影片
更多
2025-03-17
83 瀏覽
西環唔少橫街小店，今日行過一間小店，見到好多明星合照相喺窗口，原來呢間舖頭嘅主廚即係老闆，係以前由中環鏞記嘅大廚，佢喺度開店已經差唔多20年！雖然舖頭冇華麗嘅包裝，但係呢度嘅小菜又超過100款。同朋友一坐低，就問我哋有乜嘢唔食，食唔食辣等等！非常細心！我覺得好似去咗私房菜咁！杏汁白肺湯先上湯，今日嘅湯係杏汁白肺湯，師傅磨碎杏仁，將杏仁碎融入咗湯入面，飲出啖啖心機！補肺祛痰又美白養顏，要飲多兩碗先得！黑椒炒鹿筋第一碟餸係黑椒炒鹿筋，今次係我人生中第一次食鹿筋！老闆娘話鹿筋唔係採購自本地。所以出面真係好少有得食！香噴噴很惹味，鹿筋食落好有口感，加上黑椒汁滲入整道餸入面，再配搭四季豆，每一口都充满黑椒的濃濃香味！蝦醬韭菜炒豬膶蝦醬比較濃郁，韭菜花口感清爽，豬膶軟嫩冇腥味！冷盤係紫甘筍由於紫甘筍係季節性，唔係經常有得攞貨，我同朋友都係第一次食紫甘筍！佢嘅營養獨特之處，在於抗氧化劑花青素的含量高，一於食多啲補下眼先！佢嘅味道好清甜，咬落去好清新配搭埋老闆娘秘製嘅醬汁，好快就食清晒！煎蠔餅雖然煎蠔餅唔係打冷店嗰種酥脆香口，但呢度嘅煎蠔餅一啲都唔輸蝕！蛋香十足，而且一啲都唔肥膩！用餐時點下魚露或泰式
同朋友一坐低，就問我哋有乜嘢唔食，食唔食辣等等！非常細心！我覺得好似去咗私房菜咁！
杏汁白肺湯
先上湯，今日嘅湯係杏汁白肺湯，師傅磨碎杏仁，將杏仁碎融入咗湯入面，飲出啖啖心機！補肺祛痰又美白養顏，要飲多兩碗先得！
黑椒炒鹿筋
第一碟餸係黑椒炒鹿筋，今次係我人生中第一次食鹿筋！老闆娘話鹿筋唔係採購自本地。所以出面真係好少有得食！香噴噴很惹味，鹿筋食落好有口感，加上黑椒汁滲入整道餸入面，再配搭四季豆，每一口都充满黑椒的濃濃香味！
蝦醬韭菜炒豬膶
蝦醬比較濃郁，韭菜花口感清爽，豬膶軟嫩冇腥味！
冷盤係紫甘筍
由於紫甘筍係季節性，唔係經常有得攞貨，我同朋友都係第一次食紫甘筍！佢嘅營養獨特之處，在於抗氧化劑花青素的含量高，一於食多啲補下眼先！佢嘅味道好清甜，咬落去好清新配搭埋老闆娘秘製嘅醬汁，好快就食清晒！
煎蠔餅
雖然煎蠔餅唔係打冷店嗰種酥脆香口，但呢度嘅煎蠔餅一啲都唔輸蝕！蛋香十足，而且一啲都唔肥膩！用餐時點下魚露或泰式辣醬，食落就更加惹味！
海鮮雜菜煲
熱辣辣嘅雜菜煲份量都好大，啱晒四個人食今日天氣轉冷真係啱晒時機！
煲仔飯
煙燻土豬肉煲仔飯
煙燻咗嘅土豬肉，有啲似西方嘅煙肉，食到最尾嗰啖飯都仲有煙熏味喺個口腔裏面！不得不提，佢哋嘅煲仔飯係冇落油，所以佢嘅飯焦非常香脆可口，飯焦仲燒到黃金色，真係吃得出心機！
甜品
海底椰雪梨糕
老闆娘用咗一晚時間去整，非常有心機！海底椰雪梨啱晒我呢啲長期喺冷氣環境工作嘅人，又缺水，又要養生！老闆娘建議可以加奶食，但係我覺得原汁原味已經好夠味！
張貼
