影片
營業時間
今日營業
11:30 - 23:00
星期一至日
11:30 - 23:00
以上資料只供參考, 請與餐廳確認詳情
今日放工約朋友去旺角睇戲🍿，睇戲前首先要醫肚先！朋友仔係甜品控，帶他來這間餐廳一定超喜歡。Veggie All Day Breakfast🥗(炒蛋 、薯仔沙律 、慢煮蕃茄、牛油果蓉 、大蘑菇、炒BB菠菜 、脆薯餅 、迷你牛角包 )這款素食全日早餐七彩繽紛超吸晴，喜歡用不同食材對應不同顏色，同時兼顧飽腹感和健康感，超滑炒蛋很香甜，薯仔沙律和牛油果蓉很綿密，慢煮蕃茄很多汁水嫩，大蘑菇烤得香脆，而牛角包配BB菠菜非常之清新爽脆。烤羊西冷扒配芥末薯蓉🥩羊西冷肉質細嫩，脂肪分布均勻，烤制後外層微焦香脆，內裏多汁柔嫩還有自帶獨特的羶香，而薯蓉綿密順滑，奶香濃郁質地輕盈但飽腹感強。北海道5.0牛乳軟雪糕芭菲 - 芒果蜜柑🍨北海道牛乳的“5.0”指的是乳脂肪含量比普通牛奶更加香濃醇厚，帶有天然的奶油感甜味和絲滑質地。而用上熱帶水果芒果和蜜柑，水果的清新和香甜配合絲滑的牛乳軟雪糕真是絕配。焗厚鬆餅 🥞雲呢拿雪糕（伴岩鹽焦糖醬）熱騰騰的蓬鬆焗鬆餅和冰涼香濃的雲呢拿雪糕，形成經典的「冰火交融」口感，味道層次豐富而療癒。表面經過烘烤後呈現微脆焦糖化的質地，內層質地蓬鬆濕潤蛋香味濃像舒芙蕾的口感。雲呢拿雪糕很綿滑帶有香草籽香，還有岩鹽焦糖醬配合鬆餅一起味道很搭配。青檸咖啡🍹青檸🍋🟩的微酸與濃郁的咖啡結合特調飲品，味道充滿反差與層次，整體清爽又提神，很適合夏天作解膩飲品。熱開心果燕麥奶咖啡🍵預先將開心果碎烘焙後迫出堅果香氣，並帶有細微的 鹹感，而燕麥奶本身帶有麥芽甜香和奶油質地，加熱後甜感更明顯比牛奶更濃稠，同時避免被咖啡壓過味道。
繼續閱讀
一行多人到這家餐廳，享用了以下美食：和風大蝦牛油果沙律（$98）色彩繽紛、擺盤精緻。牛油果味道濃郁，生菜爽脆份量多，加上酸甜的車厘茄及日本蘿蔔，配搭了和風果醋汁，開胃醒神。有三隻煎香了的蝦，爽口彈牙。烤美國安格斯肉眼牛扒配燒汁及薯條（$268）肉眼牛扒煎至7成熟，肉質軟腍、厚身，保持了肉汁的鮮味，人人讚好。薯條脆身，不算鹹。香煎比目魚伴蜜糖芥末薯仔（$168）比目魚嫰滑，充滿鮮味，外皮香脆可口。蜜糖芥末薯仔有薯香，夠滑身。香煎帶子黑松露忌廉燴扁意粉（$148）有三隻帶子，軟滑腍身。黑松露散發著芳香，質感濃稠，在捲扁意粉時一拼把黑松露汁沾上，味道讚不絕口。燒春雞黑松露燴意大利飯（$132）燒春雞體積迷你，但肉質不堅韌，仍然嫰滑，一切開已有大量肉汁流出來，外皮有燒汁的調味。意大利飯外軟內硬，沾滿了黑松露汁。宇治抹茶梳乎厘班戟（$118）體積巨大，一共有兩件，像吹了氣一樣脹卜卜。口感棉滑，味道甜美，加上紅豆，提升了味道的層次。宇治抹茶苦中帶甘，很有日本風味。比利時朱古力心太軟（$76）賣相吸引，朱古力心太軟味道極之濃郁，一切開即有朱古力醬流出｡旁邊白色茶杯配雲呢拿味雪糕，冷熱交融，質素極佳。原味焗厚鬆餅我們立即加入會員，即送這個價值$62的鬆餅。因為厚身，口感及味道比連鎖快餐店的鬆餅更佳，而且溫度高，保持鬆軟。楓糖漿及奶油是靈魂所在，每一口一定要加上大量的調味，滋味無窮。這裡環境走簡單裝修風格，光猛整潔。服務方面，店員們熱情招待，態度好客，相當周到｡
繼續閱讀
星期五晚收工，即刻飛奔去旺角同好姊妹食飯慶生，揀咗HeSheEat就係為咗佢個甜品！餐廳光線充足，成個環境都幾光猛💡。我哋被安排坐卡位，空間感都OK，唔會太逼狹。雖然係星期五晚，人來人往，傾偈可能要大聲少少🗣️，但係呢種熱鬧嘅感覺都幾好，望住大家食得咁開心，成個氣氛都好歡樂。總括嚟講，係一個適合三五知己輕鬆聚腳，食飯吹水嘅地方。單骨雞翼配水牛城醬 🩵🩵🩵🩵個雞翼整成單骨真係好方便食，唔使整到成手都係👍。外皮炸得幾香脆，肉質都算嫩滑。個水牛城醬酸酸辣辣，非常開胃，點少少已經好惹味，作為前菜係唔錯嘅選擇。炸魷魚鬚 🩵🩵🩵呢個就正常發揮啦。魷魚鬚唔會炸到好韌，咬落都幾彈牙。外面層炸粉薄薄地，食落唔會成口油，不過不失嘅一款小食，配住嘢飲邊傾邊食都幾好。月見燒牛肉丼 🩵🩵🩵🩵呢個丼飯賣相幾靚仔㗎🍚。燒牛肉份量足，肉片上面有啲燒汁，甜甜地幾好送飯。最重點梗係中間隻黃澄澄嘅蛋黃啦！篤穿佢，將啲蛋漿同牛肉、珍珠米撈勻一齊食，成個飯嘅口感即刻滑溜好多，味道層次都豐富咗。烤美國安格斯肉眼牛扒配燒汁 🩵🩵🩵朋友生日想食好啲，就點咗塊肉眼扒🥩。我哋叫咗七成熟，切開睇入面都仲係粉紅色，熟度控制得幾好。牛肉味都算濃，肉質食落都幾軟腍。旁邊個燒汁就比較普通，不過塊扒本身質素唔差，簡單點少少鹽食都已經夠味。食完主菜，就到我哋最期待嘅甜品環節！朱古力麻糬梳乎厘班戟 🩵🩵🩵🩵🩵等到主角出場啦！個梳乎厘班戟一上枱就聞到好香嘅蛋味，質地非常鬆軟，用叉輕輕一掂已經feel到佢嗰種空氣感☁️。朱古力醬味道好濃郁，但又唔會太甜膩。最正係班戟入面收埋咗啲煙韌嘅麻糬，一啖食落去有齊軟綿同Q彈嘅口感，真係好夾！蜜瓜梳乎厘班戟 🩵🩵🩵🩵因為想試多一款，我哋又點咗個蜜瓜味🍈。呢個就清新好多，面頭嘅蜜瓜粒粒都好甜好多汁，配埋輕盈嘅忌廉同鬆軟嘅班戟，感覺好fresh，完全唔會膩。如果你怕朱古力太heavy，呢個會係一個好好嘅選擇。今晚同姊妹呢餐生日飯食得好滿足。由鹹食到甜品，整體表現都幾好，無乜點踩雷。特別係兩款梳乎厘班戟，真係為呢餐飯畫上一個甜蜜嘅句號😋。環境氣氛都好適合朋友聚會，可以暢快咁傾下計。最重要嘅係，見到壽星女食得咁開心，今晚嘅目的就達到啦！祝我個好姊妹生日快樂，日日都咁靚！🥳💖
繼續閱讀
星期五放工，同老公難得偷閒，去咗旺角HeSheEat食晚餐。餐廳喺旺角旺中帶靜嘅角落，門口嘅霓虹燈牌好搶眼，入面裝修走工業風混木系，枱同枱之間唔會太逼，幾舒服。💡燈光偏暗黃，播住啲輕快英文歌，唔會太嘈，傾計都幾自在。我哋坐咗張近窗嘅枱，望住街外人來人往，有種忙裡偷閒嘅感覺。🍸🍔 鵝肝牛肉漢堡配薯條 🥰🥰🥰🥰 漢堡份量夠晒大，鵝肝煎得外脆內軟，入口即化，同厚身牛肉patty好夾，肉汁豐富。麵包烘得微脆，加埋焦糖洋蔥同醬汁，味道層次好夠。薯條係粗身波浪紋，炸得金黃脆口，抵讚！ 🐑 烤羊西冷扒配芥末薯蓉 🥰🥰🥰 羊西冷扒烤得啱啱好，肉質嫩滑冇羶味，面頭有啲香草同蒜片，好惹味。芥末薯蓉綿滑，帶微微辣香，同羊肉好夾。不過份量偏細，男仔可能未必夠飽。🍗 單骨雞翼配水牛城醬 🥰🥰🥰🥰 雞翼炸得香脆，單骨食起嚟好方便，水牛城醬酸辣度平衡，仲有啲蒜香，好開胃！一碟有6-7隻，兩個人share啱啱好。 🍤 炸蝦天婦羅配青檸蛋黃醬 🥰🥰🥰 蝦肉爽彈，外皮脆漿薄身，唔會太油。青檸蛋黃醬清新，帶少少酸甜，幾特別。不過得3隻，有啲唔夠喉。🍉 西瓜益力多 🥰🥰🥰🥰清新解膩！西瓜甜味同益力多微酸好夾，冰涼夠氣，飲完成個人refresh晒。 🥭 芒果牛乳刨冰 🥰🥰🥰🥰刨冰好綿密，芒果味濃郁，加埋煉奶同新鮮芒果粒，甜度啱啱好。份量夠大，兩個人share都夠。 ☕ 開心果燕麥奶咖啡（凍) 🥰🥰🥰 咖啡味香濃，開心果醬帶微微堅果香，燕麥奶口感順滑，凍飲都好夠味。不過開心果味可以再突出啲。食物質素唔錯，環境都舒服，適合同朋友或者另一半嚟慢慢食。🍴最鍾意鵝肝漢堡同刨冰，夠晒滿足！價錢中上，但份量同味道都對得住。下次想試吓佢哋嘅甜品同其他主食～😋
繼續閱讀
相信唔少嘅香港人都知道，最近呢一兩年喺好旺嘅cafe。今次要嚟旺角呢一間分店，作為旺角友就一定要試吓佢！🍝龍蝦海鮮意大利飯鮮龍蝦汁煮嘅意飯果然唔同！肉質厚實嘅帶子遇上蝦肉，鮮香美味，嚟多一碟都唔會嫌多！龍蝦汁好香 醬汁都好creamy😍拌埋一齊食 食多都唔會膩🦐炸蝦配蛋黃醬蝦肉彈嫩鮮甜，食得出好新鮮，又炸得啱啱好熟，蝦頭都可以食😆蛋黃醬唔會好膩，一齊搭埋嚟食啱啱好🥞士多啤梨梳乎厘店舖嘅梳乎厘擺盤都好靚，一上碟就聞到有好香士多啤梨味🍓配料都畀得好，有好多香嘅士多啤梨味，加上有餅乾碎和草莓碎片，蛋香濃郁！質感軟綿綿而且好濕潤👍🏻打卡精選！面頭有鮮忌廉🥰pancake配上甜度適中嘅士多啤梨碎❗️
繼續閱讀