陳儀興飯店 (嘉悅)

營業中

休息中

跟友人去咗陳儀興飯店，食下呢間CP值高嘅潮州菜，除咗打冷出名，小菜都唔錯架。今次點左幾款特色小菜慢慢嘆下🤗。滷水鵝片，鵝肉嫩滑，配菜有豆腐同芽菜，滷水汁香而不咸，老少咸宜。焗魚腸，好多年冇食過啦，見到呢度有，就即刻落單，上枱時已聞到香噴噴，表面焗到金黃色的很吸晴，內層熱辣魚腸鬆軟，且沒有腥味。椒鹽白鱔，炸得香脆可口，椒鹽味調得恰到好處，白鱔肉有咬口，佐酒很正。豉汁蒸魚雲，魚雲上鋪滿惹味的豆豉，最重要係新鮮好滑溜，喜愛食魚雲的一定要點黎食😉。潮洲蠔仔粥（碗），2人食份量剛好，蠔仔🦪份量都唔少，加點胡椒粉更好吃😋。