影片
更多
2025-03-27
1066 瀏覽
這裏的自助餐性價比極高,海鮮、壽司、刺身、冷盤、熱盤、甜品唔少得,仲有即劏藍鰭吞拿魚,真係意想不到。🔸即開生蠔篤一篤蠔邊仲識收縮,證明新鮮,味道有淡淡海水味。龍蝦大大隻,肉多膏多,口感結實彈牙,仲要有鮮味;長腳蟹肉質鮮甜;翡翠螺肉質有咬口;蝦肉彈牙。🔸即劏日本原條藍鰭吞拿魚這個環節唔可以錯過,校定鐘霸定位等睇師傅即席解魚。藍鰭吞拿魚身型巨大,經師傅切割後,色澤紅潤的吞拿魚呈現眼前。吞拿魚肉質很嫩；三文魚肥美。阿根廷紅蝦甜美,這個又係自助餐比較少見;赤貝彈牙;帶子鮮甜。🔸即煎鵝肝多士鵝肝煎得香脆,厚薄適中,唔會太油膩。🔸香煎芝士和牛漢堡和牛漢堡外面煎得焦香,肉質鬆軟,肉汁豐富有肉味。🔸北海道白樺豚壽喜燒即煮豚肉肉滑多汁,豆腐軟硬適中,菜超甜多汁。🔸佐賀和牛鐵板燒和牛質地幼嫩,油分分泌豐富,蒜片和蔥花的香味都唔錯。🔸一品鍋有花膠、海參、鮑魚等,鮑魚大大隻口感結實,海參爽滑,花膠的膠質很重,花菇厚身,生菜爽脆。🔸酥皮南瓜湯酥皮脆口,湯是很滑,南瓜味道香甜。🔸杞子燉雞湯飲後覺得滋潤。🔸甜品「傳情達意」將自己的心意寫在紙條上,再放喺投放處。廚師就會喺碟上畫公仔寫字再加個心太軟。除咗心太軟，甜品仲
這裏的自助餐性價比極高,海鮮、壽司、刺身、冷盤、熱盤、甜品唔少得,仲有即劏藍鰭吞拿魚,真係意想不到。
🔸即開生蠔篤一篤蠔邊仲識收縮,證明新鮮,味道有淡淡海水味。
龍蝦大大隻,肉多膏多,口感結實彈牙,仲要有鮮味;長腳蟹肉質鮮甜;翡翠螺肉質有咬口;蝦肉彈牙。
🔸即劏日本原條藍鰭吞拿魚這個環節唔可以錯過,校定鐘霸定位等睇師傅即席解魚。
藍鰭吞拿魚身型巨大,經師傅切割後,色澤紅潤的吞拿魚呈現眼前。
吞拿魚肉質很嫩；三文魚肥美。
阿根廷紅蝦甜美,這個又係自助餐比較少見;赤貝彈牙;帶子鮮甜。
🔸即煎鵝肝多士鵝肝煎得香脆,厚薄適中,唔會太油膩。
🔸香煎芝士和牛漢堡和牛漢堡外面煎得焦香,肉質鬆軟,肉汁豐富有肉味。
🔸北海道白樺豚壽喜燒即煮豚肉肉滑多汁,豆腐軟硬適中,菜超甜多汁。
🔸佐賀和牛鐵板燒和牛質地幼嫩,油分分泌豐富,蒜片和蔥花的香味都唔錯。
🔸一品鍋有花膠、海參、鮑魚等,鮑魚大大隻口感結實,海參爽滑,花膠的膠質很重,花菇厚身,生菜爽脆。
🔸酥皮南瓜湯酥皮脆口,湯是很滑,南瓜味道香甜。
🔸杞子燉雞湯飲後覺得滋潤。
🔸甜品「傳情達意」將自己的心意寫在紙條上,再放喺投放處。廚師就會喺碟上畫公仔寫字再加個心太軟。
除咗心太軟，甜品仲有多款原個蛋糕和撻、中式甜品有桂花糕、椰汁糕、豆腐花。
🔸飲品有紅白酒果汁任飲之外，仲有調酒師即場調製飲品。
最重要係食物飲品不停添加,真係食到冇停口呀！
張貼
