尚盛潮州海鮮飯店

未食前早幾日已Book咗七點未夠七點已到，剛到嘅時候，俾咗個蛋糕侍應，侍應同我反映冇枱號唔識得放好蛋糕？？若果我訂咗位點解唔可以直接擺喺雪櫃？book咗枱都冇用，啲位全部俾晒人，搞到長輩要企半個鐘先有得入座。咁我book位嚟做乜？同侍應反映，完全冇結果，冇一個人俾到位我地，反而佢哋自己開始喺度鬧交。生日飯冇得即刻再搵餐廳，唯有硬着頭皮等。期間冇人嚟交代，又叫我哋六個人坐二人細枱。我哋唔制，先肯換返張枱俾我哋。叫嘢又漏單，食到一半先有茶，鵝肝非常乾唔好食，胡椒豬肚清水湯。大部份嘢只係正正常常，冇乜特別。只可以話喺中環嚟講算係平。想谷氣就嚟呢度，包你得到你想要嘅嘢。由頭到尾冇人同我哋認認真真咁道歉，我唔係淨係賺返張枱食飯，我係想好好地慶祝。亦都寄予老闆一句，生意唔係咁樣做，原本諗住新店支持吓，以後唔會再嚟。失望。