大哥雞飯去骨海南雞 (金松樓)

營業中

休息中

去咗大埔搵朋友食晚飯，見到無骨海南雞好吸引。大哥雞飯係主打馬來菜式嘅餐廳，非常適合一家大細用餐。餐廳店內位置很多，員工亦很殷勤。招牌雞髀雞油飯配住家湯雞油飯嘅油感出色，唔會令我食到好滯。飯粒感適中，唔會太爛，保持到口感。味道方面偏重雞湯鮮味，無死咸。雞髀肉起哂骨可以方便咁食，雞肉好嫩滑，雞皮嘅部份就好爽口，口感緊致，真係好好食。另外通常雞飯會跟嘅湯，胡椒味重，好開胃又暖身。廣島蠔拼鮮蝦喇沙蠔肉真係大件夾抵食，味道鮮美肉厚，咁嘅size 下有咁多件真係好好。湯底就係椰香同海鮮味拎到一個好好嘅平衡，唔會則重任何一邊，呢個亦喇沙嘅奧妙之處。辣度不算太刺激，開胃但舒服。鮮蝦爽口彈牙，真係夠新鮮。紅豆冰芒果椰冰食馬來嘢必定要叫返杯椰冰飲品飲下，呢度都有好幾款。紅豆冰紅豆量爆棚，椰奶又夠香。另一方面芒果呢款椰香就收返少少，芒果味衝哂出嚟。各有各好。