影片
更多
2023-08-03
377 瀏覽
放工約咗舊同事食嘢傾偈，呢間日式串燒店就啱晒我哋。我哋叫咗杯檸檬x柚子果酒同埋柚子x梅果酒。一坐低店員就送上前菜蕃茄（$32），簡單一個生蕃茄，但係配上特製醬汁同埋配上蒜蓉之後好好食，好香完全冇腥味。我哋仲叫咗一碟漬物牛蒡（$38），啱晒飲嘢傾偈。首先刺身盛（$168），三文魚勁肥美，帶子鮮甜，我就最鍾意牡丹蝦，大大隻，啖啖肉，紮實鮮甜。豚肉芫荽卷$34/串燒得勁香口，豬肉燒到金黃焦焦，一口咬下肉汁同埋油香充分散發出嚟，捲着嘅芫荽香之餘又中和左一啲油膩感。豚肉鵪鶉蛋卷$36/串豬肉同樣燒得出色，油香豐富，捲着個鵪鶉蛋蛋白爽爽，蛋黃香，口感粉粉的。豚肉卷面頭再灑上櫻花蝦，味道好有層次。雞翼串$38/串雞翼燒得好出色，雞皮金黃香脆，又係油脂嘅香味充分散發出來，但係裏面嘅肉又保持到肉汁嫩滑。豬顎骨$38/串原本以為呢個肉會好似豬頸肉咁好多油分，但係原來呢隻肉係比較有咬口嘅，而且比較瘦同埋帶一啲筋，啱晒鍾意𡁻肉嘅人。日本番薯仔 $28/串燒蕃薯仔將所有水份所喺裏面，蕃薯仔香甜粉糯，又帶點煙煙韌韌嘅感覺。燒槍魷魚 $188原隻魷魚好大條，配上青檸汁同埋Wasabi一齊食，味道都幾清新，冇想像中嗰
一坐低店員就送上前菜蕃茄（$32），簡單一個生蕃茄，但係配上特製醬汁同埋配上蒜蓉之後好好食，好香完全冇腥味。我哋仲叫咗一碟漬物牛蒡（$38），啱晒飲嘢傾偈。
首先刺身盛（$168），三文魚勁肥美，帶子鮮甜，我就最鍾意牡丹蝦，大大隻，啖啖肉，紮實鮮甜。
豚肉芫荽卷$34/串
燒得勁香口，豬肉燒到金黃焦焦，一口咬下肉汁同埋油香充分散發出嚟，捲着嘅芫荽香之餘又中和左一啲油膩感。
豚肉鵪鶉蛋卷$36/串
豬肉同樣燒得出色，油香豐富，捲着個鵪鶉蛋蛋白爽爽，蛋黃香，口感粉粉的。豚肉卷面頭再灑上櫻花蝦，味道好有層次。
雞翼串$38/串
雞翼燒得好出色，雞皮金黃香脆，又係油脂嘅香味充分散發出來，但係裏面嘅肉又保持到肉汁嫩滑。
豬顎骨$38/串
原本以為呢個肉會好似豬頸肉咁好多油分，但係原來呢隻肉係比較有咬口嘅，而且比較瘦同埋帶一啲筋，啱晒鍾意𡁻肉嘅人。
日本番薯仔 $28/串
燒蕃薯仔將所有水份所喺裏面，蕃薯仔香甜粉糯，又帶點煙煙韌韌嘅感覺。
燒槍魷魚 $188
原隻魷魚好大條，配上青檸汁同埋Wasabi一齊食，味道都幾清新，冇想像中嗰種燒魷魚嘅香味，但係就可以食到魷魚嘅鮮原味。
張貼
