紅葉茶屋 (D2 Place TWO)

營業中

休息中

家姐話好耐冇食和牛，就所以帶佢去朋友推介嘅紅葉茶屋食晚餐，滿足下佢個胃。餐廳環境雅緻，坐得舒服，食物選擇幾有特色燒魚一夜干定食好新鮮，魚肉除咗燒得香軟，仲凸顯咗花魚獨特嘅風味，配上一碗白飯，好滿足。仲有家姐心心念念嘅牛肉壽喜鍋，湯底香濃，牛肉亦都吸收咗湯底嘅精華，一啖落肚，鮮嫩鮮嫩的，家姐表示滿意。小食炸南瓜餅都好清甜，外脆內嫩，好有口感。食完壽喜燒，嚟個大大嘅南瓜餅，好飽肚。刺身滑嫩細緻，冇腥味，唔輸熟食，都好唔錯。.飲品就揀咗薄荷紅茶同芒果百香果茶。薄荷紅茶帶有薄荷香氣，飲落幾清爽。而芒果百香果茶就比較酸甜，飲落清新解膩。