影片
更多
2021-11-17
511 瀏覽
今日去完PMQ，喺附近食咗間唔錯嘅越南餐廳。炸軟殼蟹青木瓜芒果沙律配黃薑桂花蘋果醋汁 $98呢個沙律好有驚喜！我本身好鍾意食軟殼蟹嘅，但呢個沙律菜真心贏咗啲軟殼蟹成條街！雖然材料都係常見嘅椰菜絲、青木瓜同芒果，但個醬汁真係好出色。未食已經聞到淡淡嘅桂花香，細嚼之後香味更加澎湃，之後酸酸辣辣嘅味道慢慢浮出嚟，十分有層次。軟殼蟹配咗自家製嘅鹹檸汁，即係鹹檸七咁嘅味，都幾得意幾解膩。撈檬孖寶 $82越式咖啡$25撈檬:我哋揀咗燒豬肉同埋牛腩，我唔食牛，店員主動提議將牛分碟另上，十分細心。豬肉醃得甜甜地夠入味而且燒得焦香，好有越南local串燒檔食到嘅風味。其他配料有青瓜薄片、生芽菜、芫荽、生菜絲同紅白蘿蔔絲，麵唔算太多，撈完之後，啖啖蔬菜，感覺健康。咖啡: 香味濃郁醇厚，咖啡味濃而不澀，加入煉奶嘅獨特飲法，連我呢個唔太飲咖啡嘅人都覺得好飲。越式雞飯 $88青檸梳打 $15點雞肉嘅醬料分別有甜豉油、韭菜蔥油、泰式酸汁三款。未點醬食之前，我習慣試吓原味嘅雞先。去咗骨嘅雞肉嫩滑有雞味，而清湯都係用雞嚟淆製，鮮甜可口。油飯夠香但唔會覺得油膩，口感軟糯，整體都唔錯！坐低嗰時啱啱過咗七點🥲
炸軟殼蟹青木瓜芒果沙律配黃薑桂花蘋果醋汁 $98
呢個沙律好有驚喜！我本身好鍾意食軟殼蟹嘅，但呢個沙律菜真心贏咗啲軟殼蟹成條街！雖然材料都係常見嘅椰菜絲、青木瓜同芒果，但個醬汁真係好出色。未食已經聞到淡淡嘅桂花香，細嚼之後香味更加澎湃，之後酸酸辣辣嘅味道慢慢浮出嚟，十分有層次。軟殼蟹配咗自家製嘅鹹檸汁，即係鹹檸七咁嘅味，都幾得意幾解膩。
撈檬孖寶 $82
越式咖啡$25
撈檬:我哋揀咗燒豬肉同埋牛腩，我唔食牛，店員主動提議將牛分碟另上，十分細心。豬肉醃得甜甜地夠入味而且燒得焦香，好有越南local串燒檔食到嘅風味。其他配料有青瓜薄片、生芽菜、芫荽、生菜絲同紅白蘿蔔絲，麵唔算太多，撈完之後，啖啖蔬菜，感覺健康。
咖啡: 香味濃郁醇厚，咖啡味濃而不澀，加入煉奶嘅獨特飲法，連我呢個唔太飲咖啡嘅人都覺得好飲。
越式雞飯 $88
青檸梳打 $15
點雞肉嘅醬料分別有甜豉油、韭菜蔥油、泰式酸汁三款。未點醬食之前，我習慣試吓原味嘅雞先。去咗骨嘅雞肉嫩滑有雞味，而清湯都係用雞嚟淆製，鮮甜可口。油飯夠香但唔會覺得油膩，口感軟糯，整體都唔錯！
坐低嗰時啱啱過咗七點🥲
張貼
