影片
更多
2022-09-05
65 瀏覽
位於尖沙咀的The Dutch House 由一位荷蘭人華人主理, 佢哋主打 fine food, 大部分海產食材均由荷蘭新鮮運港, 保證原汁原味的荷蘭出品。大廚仲係一級評酒師, 做埋wine pairing, 鍾意飲酒嘅會一石二鳥, 品嚐美味佳餚之餘, 仲有美酒相伴。餐廳面積不算大, 佈置十分荷蘭FEEL, 座位相當舒服, 特別係今次我哋坐窗口位, 180度室外開揚美景伴食。餐牌主打荷蘭特色菜, 有小食、主菜及甜品, 還有其他西餐扒類, 既然老細係一級品酒師, 當還有無類美酒供應, 紅酒、白酒、清酒、香檳、啤酒………廚師發板六道菜 ($988) 今日我同朋友食廚師發板六道菜, 包小食、主菜、甜品, 唔使諗就最好。荷蘭街頭小食系列 ~荷蘭同好多歐洲國家嘅市民都好鍾意坐喺室外嘅露天座位嘆啤酒, 送酒小食相對嚟講會重少少口味, 今日廚師整咗四樣荷蘭特色小食畀我哋試吓。香烤鵪鶉腿配秘制香醋醬我都係第一次食鵪鶉脾咁招積, 鵪鶉脾烤得色澤金黃, 肉質鮮嫩滑溜, 味道香香鹹鹹, 有啲似食緊嫩口版既四川火腿, 配香醋汁酸則起了減膩作用。荷蘭海蝦炸丸同樣炸得乾身脆口, 餡料改上荷蘭獨有的小海蝦, 味
餐廳面積不算大, 佈置十分荷蘭FEEL, 座位相當舒服, 特別係今次我哋坐窗口位, 180度室外開揚美景伴食。
餐牌主打荷蘭特色菜, 有小食、主菜及甜品, 還有其他西餐扒類, 既然老細係一級品酒師, 當還有無類美酒供應, 紅酒、白酒、清酒、香檳、啤酒………
廚師發板六道菜 ($988)
今日我同朋友食廚師發板六道菜, 包小食、主菜、甜品, 唔使諗就最好。
荷蘭街頭小食系列 ~
荷蘭同好多歐洲國家嘅市民都好鍾意坐喺室外嘅露天座位嘆啤酒, 送酒小食相對嚟講會重少少口味, 今日廚師整咗四樣荷蘭特色小食畀我哋試吓。
香烤鵪鶉腿配秘制香醋醬
我都係第一次食鵪鶉脾咁招積, 鵪鶉脾烤得色澤金黃, 肉質鮮嫩滑溜, 味道香香鹹鹹, 有啲似食緊嫩口版既四川火腿, 配香醋汁酸則起了減膩作用。
荷蘭海蝦炸丸
同樣炸得乾身脆口, 餡料改上荷蘭獨有的小海蝦, 味度比較鮮及甜, 入口漿狀似特濃龍濃蝦膏般甘香味鮮。
自家脆炸阿姆斯特丹牛丸
用牛尾肉及牛尾湯用麵粉包著炸成, 外層是脆卜卜的, 內則很CREAMY鹹香。
雞肉豬肉腸
大廚用雞肉豬肉整成的肉腸, 入口冇平時食嘅腸仔咁硬, 偏軟身, 有黑椒香及洋蔥粒辛香, 少少蛋黃醬及咖哩調味, 口味偏鹹香, 用嚟送啤酒就剛剛好。
前菜 ~ 橡木煙燻荷蘭野生鰻魚
主角是荷蘭野生鰻魚, 荷蘭野生鰻魚比較矜貴在佢哋都會有休漁期, 限時供應的, 廚師用橡木煙燻六小時, 以橡木煙燻的味道清而香, 煙燻味沒有像煙三文魚般霸道, 野生鰻魚肉質油滑得黎帶點結實, 煙燻後仍能食到魚既鹹鮮, 配上自家蜜糖芥末醬的清爽沙律菜, 可中和煙燻魚嘅鹹味。
白蘭地龍蝦湯
望落非常亮麗濃杰的龍蝦湯, 上檯後服務員會將燃燒中的白蘭地灑幾滴在龍蝦湯內, 目的是逼走龍蝦的海鮮腥味及令龍蝦湯更香。
龍蝦湯以原隻龍蝦淆製, 不加任何其它海鮮, 只加少許忌廉令湯頭更滑口, 湯全是龍蝦的精髓, 啖啖濃鮮及蝦膏的甘香, 湯內附的爽甜蝦肉也不少, 麵包粒更是精髓所在, 索滿龍蝦湯, 很美味。
紐西蘭白酒
夠曬冰凍, 入口清爽, 有啲微微檸檬的果酸, 完全唔dry, 合適配海鮮的餐酒。
白酒煮荷蘭青口
正宗荷蘭青口, 服務員話從荷蘭海上撈起, 加海水packing空運到香港, 只是兩日的時間, 夠曬新鮮及原汁原味。
大廚亦都用最正宗嘅荷蘭廚具去煮呢個白酒青口, 煮出嚟嘅青口特別鮮甜嫩滑, 咪睇個湯汁咁多, 其實完全冇加水的, 只用本身包裝的海水再加少許牛油、百里香、忌廉及蔬菜煮熟, 再加白酒除腥及提鮮, 青口特別鮮甜, 湯汁混合青口嘅鹹鮮及蔬菜的清甜。
青口煲還會附送一條意大利蒜蓉拖鞋包用嚟吸湯汁, 拖鞋包超好食, 鬆軟彈牙, 蒜香澎湃, 包邊焗得脆脆的, 比泰式蒜蓉包更好食
阿根廷紅酒
2021年新酒, 果香較出, 配紅肉之選。
和牛牛背位配意大利飯
香港人一聽到和牛總是跟牛肉嘅油花及脂肪掛鉤, 今日啲三件和牛牛背肉簡直顛覆咗和牛喺我心目中嘅過往形象, 牛背位口感完全不似和牛, 大廚精選牛背位, 是香港人較少的部位, 味道似食緊燒牛脷, 但肉質細棉, 牛肉味很濃, 淋上蕃茜酒及燒汁, 特別香口, 牛肉底下的意大利飯吸收了牛肉汁及燒汁液, 正到暈
甜品 ~ 荷蘭蘋果批配雪糕
蘋果批是自家出品, 批皮鬆化, 香甜帶點微酸的蘋果肉混合了合桃, 微微的肉桂香, 一口一件, 香甜脆口, 食罷再來一個冰凍香滑雪糕球, 滿足!
服務員好NICE, 謝謝哥哥仔為我地細心解釋每道菜既特式, 好讓我地品嚐時更留意食物的細節.
張貼
