柞木炭家

營業中

休息中

實在太耐冇食韓國菜，好懷念韓國嘅醬油蝦，加上見到季節性餐牌好吸引，忍唔住全部點晒季節性食物。壽喜燒牛肉豆腐壽喜燒和牛西冷和牛西冷肉質非常柔軟細膩，脂肪分佈細密，霜降程度好明顯。首先將壽喜燒汁燒熱，之後放入和牛，加埋蛋汁，燒後脂肪完美同鮮甜牛肉融為一體，最後放係飯度一齊食。和牛油香濃郁， 入口即溶，令人回味無窮。嚴選韓牛牛柳有兩大塊賣相吸引，由於牛柳放左係鹽板上，已經有鹽味，所唔洗再加任何調味料。名品醬油蝦 醬汁味濃，每一隻蝦都好入味好鮮，非常開胃，而且好有韓國風味，推介！和牛脂飯係原煲上份量非常大，超碼足夠4人食用。一打開充滿牛脂香，和牛係切粒，甚有咬口，米飯用上韓國米香軟可口。焦糖牛角包樣似窩夫，但其實係牛角包，淡淡焦糖，唔會太甜！值得一讚服務員會細心講解每樣野食，仲會幫你燒埋，坐係度就可以等食，真係唔錯。