極尚大瀛喜日本料理

營業中

休息中

隔咗兩個月冇去食放題突然間好想去食放就約埋媽咪去到位於觀塘「極尚大瀛喜」食放題。入座之後用QRCode落單快捷方便，在落單既時候發現好多新菜式見到都好吸引！食物未到之前就會出去自助區取食物，有冷熱盤、熱湯、炸物、甜品、雪糕、清酒及飲品👍刺身拼盤刺身款式有十幾款，樣樣都好新鮮鮮甜，三文魚好肥美，帶子好清甜，螺肉拆肉後切片放便入口，好爽口。秘製藤椒魚皮/極尚磯煮凍鮑魚魚皮爽脆好惹味，食唔停口，鮑魚入口涼浸浸好入味。蒜蓉粉絲蒸扇貝/金牌紅燒乳鴿王扇貝落落多汁，蒜味十足粉絲吸入醬汁食唔停口。乳鴿燒至金黃色好香口。榴槤炸彈/流心黑糖糍耙外皮香脆而且榴槤甜甜地好香好吸引，糍粑煙煙韌韌加入流心既黑糖，口感一流！其餘食物整體都不錯，最後食埋個甜品呢一餐好滿足。