譽居

營業中

休息中

Popcorn商場的餐廳變換頻繁，唯獨這家多年屹立不倒，應該有原因。可是多年來也未曾光顧這店，所以全家今晚係度晚餐。鮮蝦菜苗餃  無食到燒味雙拼    叉燒半肥瘦唔乾柴，油雞有雞味。薑葱魚骨腩煲    魚肉大件實在，非廉價長期雪藏鯰魚柳。燒鵝粒梅菜炒飯     跟位上人頭飯的總價格接近，所以點炒飯。山渣汁肉排   炸皮唔厚，不太酸，排骨的肉質不太硬容易咬。羅漢齋炒麵   素食類，清清地，扮健康。南乳粗齋雜菜煲  來一份青菜扮健康。蜆芥鯪魚球    鯪魚球剛炸好，熱辣辣，伴鹹香的蜆殼醬一流。酥炸桶蠔  雖然炸皮很厚，但生蠔炸過後無縮水，真的好大件。一碟有八件，上層的生蠔，已經有很多油光。下層生蠔吸盡油份，炸皮變軟，更覺得油淋淋。茶位再加一，埋單千几蚊，平均每人二百有找。

最鍾意食落佢個叉燒腸！皮夠薄夠滑！ 皮蛋瘦肉粥先30幾蚊一碗味道都好好好出色！青檸雞啖啖肉個汁都夠酸，非常開胃。豉汁蒸鳳爪夠晒腍同埋入味冇得輸。唯獨食過佢嘅炸醬麵，份量非常細，可以話幾啖就食晒，性價比較低

這道以福建炒飯為主的餐點，令人垂涎欲滴。炒飯粒粒分明，米飯吸收了鮮美的海味和香氣，配料豐富，包含了蝦仁、豬肉和青菜，讓每一口都充滿驚喜，口感層次分明，回味無窮。搭配的郊外時菜，色澤鮮亮，清新爽口，為整體餐點增添了一份健康感。這些新鮮蔬菜的清脆口感，與炒飯的濃郁風味形成了完美的對比，使整體味道更加均衡。另外，蔥花蝦米炸兩腸粉更是讓人驚艷。腸粉滑嫩，裡面包裹著美味的蝦米和香蔥，外層炸得金黃酥脆，口感獨特。沾上特製的醬油，更是提升了整道菜的風味，讓人一口接一口，停不下來。整體而言，這頓餐點不僅色香味俱全，還充滿了家常的溫暖感，讓人感受到福建料理的獨特魅力😃

環境： 坐得舒服, 店內每桌都有足夠的距離,不會太擠迫.服務：我們一們五人但是最初我們都同意坐4人卡位,過了一會店員告知我們有小圓桌可以幫我搬位. 主動提議我們可以換位坐得舒服些.茶位：$5/人 ~ 老實說真的好平, 現在上酒樓飲茶每一個茶位錢大多是$10或以上點心：下午茶時段兩個點心孖寶價$41鴛鴦燒賣 ~ 估唔到都大大粒,分別有兩種燒賣.蟹子豬肉燒賣&乾蒸燒賣. 味道都可以😋津白鯪魚球 ~ 大大粒鯪魚球,食到的魚肉鮮味.蔥花蝦米炸兩 ~ 份量偏少只有十件,味道一般.雪山叉燒包 ~ 外脆內軟,叉燒包食到軟綿綿的叉燒粒.主食：燒汁牛肉炒河粉 （$62）估唔到酒樓都會炒到有鑊氣的牛河,牛肉份量都算適中,而且不算太油膩. 味道也可以.郊外油菜 （$20）~ 普普通通的芥蘭,份量不多.

環境一流，地點方便，商場地下就係。聽講譽居都好出名亦好好食，同埋屋企人嚟試試雪山叉燒包上枱餡料依然熱辣辣唔太甜，餡料調味剛好艇仔粥足料棉密，二人分享一流野菌餃晶瑩剔透嘅外皮，再加足料粒狀嘅各種雜菌，食起上嚟啖啖菇味又唔膩潮州粉果外皮薄薄未夠煙韌，非傳統用料。餡料就相當好味，香、爽雙色燒賣形狀統一靚仔，味道唔錯

平時放工好夜，返到屋企附近只想快快手搵間乾淨企理餐廳食熱辣辣既晚飯，我都會選擇譽居。佢位置就係將軍澳站popcorn G/F, 夜晚10點入去都仲有得食，茶錢每位都只係5蚊，另有加一服務費。食物既選擇都好多，有點心、小菜、炒粉麵飯、粥品、燉湯、中式糖水。價錢同出面茶餐廳差唔多，裝修環境同服務都幾好，侍應姐姐同經理都有笑容。今次食既係星洲炒米，$75大大碟夠兩個人食，佢會配埋辣椒醬俾你調味。炒米配料有蝦、叉燒、炒蛋絲、韮黃，香口惹味，整體都滿意嘅。

今日同屋企人加幾個親戚一齊食早晨孖寶，呢到孖寶抵食，我老爸超鍾意食艇仔粥，雲吞麵同埋糭，最緊要杯檸檬茶。不過戒緊海鮮，所以雲吞就遲啲先再食，但呢到嘅雲吞係足料好食嘅～咁粥同糭啱啱好早晨孖寶有，所以超正。仲有貪呢到夠大，唔洗咁快趕你走。兼且好少可有一間舖可以同時有中茶同西茶，又有茶樓嘢食同時又有麵舖嘢食。只不過係有少少嘈～其實每次都叫差唔多嘅嘢食，灌湯餃一向都係媽咪最愛，咁梗係要介紹親戚試吓～其他食物都是一如以往，keep到個水準。本人剩係飲咖啡奶茶，咁我就覺得呢到奶茶好飲過咖啡。雖然今日都好忙，但啲姨姨個個都好好人，初初以為我地食完，所以收左啲公筷。見到我地原來叫咗炒嘢食，主動攞番公筷來。今日奇蹟地仲有個哥哥仔返工，因為孖寶嗰到應該漏單，所以叫佢幫手追單，跟住好快就有啦～咁爸爸鐘意呢到，都希望佢keep住好食，如果唔係就要搵過第2到㗎啦～

今朝我買早餐外賣，0822落單，0837都未有，因為等得太耐，所以問個幾高既微鬈束髮女侍應幾時拎得，佢話：‘’你有炸兩，起碼都要等4個字！‘’我話咁耐？佢話‘’係咁架啦”～我即刻問其他侍應，其他侍應幫我入廚房問，其實嗰刻我已經見到我嗰碗外賣粥已經喺枱上面，係欠炸兩，咁我話炸兩我吾要喇，你淨係比碗粥我，我趕時間返工，然後廚房入面既阿姐好快咁喺某個位置拎左個炸兩出黎比我，我走嗰陣聽到個微鬈束髮侍應大大聲話，0822至落單，邊有咁快有得拎，好似怪我催單咁，我落單嗰陣又吾講聲，啲態度仲要咁衰，對熟客就好殷勤，嗰個阿姐咁既服務態度，大家要食既話就要預備受氣！！

如果您鐘意食豬潤的話，尼度豬潤腸好吃，如果您對粥有要求，尼度粥底好食，豬潤粥第一☝️ 次次黎食都叫豬潤粥😆😆 茶位5蚊位唔算貴，點心都好食😋 點心單價係相對係貴既，個人認為好食過樓上翠苑。

平時每個星期都會去譽居食晚飯，但今次去到竟然指明左邊區域唔可以入座，要指定入去右邊區域，如果要入左邊區域叫人攞飛，我哋幾位客戶攞咗飛喺度等左邊區域叫號，5:45pm等到6:00pm, 諗住6:00pm晚飯時段可以入座左邊區域，6:05Pm再問部長幾時可以入座左邊區域，佢話唔知，睇情況先至叫，幾位已攞飛嘅客戶都覺得服務差話：（咁就唔好叫人攞飛，唔怪得啲人個個北上消費，所以香港食肆冇生意）下次都唔會再幫襯🤬🤬🤬🤬🤬

近幾年，如果想食雲吞麵，或者係粥，首選一定係呢度。講咗雲吞麵先，水準真係可以媲美坊間嗰啲好貴嘅雲吞麵，呢度唔會細細碗，份量適中，唔需要食兩碗先至飽肚😅。我鍾意佢哋嘅麵質，雲吞足料，唔會好厚皮，湯底唔會好重鹼水味👍🏻至於粥真係值得俾個讚，粥底好綿，粥料嘅味會滲入咗啲粥底度，好多時候我淨係食粥底，唔需要食料已經覺得好甜好好味。其實呢間餐廳好得意，佢又有點心食，又有炒粉麵，又有粥，甚至乎茶餐廳嘅奶茶都有，仲要好好味🤤

中秋節同屋企人嚟呢度食嘢，點知啲份量越來越少，一係就直頭變白烚蒸，乜味都冇，因為食過幾次都覺得唔差先至再嚟食，點不知越嚟越唔好，最差嘅係佢個勝瓜完全冇味，冇下次

短髮女侍應極冇禮！入座時一位坐在隔離已有人坐的座位隔離！短髮女侍應不禮貌叫坐另一個位！已表明食完即走！仍叫人起身！早上出面冇人排隊！仍趕客坐檯！其他大檯只有2位坐，她都不叫！卡座4人都只有一個人去坐！她都不叫有人起身夾檯！食物質素反而正常好食！山竹牛肉球也美味！鴛鴦燒賣皇都正常好食！鮮菰魚肚蒸雞味道也很好吃！但以早茶價錢並不算便宜也不算貴！3个点心連茶錢$100！如果服務有所改善更理常！因為都有收服務費，但是態度差！

因為外賣自取有折，所以點左外賣做晚餐~肉丸魚片粥+窩蛋 ($40.2)返到屋企都仲暖笠笠，size較洪記細碗，不過都足料同好綿，魚片有幾舊有D骨 (?)，有時會咬到硬硬地既野，但吞到，魚片都幾嫩。加埋窩蛋好似有飽肚感D，正正常常。脆皮燒腩仔飯 ($34.8)飯量細食既人足夠夠飽，大食就可能要再加野食，燒腩仔係燒得幾脆，可以encore。結論：🫰平🫰味道正常發揮⚡️份量少D🎡餐廳資料餐廳名稱：譽居餐廳地址：唐賢街9號Popcorn 1地下G01-04號舖

老實講，行到譽居門口，聞到陣陣燒味香嘅時候，我已經覺得好正！先來一講，佢個蜜汁叉燒外皮香甜得嚟又唔會太膩，肉質嫩滑，真係啱哂我呢啲唔鍾意太肥嘅朋友。再講講嗰爽口燒腩，皮脆得嚟肉質仲鬆化，真係正到爆燈！每一啖都足夠激發我嗰種「食得出神」嘅滋味。話說返個日式咸水角，揼低一口，知道香港有呢啲古怪美味，真係過癮！入口係先酸酸地，跟住就嚟個意外嘅辛辣Wasabi驚喜，加埋嗰脆脆嘅草菇，食嘅我心花怒放，玩味十足。至於嗰碗鮮蝦雲吞麵，嚟講真，我以前對雲吞都係分手既態度，但佢個雲吞係大隻嘅蝦肉，皮薄餡足嘅完美組合，攪到我對雲吞重燃愛火。至於嗰梅菜燒鵝粒炒飯，嗰香口程度撲鼻而嚟，我都忍唔住多食咗幾筷！結埋賬之前，我都忍唔住要激讚吓佢個砂鍋膏蟹粥，光係聞嗰香味，已經令人心癮癮。每一啖飯粒都入味，每啖都有蟹肉，食到最後一啖都仲想再黎一碗！同埋，摸摸肚，都算係飽得嚟得意！下次同班朋友過嚟，我一定要介紹佢哋嚟試下譽居嘅滋味！🥢🍚🦀