HeSheEat (THE FOREST)

營業中

休息中

嗰日同朋友去HeSheEat食晚餐，分享吓嗰日我哋食咗啲乜嘢嘢食同飲品。首先【牛肉芝士漢堡配薯條】令人難以忘懷，厚實多汁嘅安格斯牛肉餅，配搭鹹香十足嘅芝士，為牛肉增添豐富嘅奶香味。薯條炸到金黃色，十分香脆，睇見都令人流晒口水。跟住就係【烤原隻春雞配薯條】同樣回味無窮，原隻春雞散發住黑松露獨特嘅香味，雞肉嫩滑好食，帶有一點點焦香嘅味道，好好味。配埋薯條一齊食，簡直係一種享受。之後就係好獨特嘅【蟹肉，牛油果配墨西哥餅】，呢個菜式嘅口感好豐富，松露蟹肉口感細膩鮮甜，牛油果新鮮柔滑，仲有清爽酸甜嘅番茄莎莎，每一啖都係美味嘅融合，仲可以配埋香脆可口嘅墨西哥餅一齊食。最後推介嘅係呢度嘅飲品，【香橙咖啡】，結合咗咖啡嘅苦澀同香橙嘅甜香味，飲落去好提神，別有一番風味。跟住就係【草莓之戀】，口感清新，有住濃郁嘅士多啤梨味，飲落去好清爽。呢間餐廳嘅環境同服務都好好，希望大家唔好錯過呢間高質素嘅餐廳。