海街丼 (東港城)

營業中

休息中

食丼飯，要賣相吸引，食材鮮甜，最好重要魚生多到瀉，仲可唔可以有多啲要求？壽司醋分量多少自己控制，食到尾可以變茶漬飯，你又點睇？特上吞拿魚蓉丼($210)一大坺吞拿魚蓉加兩大件海膽，仲有啲三文魚籽陪襯，飯量好多，一定夠飽。伴隨丼飯有一小碟透明啫喱形狀物體，名為壽司醋果凍，白飯本身沒有混入壽司醋，醋酸度靠加入果凍自己調節，咁都俾佢諗到，啱晒我唔鍾意啲飯太酸～上海寶丼($160)有切粒吞拿魚、油甘魚、章魚、蜆肉、小扇貝和大量雪蟹肉，是為雜錦海鮮丼。食到尾，餘下少量白飯，加入飯素和用鮮魚秘製而成的魚湯，搖身一變成茶漬飯～魚湯鮮甜，為丼飯增添滋潤感～