影片
更多
2025-04-23
0 瀏覽
最近周圍玩有啲攰，同屋企人懶得煮飯，直接落樓下食呢間Chef's Stage Kitchen～ 呢間喺元朗同觀塘都有分店，食物高質得嚟價錢合理！💯 〰️〰️〰️〰️〰️〰️〰️〰️〰️🍞【自家製餐前麵包】 兩款麵包暖笠笠，個鹹香dip sauce好開胃！簡單但好食，等上菜唔會悶親～ 🐚【新鮮活藍青口伴意大利軟包】$198 澳洲空運藍青口配子草忌廉汁，新鮮到識跳舞💃！青口隻隻都肥美飽滿，餐廳標榜堅拒用雪藏貨，誠意十足～個忌廉汁香濃得嚟唔膩，蘸埋意大利軟包食真係正到爆！🥩【美國威靈頓牛柳（8安士）】$388 酥皮焗到金黃松脆，"咔嚓"切開即刻見到粉嫩嘅牛柳，火候控制得啱啱好！配菜都絕唔馬虎：香噴噴嘅烤蒜頭🧄、外脆內軟嘅迷你新薯🥔、爽甜嘅西蘭花苗同甘筍仔🥕，仲有爆汁嘅連枝番茄🍅，淋上濃香嘅乾蔥紅酒汁，個擺盤靚到唔捨得食啊～📸 🍄【黑松露牛肝菌蘑菇燴意大利飯】$178 每啖都食到濃郁松露香，菇菇份量多到似森林🌲素食者都會愛上嘅邪惡risotto！ ☕【竹炭曲奇熱鮮奶】$58 竹炭+Oreo玩黑白配，甜度剛剛好，上面嘅拉花好靚～ 飲完個嘴黑蚊蚊好搞笑，記得要抹嘴😂🍹【番石榴汁】$38 甜甜地
呢間喺元朗同觀塘都有分店，食物高質得嚟價錢合理！💯
〰️〰️〰️〰️〰️〰️〰️〰️〰️
🍞【自家製餐前麵包】
兩款麵包暖笠笠，個鹹香dip sauce好開胃！簡單但好食，等上菜唔會悶親～
🐚【新鮮活藍青口伴意大利軟包】$198
澳洲空運藍青口配子草忌廉汁，新鮮到識跳舞💃！青口隻隻都肥美飽滿，餐廳標榜堅拒用雪藏貨，誠意十足～個忌廉汁香濃得嚟唔膩，蘸埋意大利軟包食真係正到爆！
🥩【美國威靈頓牛柳（8安士）】$388
酥皮焗到金黃松脆，"咔嚓"切開即刻見到粉嫩嘅牛柳，火候控制得啱啱好！配菜都絕唔馬虎：香噴噴嘅烤蒜頭🧄、外脆內軟嘅迷你新薯🥔、爽甜嘅西蘭花苗同甘筍仔🥕，仲有爆汁嘅連枝番茄🍅，淋上濃香嘅乾蔥紅酒汁，個擺盤靚到唔捨得食啊～📸
🍄【黑松露牛肝菌蘑菇燴意大利飯】$178
每啖都食到濃郁松露香，菇菇份量多到似森林🌲素食者都會愛上嘅邪惡risotto！
☕【竹炭曲奇熱鮮奶】$58
竹炭+Oreo玩黑白配，甜度剛剛好，上面嘅拉花好靚～ 飲完個嘴黑蚊蚊好搞笑，記得要抹嘴😂
🍹【番石榴汁】$38
甜甜地好好飲，解膩一流，食完濃味嘢飲啖即刻refresh！
🍰【Tiramisu】$78
咖啡同酒香平衡得啱啱好，面頭灑滿可可粉，再加埋新鮮士多啤梨同藍莓做topping，味道同口感都層次分明，完美配搭～
🧸 消費送夾波波代幣
食飽飽仲有得玩！每消費滿$500即送代幣1個，可以夾波波拎優惠券，超級容易夾～我夾中咗兩張免費生啤卷，超抵！
張貼
