大哥雞飯去骨海南雞 (金松樓)

【大埔區】【大哥雞飯】好耐冇入嚟大埔食嘢，之前一直都冇乜時間畀我過嚟，難得機會嚟到一定要好好把握。雖然我唔知仲有冇得到佢嘅支持，但係我覺得盲目嘅堅持都係一種人生可以存在嘅不理性。嘆個下午茶再諗啦，見到呢間好似係星馬餐廳，我呢方面都有啲要求㗎喎，睇睇。首先叫娘惹喇沙系列 $48 嘅「細碗海南雞喇沙」配摻摻，寫明有豆卜、芽菜、響鈴、雞蛋、生菜，以香港水準嚟講不過不失，冇咗娘惹菜嗰種奇怪嘅濃味係易入口咗嘅。海南雞味道可以，不過都係有雞翼同雞翼尖。冇計，呢啲部位都係留畀下午茶嘅客㗎喇。嘢飲加 $8 飲特飲「薄荷朱古力」，幾大杯，本身亦都唔多冰，幾好。叫多個茶餐 $32 嘅「鮮油班蘭咖央多士」，餐飲要「大哥無味精住家湯」，前者嘅牛油幾澎湃，咖央味唔夠濃。反而個湯又真係幾有住家 feel 喎。埋單 $88，咁樣隊兩個下午茶餐係合理嘅。。。（地址：大埔廣福道128-130號金松樓地下4號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #globaleats #tastyfood #followforfollowback #love #eat #openrice #instagram #xiaohongshu #1am大埔區 #大埔 #太和 #大埔墟 #大哥雞飯去骨海南雞 #大哥雞飯 #下午茶 #娘惹喇沙 #細碗海南雞喇沙 #薄荷朱古力 #鮮油班蘭咖央多士 #大哥無味精住家湯 #1am1843 #1ambackup…查看更多

座位安排好大問題。侍應，特別收銀個位態度勁差。我哋5個人，拎籌等咗半個鐘。等候期間永遠只安排4人以下的籌號入座，就算有2次6人枱都不會安排5人以上入座。向店員查詢時，企係收銀個位同同事講：「問佢幾多號得啦，唔駛理佢」跟住有張只限4人座，左右2邊都有人坐緊，冇空隙坐多個個隻，問我哋「坐唔坐，唔坐就等下啦」。 真心安排定玩嘢…查看更多

復活節假期出嚟大埔買嘢BBQ。分別同兩班鄰居食晏，咁啱佢哋都係揀咗呢一間，所以三日食咗兩次。第一次嚟嘅時候嗌咗海南雞飯轉雞髀，同埋香芒椰汁冰。鄰居就嗌咗個咖喱牛腩飯。我幾鍾意個有飯夠乾淨，雞髀如果可以滑啲就更加完美。個香芒椰汁冰原來係椰果，個甜度比較強。反而個咖喱牛腩飯都試咗少少，個咖喱唔似印度咖喱，反而佢落得勁多蒜蓉，食落去都幾清新，不過啲彩椒同洋蔥可以再熟啲。反而跟餐加購沙嗲串燒多沙嗲醬超級好食，可惜佢冇得齋買沙嗲醬。個肉骨茶都幾多料，但係藥材味唔算重。隔咗一日再嚟食，今次就試佢啲鹵麵。幾鍾意佢啲滷水唔會鹹，但係就幾入味。隻雞腳炆得啱啱好仲有啲咬口。另外配龍眼冬瓜茶都係偏甜少少，佢嘅甜度可以去份量開兩杯飲。不過佢啲龍眼肉就幾特別，係新鮮龍眼肉，唔似浸過糖水，所以咬落去好爽口。…查看更多

失望的體驗😞（1） 執漏食物- 執漏了一個湯- 所以食物 包括 海南雞飯、豬頸肉飯、蝦餅等，都沒有醬汁（2） 飯非常乾，非常硬- 外賣離開店舖到進食的時間只有十分鐘，飯竟然非常硬（3） 海南雞和豬頸肉的肉質、味道合格…查看更多

平時見好多大埔街坊食呢間海南雞飯，今次去試吓～招牌雞飯雞肉嫩滑，俾嘅部位都幾靚，完全冇骨，驚喜係油飯加咗乾蔥，令整個飯再昇華咗🤩細骨茶好足料，都有幾舊排骨，份量一啲都唔少，兩個人都夠分，味道屬於偏甜，小朋友都啱飲咖喱牛腩飯偏向馬來西亞風味，香中帶甜唔會好辣，唔會食到滿頭大汗，牛腩軟冧，唔會好乾好柴，仲鮮有地有牛肉香氣，最欣賞係個薯仔，本身煎咗少少，所以外層有薄脆感，為整個咖喱嘅口感同風味上提升幾個層次老街雞腿卷（2條）油香充足，外脆內軟無味精住家湯（碗）當日係南瓜湯，的確無味精，清甜足料，隨每個餐奉送👍🏻凍龍眼冬瓜茶…查看更多

餐廳主打海南雞 喇沙及肉骨茶有多款特色飲料 亦有套餐可選擇上菜速度也很快 ⍢招牌雞髀油飯配住家湯海南雞脾肉質滑嫩 預先去骨雞皮爽口不油膩蘸上黑醬油 辣椒醬及薑蓉更惹味油飯方面飯粒適中 份量充足住家湯不像平時的例湯應該沒味精肉骨茶配白飯（大）肉骨茶夠熱 湯底藥材味不重配料有豬肉 磨菇 豆卜等另有油炸鬼配湯吃凍龍眼冬瓜茶鹹檸檬梳打飲品都很大杯 冬瓜茶偏甜⧐大哥雞飯去骨海南雞📍大埔廣福道128-130號金松樓地下4號舖#…查看更多

講起海南雞飯，好多人都會諗起新加坡或者泰國，但其實香港都有唔少好食嘅海南雞飯，而今日我要介紹嘅就係位於大埔嘅「大哥雞飯去骨海南雞」。呢間舖頭雖然唔算好大，但佢嘅海南雞飯真係一試難忘，仲有其他小菜同飲品都值得一試！今次我就試咗佢哋嘅招牌海南雞飯（轉雞髀位）、香煎鹹魚肉餅飯、紅豆冰同芒椰冰，即刻同大家分享下食後感！招牌海南雞飯（轉雞髀位）首先，海南雞飯最緊要嘅就係雞肉嘅質感同油飯嘅香氣。大哥雞飯嘅海南雞真係做得唔錯，雞肉嫩滑得嚟又唔會太油膩，轉咗雞髀位之後，肉質更加 juicy，啖啖肉真係好滿足！油飯方面，飯粒分明，帶有淡淡嘅雞油香，仲有少少薑味，食落好開胃。配埋佢哋嘅自家製辣椒醬同黑醬油，味道層次即刻提升，正！香煎鹹魚肉餅飯如果你鍾意食鹹香嘅嘢，呢個香煎鹹魚肉餅飯絕對係你嘅首選！肉餅煎得外脆內軟，鹹魚嘅香味完全滲入肉餅入面，每一啖都充滿鹹香，送飯一流。雖然味道偏濃，但唔會過鹹，食完之後仲想再encore！紅豆冰食完主菜，當然要飲返杯凍飲降下溫。紅豆冰係經典嘅港式飲品，大哥雞飯嘅紅豆冰紅豆煮得夠淋，甜度適中，椰香味濃，飲落好清爽，絕對係解膩嘅好選擇。芒椰冰至於芒椰冰，芒果味好突出，椰奶嘅香滑同芒果嘅酸甜完美結合，飲落好 refreshing。夏天飲真係一流，仲可以解一解鹹魚肉餅嘅濃味，平衡返成個餐。總括嚟講，大哥雞飯去骨海南雞真係一間值得推介嘅小店，無論係海南雞飯定係其他小菜，水準都幾高，價錢亦算合理。如果你喺大埔附近，不妨過嚟試下，保證唔會失望！…查看更多

Blingbling美食推介✨📍大埔🐤 大哥雞飯去骨海南雞✨ 黎大埔一定要試試😍💠💠💠💠💠💠💠💠   大哥雞飯真係平民美食嘅代表！雞肉嫩滑多汁，油飯香氣撲鼻，粒粒分明😍 無論係雞肉定飯，都做得恰到好處，簡單得嚟又好味，黎開大埔一定要試試‼✨💠 招牌雞飯 $74（轉雞脾只係加$12!!!)招牌雞飯真係令人回味無窮！我地今日食豪d，加錢轉雞脾😆😆 雞肉煮得啱啱好，皮滑肉嫩，油飯香氣十足，粒粒分明，味道層次豐富得嚟又好夾☺🧡💠 頸肉飯 $62豬頸肉飯真係好好味‼豬頸肉嫩滑，外脆內軟，配上香噴噴既油飯，令人食到停唔落口‼💠 無味精住家湯（跟餐）無味精住家湯飲完真係無口渴！果然係無味精啊‼ 湯有好多材料，所以味道好豐富，清淡得黎都帶出蔬菜既甜味🧡💠 薄荷朱古力 $11薄荷朱古力係肥肥之選‼不過好正！口感滑順，薄荷香氣清新，朱古力濃郁，食落去真係令人精神一振！😍💠 鹹檸檬雪碧 $11鹹檸檬雪碧好清涼，清新又開胃！餐廳環境：💎💎💎💎💎/5服務質素：🌸🌸🌸🌸🌸/5食物味道：😋😋😋😋😋/5性價比：💰💰💰💰💰/5…查看更多

今日出開嚟大埔洗牙，洗之前要醫肚，見個天突然風雲變色就是但入一間。叫左個海南雞飯，呢個飯嘅雞肉真係好滑，肉質鮮嫩，食落完全唔會乾柴，配搭油飯一齊食，口感豐富。油飯香而不膩，同雞肉好夾，食落好滿足。另外朋友叫左個口水雞飯，口水雞嘅汁真係好出色！辣中帶香，麻而不嗆，調味剛剛好，唔會太鹹或者太油。雞肉同樣好滑，吸晒啲汁之後更加惹味，送飯一流！跟餐有個南瓜粟米蘿蔔雞湯，呢個湯真係好驚喜！湯底好甜好濃郁，南瓜、粟米同蘿蔔嘅味道完美融合，飲落好暖身。最正嘅係佢哋標榜無味精，飲完之後唔會口渴，真係有住家湯嘅感覺，好健康！最後叫左個龍眼冬瓜茶，冬瓜茶清甜解渴，飲落好舒服，特別係食完口水雞之後飲一啖，可以中和返啲辣味，完美收尾。…查看更多

去咗大埔搵朋友食晚飯，見到無骨海南雞好吸引。大哥雞飯係主打馬來菜式嘅餐廳，非常適合一家大細用餐。餐廳店內位置很多，員工亦很殷勤。招牌雞髀雞油飯配住家湯雞油飯嘅油感出色，唔會令我食到好滯。飯粒感適中，唔會太爛，保持到口感。味道方面偏重雞湯鮮味，無死咸。雞髀肉起哂骨可以方便咁食，雞肉好嫩滑，雞皮嘅部份就好爽口，口感緊致，真係好好食。另外通常雞飯會跟嘅湯，胡椒味重，好開胃又暖身。廣島蠔拼鮮蝦喇沙蠔肉真係大件夾抵食，味道鮮美肉厚，咁嘅size 下有咁多件真係好好。湯底就係椰香同海鮮味拎到一個好好嘅平衡，唔會則重任何一邊，呢個亦喇沙嘅奧妙之處。辣度不算太刺激，開胃但舒服。鮮蝦爽口彈牙，真係夠新鮮。紅豆冰芒果椰冰食馬來嘢必定要叫返杯椰冰飲品飲下，呢度都有好幾款。紅豆冰紅豆量爆棚，椰奶又夠香。另一方面芒果呢款椰香就收返少少，芒果味衝哂出嚟。各有各好。…查看更多

我最近光顧了一家餐廳，對整體經驗感到非常失望。進入餐廳時，裡面幾乎沒有人，但服務生卻要求我攬住我的書包。這讓我感到非常困惑，因為餐廳根本沒有其他客人，感覺不需要如此小心翼翼。這種要求不僅顯得多餘，還讓我感到不受尊重。更讓人無法接受的是，我在用餐時被迫一路攬著書包，這樣不僅不方便，還影響了我的用餐體驗。我無法好好享受美食，心裡一直惦記著書包的安全。餐廳的食物很一般，而這種服務態度實在讓人掃興。顧客來餐廳是為了享受美好的用餐時光，而不是感到被限制和不自在。希望他們能夠改善服務方式，重視顧客的感受，讓每位顧客都能享受到愉快的用餐體驗，這樣才能真正吸引回頭客。…查看更多

想食海南雞飯，直接搵到間餐廳直接寫喺個名到，就睇吓有幾好食。首先是香蒜海南雞飯，簡單的外表下藏著豐富的風味。雞肉鮮嫩多汁，完全冇骨，冇特別嗌要髀位D肉都超級嫩。搭配著超級多的香蒜，同甜醬油，味道更上一層樓。接著是豬頸肉喇沙米粉。米粉掛哂湯汁。豬頸肉的鮮嫩口感，再浸上香濃的喇沙湯汁，帶來濃烈的香料風味，讓我彷彿置身於香料的海洋中，回味無窮。最後來一杯龍眼冬瓜茶，清甜的龍眼和清涼的冬瓜完美結合，食緊微辣嘅喇沙嗰陣帶來一絲絲清新的涼意。…查看更多

招牌雞飯 HK$74 + 12 肚腩新年大埔墟街市出沒注意到有間好多人食嘅馬來菜😏當時已經想帶鍾意食茶記快餐嘅老豆出黎試下🤓今次夜晚收工請老豆食飯，叫左個招牌雞飯，再轉埋雞脾😈份量大過碗油飯😍而且雞脾好滑好juicy💓😋海南雞點少得三色醬，我講緊薑葱蓉、黑醬油同酸辣汁😎呢度有齊曬，仲加埋豌無味精住家湯，又有蟲草花、蘿蔔同粟米🌽都難怪咁多人幫襯👍🏼香芽豬扒喇沙 HK$75有樣抵讚係可以揀擔擔麵，掛汁又彈牙🥰湯都偏清，清曬成碗都唔算太濃味，雞蛋流心🤤仲有唔少得嘅魚腐，同生菜🍀真係夠誠意啦😆煎豬扒就稍為瘦啲，所以各花入各眼了😙套餐加餐飲幾乎半價，埋單都唔洗兩舊，真係抵食‼️🍭大哥雞飯🍭大埔廣福道128-130號金松樓地下4號舖…查看更多

今次去到大埔見到呢間海南雞飯人頭湧湧，就一入去試吓啦佢嘅客群非常之闊，又學生哥去到婆婆伯伯都係座上客食物種類選擇都唔少，有海南雞飯、口水雞飯、仲有肉骨茶添，價錢大約$60左右，亦都有二人餐選擇，套餐可以選擇白飯或者油飯，亦已經配一碗冇味精住家湯，我哋當日係南瓜湯，好清甜，好飲招牌海南雞飯 $62海南雞飯就當然要配油飯啦，一嚟到個碟好有特色，印着竹盤既pattern，好得意雞嘅份量都唔少，都有成10舊左右，配埋海南雞泰式醬汁、雞蓉同甜豉油雞都煮得幾滑，油飯有驚喜，竟然唔係好油膩，但係好夠香檳城滷水元蹄飯 $62元蹄有五大嚿，切得好厚身，一望落去就感受到滿滿嘅骨膠原！煮得非常之軟腍！一食落去就覺得幸福感滿滿套餐可以以優惠價加配特飲菠蘿梳打加$15飲品都好大杯唔講得笑，菠蘿梳打好甜又夠晒氣芒果椰汁冰加$20原來係椰汁冰加上芒果椰果粒粒，仲要有星形㖭啊，好靚好fancy呀…查看更多

今日食午餐食咗一個四保丸喇沙、咖也多士 、海南雞飯味道同賣相都非常好，最想讚啲店員顧客有禮⋯⋯對住啲公公婆婆都慢慢解釋⋯⋯值得加人工推薦好味餐廳⋯⋯有機會一定會再嚟由於需要寫夠200字⋯⋯先可以俾好味道嘅公仔，我唯有喺度講多幾句，我哋本身坐二人坐，但係因為我哋身形比較肥大加埋我哋有啲大背囊，店員就好快換咗張大枱我哋⋯⋯本身都冇乜期待嘅，因為今日入嚟主要係見過朋友平時都唔係住呢區，見未夠鐘就入嚟坐吓食吓嘢，點知好驚喜…查看更多