譽居

營業中

休息中

呢晚想食小菜，行開PopCorn，見未試過呢間餐廳，又見到甘多人排隊，稔住試下，等左10分鐘就有位。細細張2人枱，枱同枱之間放得密，少少迫。叫左個土魷馬蹄蒸肉餅，同埋瑤柱金菇炆伊麵，加多個白飯。土魷馬蹄蒸肉餅：心中暗叫今次大劑了，事關土魷本身都有咸味，而佢竟然仲用勁咸身的豉油汁做底，的而且確，呢個菜係咸左，已經送住白飯黎食，都係好咸，就算有馬蹄都中和唔到d咸味。機攪肉碎無咩咬勁，毫無性格，平平無奇。瑤柱金菇炆伊麵：簡直同我呢個大嬸個樣一樣甘dry，麵有少少鞋口，好重甜豉油味。瑤柱？食時就唔係好覺有囉，食完見隻碗都有幾條細細條絲痴o係度，o拿！真係有瑤柱架！食物就茶記水準，價錢就見人見志啦！不過，未必有下次，食完好口乾，狂飲水都仲係好渴。