今日屋企人生日，當然要食餐好。見到呢個buffet一直想食，果然無令人失望！餐廳座位闊落，裝修佈置好有溫馨開心既感覺。頭盤、冷盤（⭐️⭐️⭐️⭐️⭐️）餐廳既沙津同冷盤全部好靚，未食已經覺得好fresh。沙津菜唔係馬虎，用上多種新鮮品種，唔會hea你。芝士亦有好多種類，啱晒芝士控逐隻品嘗！另外有好多種海鮮，包括長腳蟹、三文魚、帶子、阿根庭紅蝦等等，全部都超級新鮮，唔會有雪味，每款試一試，已經回曬本！熱食（⭐️⭐️⭐️⭐️⭐️）媽媽好怕自助餐無咩熱食既選擇，但呢間餐廳就啱晒佢！熱食有好多種類，而且感覺到餐廳提供左好多中菜菜式，平衡左冷盤頭盤則重西餐既食物，包括有獅子頭、鴨血、餃子、炒飯、豆腐扒冬菇。但唔好以為自助餐食中菜就唔好味，丫媽拎完又拎，好食過中式專門既餐館！即煮類別（⭐️⭐️⭐️⭐️⭐️）成間buffet最吸睛令人流既口水既就係佢既即煮食物，包括鴨肝多士、佐賀和牛、西冷火腿扒等等，全部係成晚既自助餐排隊人龍一直都無停過。最重要係當食材即場係你面前煮，第一就會知道食材既質素，而且見住佢住，食香味全部100%享受晒，就算每次要排隊都覺得值得！甜品、飲品（⭐️⭐️⭐️⭐️⭐️）自助餐另一焦點當然係佢既甜品啦，平時閒閒地買件cake食個心太軟都幾十蚊，而家任食真係超級回晒本。而且佢既心太軟仲要係即場甩模，可想而知個種熱呼呼，切開就流晒朱古力幾正。另外，要讚餐廳既飲品選擇超豐富，唔會好似其他餐廳咁得橙汁，最緊要仲要有即製bar，好有氣氛！~~~~~~~柏麗廳 沙田白鶴汀街8號帝都酒店3樓推介菜式：鴨肝多士、長腳蟹、心太軟👍出色味道👍回本之選👍環境舒適…查看更多
