嘅高湯，加強咗清甜嘅味道
-慢煮玫瑰貝
慢煮兩日嘅玫瑰貝好軟，醬油香甜，肝位一啲苦味都冇，好好食
————————————
6款刺身有：
-鮫鰈魚
薄切魚刺身包住咗炙燒裙邊，刺身有咬口，裙邊入口即溶，一咬開就好香魚油味，配搭紫蘇花一齊食，中和油脂嘅膩感
-獨眼龍生蠔配酸汁啫喱
生蠔好大隻，味道鮮甜，aftertaste有齒頰留香嘅礦物味，酸汁啫喱可以突出生蠔嘅鮮甜
-池魚拌薑蔥芝麻配紫菜
薑蔥味好濃，薑味可以帶出池魚嘅鮮味，係咁多款刺身入面較濃味嘅一款
-鱆紅魚配柚子胡椒
鱆紅魚係比較有咬口嘅魚類，魚味非常突出
-bb銀鱈魚配醋麵豉汁
BB銀鱈魚非常嫩滑，油脂滿分，配搭帶少少酸味嘅麵豉汁中和一下，兩舊好似有啲唔夠喉🤪
-鰹魚配特製酸汁
鰹魚嘅表面有輕輕燒過，燒過嘅魚肉魚味更突出，特製酸汁食得出有少少柚子味
-中拖羅
中拖非常厚切，冇筋，魚味非常濃郁
-吞拿魚腦天
表面燒過嘅吞拿魚入口即溶，魚味更濃，用紫菜夾住好似三文治咁食好滿足🥰
————————————-
熱食有：
-酒煮金目鯛
金目鯛刺身食過好多次，熟嘅都係第一次。金目鯛魚肉嫩滑，湯好鮮甜
食壽司之前有一粒橘子啫喱俾我哋refresh一下味蕾☺️
————————————-
壽司環節：
-魷魚配烏魚子
魷魚好新鮮，比較淡味嘅魷魚令我更食得出佢哋嘅壽司飯。壽司飯軟硬度、黏度、醋全部都係啱啱好，我非常鐘意！
-深海池魚
池魚口感爽脆，有淡淡嘅鮮甜味
-金目鯛
金目鯛真係我最愛嘅魚類，油脂同魚味好balance，食極都唔厭🥰
-梭子魚配麵豉
梭子魚嘅油脂喺魚皮度，炙燒過嘅魚皮令魚油香味更突出，同咸香嘅麵豉非常夾
-北海道赤上海膽
海膽好鮮甜，好creamy，成粒擺入口真係無敵嘅享受🥰
-左口魚邊
炙燒左口魚邊嘅魚油香爆棚，有咁香嘅魚做結尾好滿足☺️
————————————-
食哂壽司就到今餐嘅尾聲，
首先上咗一個菠菜蜆面豉湯，湯帶鮮甜，蜆肉帶咸鮮。
再嚟就係甜品抹茶奶凍，個人覺得甜品係今晚另一個高潮，奶凍奶味超級無敵濃，甜度啱啱好，抹茶粉一啲都唔苦，反而仲有少少甜味，成個味道非常balance
overall呢餐係超級滿意，食物質素高，食材新鮮，師傅同食客有講有笑，氣氛好好，非常推介大家一試👍🏻
張貼
