如意

營業中

休息中

之前光顧過午餐覺得不錯，今天特意和老公再來。今日有7位女士霸佔了餐廳約一半的坐位，製造出來的噪音卻有兩倍。師傅和經理不但沒有試圖控制場面，反而不斷和她們調笑，極度騷擾其他食客，我們和旁邊另一對食客都不停搖頭，大概都在暗嘆今天真是倒楣。食物味道其實挺好，我們分別點了9貫和12貫壽司，當中燒銀雪魚、三文魚子、拖羅都十分出色。細節如薑片、牛蒡也很好吃（平時這兩樣我都很少碰）。食物雖好，但服務之劣卻把一切優點蓋過！我問甜品雪糕有什麼味道可選，侍應說有曲奇味，或者也有豆腐味。她和經理確認後，經理說只有曲奇味。到我們埋單時，聽到經理向那一群「大客」說雪糕有豆腐味，我當場火起了，我問經理點解人地有豆腐味而我地問就話無，佢話要出埋兩個曲奇味先可以出豆腐味。我話之前來食，雪糕有得揀味，他無法自圓其說，話「我都答唔到」。投訴噪音，佢又話今日special case。你地職音同班女客人講少兩句都幫到忙啦！本來我們心想職員都難做，所以埋單先反映下意見，點知佢地本身都不在乎服務質素！銅鑼灣自有其他高質壽司店，實在不用來受氣，耳朵也受罪！