AIRSIDE Cafe

營業中

休息中

甚少寫食評，但呢間餐廳實在非常得，絕對入圍個人最喜愛餐廳之一！當日路過Airside, 午飯時間，遠遠見到呢間餐廳，在商場正中露天位置，可以好好享受秋日陽光，於是試試，幸運地攞到最後一張卡位，喜出望外。叫咗龍蝦意粉、蟹肉手捲麵、八爪魚、炸粟米，仲有西蘭花同薯條side dishes，樣樣都好好食！而且賣相一流，龍蝦意粉係一試難忘，side dish亦非常大份，成家人都讚。侍應服務亦一流，非常細心，餐牌介紹詳盡，唔駛舉手就自動幫你加水。而且餐廳環境非常舒服，由於半露天，就算多人亦不覺嘈吵，陽光之下一班人享受美食，實在賞心樂事。總括嚟講，絕對係大班人聚會或約幾個朋友靜靜傾計嘅首選。一定會再去。