AIRSIDE Cafe

營業中

休息中

今日係airside附近做完嘢，諗住happy hour，見到呢間airside cafe，係商場正中間露天嘅位置，十分開陽，所以試試佢。呢度既菜式好多，今次叫左份薯條，雖然賣相普通，但都炸得幾香同脆，仲加左啲飯素同蛋黃醬，係食happy hour 既一個好選擇。咁啱果日嚟到佢地做緊House prosecco買一送一既優惠，好抵飲，佢呢杯有細膩的氣泡，帶有少少既甜味，容易入口。無論係開胃酒定搭配一啲輕盈既菜餚，都係一個好選擇！見佢menu既菜式都幾吸引，種類又多，餐廳既環境舒服好坐，見到午市同晚市都會有套餐可以選擇，下次如果再係附近都會再嚟試下佢其他既菜品。

這次已經不是第一次到airside cafe 吃飯了。這次是年初四夜晚到訪的。當晚可能是因為年初四的關係，吃飯的顧客不多。點了餐牌第一道的二人海鮮拼盤沙律以及羊扒。朋友還點了杯白酒送海鮮。海鮮拼盤的質素不錯，食材也很差其中我覺得龍蝦及在橙汁中的帶子是最好吃的。另外血橙的沙律蝦也是不錯的選擇。很新鮮的食材。另外最後的重頭戲，就是羊扒了。三成熟的肉，總算是很嫩，不過相比上次吃過的牛面頰肉，就稍為遜色了。下次再到訪的時候，或許會再見可口的面頰肉來吃。另外我們還點了燒過的西蘭花，上面灑滿了杏仁片及蒜蓉，很惹味很可口。值得推介的餐廳。

Airside嘅餐廳都好吸引，真係想逐間都試晒Airside Cafe景觀比較開陽，可以望到商場景菜式都好多選擇，前菜全部都好吸引，簡直係花多眼亂和牛他他 $188非常之鍾意食他他既我，通常餐廳有得嗌都唔會放過非常新鮮！平時多數他他都會配多士，呢間餐廳配豆腐脆片，非常之香口，夾埋生牛肉他他同埋其他配菜非常之好食脆炸忌廉蠔餅 $168有五件，好似忌廉薯餅嘅外貌，入面竟然係滿滿嘅蠔肉，夾埋下面嘅lemon cream，真係好好味另外加咗一個薯條$68上面加咗蛋黃醬同埋飯素，好味！千歲豬 $238真係煎得好嫩，帶點微微嘅粉紅色，真係可以算係食過最好食嘅豬三甲之一 ，配埋好好食嘅番薯蓉，掂三黃雞 $218雞反而冇豬咁出色，不過都烤得香，皮亦脆，最特別嘅係佢用咗薏米同菇煮到好似risotto錦，好得意蟹肉手捲麵 $198本身睇佢個賣相唔算好特別，點知一撥開發現係有海量蟹肉！個手捲麵質地亦都好好食，唔錯唔錯整體而言，呢間餐廳都真係好高質，推介推介

尋晚2024年12月31日我諗住同個仔慶祝新年元旦，去咗呢間位於啟德Airside 3樓Airside Cafe, 晚上8:45左右order咗佢哋牛面頰同埋藍青口加埋一杯芒果Mocktail, 食完回家唔夠一至兩小時後，仔仔全晚不停上吐下瀉，我個仔依家屙到脫晒水面青口唇白，攪到今朝2025年1月1日上午11:00左右終於俾佢埋到床瞓一陣，期間仲要一直話俾我聽腹部及胃部好痛兼頭好暈，我好彩冇食牛肉，食咗少量藍青口都覺得腸痛同腹痛，呢間Airside 廚師烹調手法好有問題，衞生情況令人擔憂！！！等埋今日下午如果情況再冇改善，唯有去政府急症室😭😭😭，食物中毒真係可大可小，我係大人都覺得辛苦，何況小朋友，希望餐廳正視呢個問題，食物嘅衛生情況好重要，海鮮不潔應該要立即處理，烹調牛肉一定要處理得好恰當，廚師經驗好重要‼️如果唔係食到肚痛食物中毒，其實單從食物嘅賣相係OK嘅，可惜食物味道欠佳，藍青口唔新鮮，牛面頰肉質差，真係唔明白點解可以收人均消費$500， 呢啲價錢可以在其他餐廳食得好好！

做冬係咗中餐,咁今日食西餐吧！ 行街見呢間餐廳都幾多人,今日行開見有卡位,咁入去試吓啦😉門口個男知客,笑容滿面,態度好好,我估佢係餐廳經理. 帶我坐咗個靚位,我睇吓menu, 見到意大利汽酒買一送一,咁叫嚟解吓喝先😁.食物點咗烤八爪魚,主食就點千歲豬同集菌意粉.烤八爪魚份量好少,擺盤靚仔,味道不俗. 之後意粉,有三種菇,冬菇,舞茸菇同蘑菇,牛油忌廉汁,意粉係q彈☺️之後到千歲豬, 一般係玉薯蓉伴碟,但係呢度呢就用南瓜蓉,個南瓜肉甜甜地有咬口但係都滑嘅.仲配上咗幾舊嘅長柄西蘭花同埋香脆嘅hazelnut. 個豬肉應該係先慢煮之後再燒,保留咗啲肉汁唔會鞋幾好食😋之後酒店咗甜品,椰子雪葩配鮮百合糖蔥餅. 真係好地到㗎香港風味,所以即刻要點一個嚟試下😁 個配搭都唔錯幾好味！整體上用餐經驗係愉快嘅食物合乎水準加錢大約一個人需要400蚊！

晚餐與老婆叫了兩個晚餐Set再加生蠔。基本上所有食物都有驚喜，特別是每樣食物都有不同的汁去搭配。能夠刺激食慾。而且上菜速度不會太快，可以慢慢享受😋不過最後的甜品非常失望，極之甜之外，雪糕雪得太硬，等了10分鐘仍然未可以食。扣了分。

一心找一過好的地方慶祝結婚周年。Book 位時已經詢問在甜品上加結婚周年牌還寫在碟上，沒有回覆所以一起到order 食物後,就問侍應，在甜品上寫字或加牌可以嗎？他一口回覆没有，完全沒有嘗試去幫我尋求答案。食物點樣好，也破壞了我請問的心情。這個服務需要改善，令人失望。最後我再發現朋友去過同樣時慶祝結婚周年是可以寫牌的🥵

呢排成日去airside行街，呢個商場有好多高質嘅餐廳，今次就試咗呢間係商場中央嘅餐廳，佢嘅環境非常好，有啲位置可以望到成個商場，唔會有侷促嘅感覺。我哋今次唔係好肚餓，淨係食咗三樣嘢。前菜係淺漬紅蝦，紅蝦加入咗鮭魚子、溫川蛋同花椰菜泡沫，層次豐富，而且味道refreshing。主菜方面，點左千歲豬，佢嘅調味用上柚子味增同埋昆布油，幾創新，配搭千歲豬同埋椰菜，非常夾。最後仲點左卡邦尼寛面，意粉上面有好Creamy嘅芝士醬汁，勁惹味。

平日特登過嚟呢度食lunch ，每次都會有驚喜，是日一行三人，叫咗以下三個set：兩道菜每人$238，如果三道菜就每人$298🌸前菜揀咗：松葉蟹肉他他及新鮮生蠔（兩隻）🌸主菜揀咗 鮑魚大麥米意大利飯及鳳尾蝦蒜香蕃茄意大利麵🌸是日甜品係乳酪伴士多啤梨既全部水準都好高，食材新鮮，非常滿足的一餐！是日仲有一個小驚喜，訂座嘅時候Remake寫咗慶祝生日，甜品嚟到嘅時候真係插左蠟燭同生日牌，係預料之外嘅驚喜👍🏻💯

甚少寫食評，但呢間餐廳實在非常得，絕對入圍個人最喜愛餐廳之一！當日路過Airside, 午飯時間，遠遠見到呢間餐廳，在商場正中露天位置，可以好好享受秋日陽光，於是試試，幸運地攞到最後一張卡位，喜出望外。叫咗龍蝦意粉、蟹肉手捲麵、八爪魚、炸粟米，仲有西蘭花同薯條side dishes，樣樣都好好食！而且賣相一流，龍蝦意粉係一試難忘，side dish亦非常大份，成家人都讚。侍應服務亦一流，非常細心，餐牌介紹詳盡，唔駛舉手就自動幫你加水。而且餐廳環境非常舒服，由於半露天，就算多人亦不覺嘈吵，陽光之下一班人享受美食，實在賞心樂事。總括嚟講，絕對係大班人聚會或約幾個朋友靜靜傾計嘅首選。一定會再去。

呢餐平均$500位左右由於擔心佢會一次過上枱唔夠位，而且啲嘢會凍晒所以我哋就先叫支酒同前菜食晒前菜先再order主菜前菜食咗青口、和牛他他，仲有生蠔个人非常推介和牛他他！佢嘅薄脆好好味，啲牛都有少少醃料醃過，有啲醬油味。肉質唔韌。而佢嘅生蠔係用咗好特別，好似西柚嘅醬汁沙冰，食落好開胃。而且最緊要就係玻璃肚嘅我食咗生蠔都冇乜特別唔好嘅反應。主食嘅千歲豬，同埋和牛面珠墩，黃油雞都好好味。黃油雞配上薏米飯，非常特別，亦健康。雖然價錢比較貴，但係用嚟慶祝特別日子非常唔錯Airside Cafe地址: 九龍城啟德協調道2號AIRSIDE 3樓L322-L323號舖電話: 21171912#法餐 #西餐 #餐厅推荐 #全球吃喝小分队 #意大利菜 #时尚打卡地 #会重复去的餐厅#和牛 #周末去哪儿 #餐厅打卡 #airside #airsidecafe #airsidecafé @airsidecafe.hk

今次係第一次嚟啟德呢一個商場，入到嚟覺得成個商場都非常寬敞，而食物呢好似就主要圍繞係底層嗰度，上咗嚟之後呢經開見到一間同商場一樣名嘅Cafe，咁梗係要過嚟試吓佢個味道啦，於是就入咗去啦當時兩個人啦，又唔係話太肚餓，於是就嗌咗一個沙律同埋一個蟹肉手卷意粉，沙律嘅味道呢係非常之fresh，唔會話太重味啦，都好有健康嘅感覺。如果意粉呢我覺得係出色嘅，非常之多嘅蟹肉，而且醬汁都好濃郁，如果手卷裏面嘅樣貌呢係好似通粉咁嘅，但係食落呢個質感呢都好好，唔會話太硬同埋太腍。

首次在AIRSIDE吃飯選擇了Airside Cafe，這裏有很多海鮮菜式，而且甚有水準，海鮮冷拼盤有生蠔、龍蝦、帶子、海蝦和磯煮鮑魚，款款新鮮甜美，最有驚喜是其中的龍蝦茶碗蒸，第一次吃冷的茶碗蒸，混入了龍蝦膏，入口都是濃郁的鮮味，沒有一點腥，好吃得令人難忘，凡惠顧全份的海鮮拼盤，食客都可以獲得西班牙INEDIT Damm啤酒一支，高身的酒樽像香檳，味道清爽，與海鮮尤其搭。是日烤季節鮮魚是黃花魚，魚皮香脆帶點焦香，魚肉嫩滑有油脂，配上鹹檸檬牛油汁，香口又開胃。推介蟹肉手捲義麵，蟹肉份量多，麵條帶嚼勁，混入烏魚子的醬汁香而不膩。

📍啟德休閒西餐廳‼️· 好特別嘅pumpkin spice 雪糕😋 — AIRSIDE Cafe☕️·Follow @pigfoodiexhk for more food!#pigfoodiexhk_啟德#pigfoodiexhk_西餐============================上星期同@jacstomach 又去咗airside食飯，今次就嚟咗airside cafe～呢到係半開放裝修，環境開揚舒適😆menu款式多樣，款款都好吸引！——————————————————————⭐️和牛他他 $188 （4.3/5）和牛肉嫩滑鮮味，加上味噌、墨西哥辣椒調味好惹味～配埋香脆嘅豆腐脆片一齊食好好味😆·⭐️淺漬帶子 $175 （4.3/5）帶子大粒，香橙柚子汁令整體更鮮甜清新！·⭐️三黃雞 $218 （4.4/5）雞肉肉質腍身，底下配上忌廉香菇薏米飯，creamy煙韌!•⭐️蟹肉手卷意麵 $198 (4.2/5)蟹肉忌廉汁鮮甜creamy!!意麵煙韌掛汁~•⭐️南瓜雪糕 $78 (4.5/5)呢個好特別，私心推介‼️😋我覺得呢個唔淨止係南瓜味，而係pumpkin spice!😙香料味好突出，後勁帶

這是我第二次光顧，第一次沒有拍照，所以沒有寫食評。我最喜歡是4位用海鮮拼盤，鮮甜美味，雖然價錢有點高，但算物有所值；有龍蝦、生蠔、鮑魚、帆立貝、大蝦和龍蝦膏蒸蛋。今次吃的龍蝦很鮮甜，生蠔較瘦但也鮮甜，龍膏蒸蛋也好味，首選推薦。現在有優惠送啤酒一枝。今日還試了烤季節鮮魚，查詢後知道是黃花魚便試試。魚皮烤脆、汁味濃兼酸甜很開胃，起了骨容易食，也是推薦的。這間餐廳的服務質素比一般的高，應該受過訓練。整體滿意，會再光顧。