翠林辣蟹舫

翠林辣蟹坊之前嚟過幾次，喺尖沙咀地理位置方便。最出名係佢哋嘅避風塘炒蟹。最近每個月Menu都會更新有唔同嘅菜式打折，好抵食。通常喺外地過嚟嘅朋友我都會推薦佢哋嚟食呢間。避風塘炒蟹蟹肉鮮嫩，味道濃郁，香氣撲鼻。炒嘅時候加入咗蒜蓉同埋辣椒、蔥段。令整體口感更加豐富。蒜蓉炸到啱啱好。夾埋啲蟹肉食口感超正。水蜜桃咕嚕肉咕嚕肉甜酸適中，肉質軟嫩。水蜜桃嘅清甜同咕嚕肉嘅鹹香完美融合。金沙茄子金沙茄子做得相當出色👍🏻茄子吸收咗金沙嘅香氣，口感滑順，外層金黃酥脆。每一口都咸香味十足，呢道菜係我心目中嘅必點之選。韮菜花炒小魚帶有清新嘅韭菜香味，小魚嘅香脆亦增添咗口感層次。整體味道輕盈不膩，炒得好夠鑊氣。